చిరంజీవి `ఆచార్య` షూటింగ్ ఈమ‌ధ్యే పునః ప్రారంభం అయ్యింది. న‌వంబ‌రు 20 నుంచి చిరు సెట్లోకి అడుగుపెడ‌తారునుకున్నారంతా. అయితే.. సంక్రాంతి త‌ర‌వాతే చిరు ఆచార్య సెట్లోకి అడుగుపెడ‌తాడ‌ని ఓ టాక్ వినిపిస్తోంది. ఈ సినిమాలో రామ్ చ‌ర‌ణ్ కూడా ఓ కీల‌క‌పాత్ర పోషిస్తున్న సంగ‌తి తెలిసిందే. చ‌ర‌ణ్ కాల్షీట్లు సంక్రాంతి త‌ర‌వాతే ల‌భ్యం అయ్యాయి. జ‌న‌వ‌రి మూడో వారం నుంచి చ‌ర‌ణ్ సెట్ కి వ‌స్తాడు. అప్పుడే చిరు కూడా సెట్లోకి అడుగుపెడ‌తాడ‌ని, ఇద్ద‌రి మ‌ధ్య కీల‌క‌మైన సన్నివేశాలు తెర‌కెక్కిస్తార‌ని స‌మాచారం.
నిజానికి కోవిడ్ టెస్ట్ `నెగిటీవ్‌` అని తేలాక.. ఆచార్య షూటింగ్ లో పాలుపంచుకోవాల‌ని చిరు ఫిక్స‌య్యాడు. కానీ..ఇప్పుడు ఇంకొంత విరామం తీసుకోవాల‌ని భావిస్తున్నాడ‌ట. క‌రోనా. సెకండ్ వేవ్ జోరుగా ఉందిప్పుడు. ఇలాంటి పరిస్థితుల్లో ఇంకాస్త జాగ్ర‌త్త‌గా ఉండాలి. అందుకే… చిరు షూటింగ్‌కి ఇంకొన్ని రోజులు దూరంగా ఉండాల‌ని భావిస్తున్నాడ‌ట. ఈలోగా.. చిరుతో సంబంధం లేని స‌న్నివేశాలన్నీ పూర్తి చేయాల‌ని చిత్ర‌బృందం భావిస్తోంది. ముందు అనుకున్న షెడ్యూల్ ప్ర‌కారం డిసెంబ‌రు తొలి వారంలో కాజ‌ల్ `ఆచార్య` సెట్స్‌లోకి రావాలి. అయితే.. చిరు తాజా నిర్ణ‌యం తో.. కాజ‌ల్ ఎంట్రీ కూడా ఆల‌స్యం కానున్న‌ద‌ని స‌మాచారం.
