చిన్న సినిమాల‌తో శ్రీ వెంక‌టేశ్వ‌ర క్రియేష‌న్స్ ప్రయాణం మొద‌లైంది. క్ర‌మంగా స్టార్ హీరోల‌తో సినిమాలు చేసే స్థాయికి ఎదిగింది. టాలీవుడ్ లోని టాప్ హీరోలంద‌రితోనూ సినిమాలు చేసింది. ఇప్పుడు బాలీవుడ్ లోకి అడుగుపెట్టింది. అయితే… ఈ బ్యాన‌ర్ నుంచి ఒక్క లేడీ ఓరియెంటెడ్ సినిమా కూడా రాలేదు. ఆ లోటు ఇప్పుడు తీర్చుకోబోతున్నారు దిల్ రాజు.
దిల్ రాజు సంస్థ నుంచి ఓ లేడీ ఓరియెంటెడ్ సినిమా రాబోతోంది. ఇప్ప‌టికే క‌థ సిద్ధ‌మైంది. దిల్ రాజు బ్యాన‌ర్‌లో మంచి విజ‌యాల్ని అందించిన ఓ ద‌ర్శ‌కుడు ఈ సినిమాని తెర‌కెక్కిస్తారు. ఓ అగ్ర క‌థానాయిక ఈ చిత్రంలో న‌టించ‌బోతోంది. అయితే ఈ సినిమా ఓటీటీ కోస‌మా? థియేట‌రిక‌ల్ రిలీజ్ కోస‌మా? అనేది తెలియాల్సివుంది. ప్ర‌స్తుతం స్క్రిప్టు ప‌నులు, బ‌డ్జెట్ లెక్క‌లు జ‌రుగుతున్నాయి. అవ‌న్నీ ఓ కొలిక్కి వ‌చ్చాకే ఈ సినిమా స్థాయి ఏమిటో తెలుస్తుంది.
