క‌రోనా వ‌ల్ల షూటింగుల‌న్నీ బంద‌యిపోయాయి. కేంద్ర,రాష్ట్ర ప్ర‌భుత్వాలు షూటింగుల‌కు అనుమ‌తులు ఇచ్చినా – హీరోలు ధైర్యం చేయ‌ట్లేదు. ఇప్పుడిప్పుడే యువ హీరోలు షూటింగుల కోసం ముందుకొస్తున్నారు. తాజాగా సందీప్ కిషన్ షూటింగ్‌కి రెడీ అయ్యాడు. సందీప్ క‌థానాయ‌కుడిగా తెర‌కెక్కుతున్న చిత్రం `ఏ 1 ఎక్స్‌ప్రెస్`. ఏఏఏ ఆర్ట్స్‌, పీపుల్స్ మీడియా ఫ్యాక్ట‌రీ సంయుక్తంగా నిర్మిస్తున్నాయి. మంగ‌ళ‌వారం నుంచి హైద‌రాబాద్ లో షూటింగ్ మొదలు పెట్ట‌నున్నారు. సందీప్ కిష‌న్‌పై కొన్ని ముఖ్య‌మైన సన్నివేశాల్ని తెర‌కెక్కిస్తారు. “బ్యాక్ టూ సెట్స్ ఫ్ర‌మ్ టుమారో` అంటూ సందీప్ కిషన్ ఓ ట్వీట్ చేశాడు. క్రీడా నేప‌థ్యంలో సాగే క‌థ ఇది. ఈ లాక్ డౌన్ స‌మ‌యంలో దేహ ధారుడ్యంపై దృష్టి పెట్టాడు సందీప్. ఈ విరామాన్ని స‌రిగ్గా వాడుకుంటూ కండ‌లు పెంచి, ఈ పాత్ర కోసం పూర్తి స్థాయిలో స‌న్న‌ద్ధ‌మ‌య్యాడు. లావ‌ణ్య త్రిపాఠీ క‌థానాయిక‌గా న‌టిస్తోంది.
సెట్స్‌లో అడుగుపెడుతున్న సందీప్‌కిష‌న్‌
