మొత్తానికి రాధే శ్యామ్ ప‌నుల‌న్నీ ఓ కొలిక్కి వ‌స్తున్నాయి. ఈనెల 14న ప్రేమికుల రోజు సంద‌ర్భంగా.. రాధేశ్యామ్ టీజర్ విడుదల కానుంది. అదే రోజు విడుదల తేదీ కూడా ప్ర‌క‌టిస్తారు. జూన్ 30న రాధే శ్యామ్ విడుదల అవుతుంద‌ని స‌మాచారం. ఇప్పుడు షూటింగ్ కూడా పూర్తి కావొచ్చింద‌ట. ఓ పాట మాత్రమే.. బాకీ ఉంద‌ని. ఆ పాట‌ని త్వ‌ర‌లోనే హైద‌రాబాద్ లో తెర‌కెక్కిస్తార‌ని స‌మాచారం. పాట‌తో పాటు.. పూజా హెగ్డేపై కొన్ని షాట్స్ షూట్ చేయాల‌ని, అందుకోసం మ‌రో రోజు స‌మ‌యం ప‌డుతుంద‌ని తెలుస్తోంది. పాట‌కు 5 రోజులు.. పూజా కోసం మ‌రో రోజు. అంటే.. క‌నీసం ఆరు రోజుల్లో షూటింగ్ పూర్త‌యిపోతుంది. అయితే.. ఈ పాట‌కు ప్రభాస్, పూజాల కాల్షీట్లు దొర‌కాలి. ఎందుకంటే.. పూజా ఫుల్ బిజీ. ప్రభాస్ కూడా అంతే. ఓ వైపు స‌లార్‌, మ‌రోవైపు… ఆదిపురుష్‌. ఇలా రెండు వైపులా బిజీ. `రాధే శ్యామ్` ఎలాగూ జూన్‌లో విడుదల అవుతుంది కాబ‌ట్టి, చాలా టైమ్ ఉన్న‌ట్టే లెక్క.
రాధేశ్యామ్… ఒకే ఒక్క పాట బాకీ!
