గోరంట్ల మాధవ్ న్యూడ్ వీడియోను సమర్థించేందుకు చివరికి ఏపీ సీఐడీ కూడా రంగంలోకి దిగింది. ప్రభుత్వం ఆ వీడియోను ఫోరెన్సిక్ టెస్ట్ చేయించేది లేదని తేల్చేయడంతో టీడీపీ నేతలు అమెరికాలోని ఎక్లిప్స్ అనే ఫోరెన్సిక్ ల్యాబ్‌లో టెస్ట్ చేయించింది. ఆ టెస్ట్ ల్యాబ్ విషయంలో ఎవరు ఫిర్యాదు చేశారో స్పష్టత లేదు కానీ ఏకంగా సీఐడీనే రంగంలోకి దిగింది. సీఐడీ అమెరికాలోని ఎక్లిప్స్ ఫోరెన్సిక్ ల్యాబ్ నుంచి వివరణ తీసుకున్నామని.. ఆ వీడియో ఒరిజినల్ అని తాము చెప్పలేదని ఆ ల్యాబ్ చెప్పలేదని సీఐడీ డీజీ సునీల్ కుమారే మీడియా ముందుకు వచ్చి ప్రకటించారు. పైగా తాము రిపోర్టు ఇవ్వక ముందే అందులో మార్పులు చేశారని ల్యాబ్ చెప్పిందని కూడా సునీల్ కుమార్ చెబుతున్నారు.
రిపోర్ట్ ఇచ్చేటప్పుడే మార్పులు చేయాలని కోరారన్నారు.రిపోర్ట్ ఇవ్వక ముందే ఎలా మార్పులు చేస్తారో కానీ.. ఎక్స్ పర్ట్ రిపోర్టులో మార్పులు చేసినందున ఆ రిపోర్టు చెల్లదని చెప్పుకొచ్చారు. అంతే కాదు.. ఎక్లిఫ్స్ ఇచ్చిన రిపోర్టులో మార్ఫింగ్ చేసినందున ఐటీ చట్టం కింద చర్యలు తీసుకుంటామని బెదిరించారు సునీల్ కుమార్. అసలు ఆ వీడియో ఇద్దరి మధ్య జరిగిందని.. మూడో వ్యక్తి రికార్డు చేశాడన్నారు. ఇద్దరి మధ్య జరిగిన రికార్డింగ్‌ ఒరిజినల్ అవుతుంది కానీ.. మూడో వ్యక్తి రికార్డు చేసేది ఒరిజినల్ కాదన్నారు. సునీల్ కుమార్ స్వయంగా మీడియా ముందుకు రావడంతో టీడీపీ వర్గాలు కూడా ఆశ్చర్యపోతున్నాయి.
అసలు ఆ వీడియోను ఫోరెన్సిక్ టెస్ట్ చేయించకుండా… టీడీపీ వాళ్లు చేయిస్తే ఫేక్ అని వాదించడానికి నేరుగా సీఐడీ డీజీనే రంగంలోకి దిగారు. కానీ వారుచెప్పే ఆ ఒరిజినల్ వీడయో ఎక్కడుందో చూసి నిజమో కాదో తేల్చేందుకు మాత్రం ఆసక్తి చూపించడం లేదు. గోరంట్ల మాధవ్ వీడియో మార్పింగ్ అని కానీ ఫేక్ అని కానీ ఒక్కరూ నమ్మట్లేదు. ఎందుకంటే… గ్రాఫిక్స్‌కు..నిజానికి తేడా తెలుసుకోలేనంత అమాయకండా ఈ డిజిటల్ ప్రపంచంలో జనంలేరు. కానీ అది ఫేక్ అని నమ్మించాలని ప్రయత్నం చేస్తూ.. పదేపదే వ్యవస్థల విశ్వసనీయతను.. ప్రభుత్వమే దిగజార్చుతూండటం అందర్నీ ఆశ్చర్య పరుస్తోంది.
