పూరి జ‌గ‌న్నాథ్ – క‌ల్యాణ్‌రామ్ కాంబినేష‌న్‌లో ఓ చిత్రం తెర‌కెక్కుతోంది. ఈ సినిమాలో క‌ల్యాణ్‌రామ్ రిపోర్ట‌ర్ పాత్ర‌లో క‌నిపించ‌నున్నాడు. అందుకే ఈ చిత్రానికి ‘రిపోర్ట‌ర్ బాల‌కృష్ణ’ అనే పేరు పెడ‌తార‌ని ప్ర‌చారం జ‌రిగింది. అయితే.. ఈసినిమా టైటిల్ కాసేప‌ట్లో ఖ‌రారు కానుంది. విశ్వ‌స‌నీయ వ‌ర్గాల స‌మాచారం ప్ర‌కారం ఈ చిత్రానికి ‘ఇజం’ అనే పేరు డిసైడ్ చేశారు. మ‌రికొద్ది సేప‌ట్లో ఫ‌స్ట్ లుక్ పోస్ట‌ర్‌తో పాటు, టైటిల్‌లోగోని కూడా ఆన్‌లైన్ ద్వారా విడుద‌ల చేయ‌నున్నారు. మంగ‌ళ‌వారం క‌ల్యాణ్ రామ్ పుట్టిన రోజు. ఈ సంద‌ర్భంగా ఈ చిత్ర విశేషాల్ని తొలిసారి మీడియాతో పంచుకోవ‌డానికి స‌మాయాత్తం అవుతోంది చిత్ర‌బృందం. త్వ‌ర‌లోనే ఇజం టీమ్‌.. స్పెయిన్ వెళ్ల‌నుంది. అక్క‌డ కీల‌క షెడ్యూల్ ప్రారంభం కానుంది.
