“ మనకు ప్రపంచ స్థాయి రాజధాని ఎందుకు” అని అంబటి రాంబాబు వాగేశారు. అది ఆయన అభిప్రాయమే కాదు.. పార్టీ పాలసీ కూడా. ఒక్క అమరావతి విషయంలోనే కాదు .. ప్రజలపైనా వారి అభిప్రాయం అదే. మీరు బాగుపడటం ఎందుకు… మూడుపూట్ల తినేందుకు రేషన్ బియ్యం, కొంత డబ్బులు జగన్ రెడ్డి ఇస్తాడు. బానిసల్లా బతకండి అనే పాలసీ వారిది. ఐదు సంవత్సరాల పాలనలో ఇది చూశారు. ప్రజలు ఛీ కొట్టినా మా పాలసీలో మార్పు రాదని వారు పదే పదే నిరూపిస్తున్నారు.
రాజధాని నిర్మిస్తే నొప్పేంటి?
అమరాతి రాజధాని పనులు ఫుల్ స్వింగ్ మీద ఉన్నాయి. ఒక్క రూపాయి ప్రజాధనం పెట్టడం లేదు. అన్నీ రుణ సంస్థలు ఇస్తున్నాయి. అందులో అత్యధికం కేంద్రం కట్టేస్తుంది. మిగిలినవి అమరావతి అభివృద్ధి వల్ల వచ్చే డబ్బులతో కట్టేస్తారు. ప్రస్తుతం రాజధాని రైతులకు చెల్లించే కౌలు మాత్రమే ప్రభుత్వం చెల్లిస్తోంది. అక్కడ జరుగుతున్న అభివృద్ధి పనులతో ప్రభుత్వానికి అంత కంటే ఎక్కువ ఆదాయం వస్తోంది. అయినా రాజధానిని కట్టేస్తున్నారు అని వైసీపీ గగ్గోలు పెడుతోంది. ఏ నిర్ణయం తీసుకున్నా అడ్డగోలు ఆరోపణలు చేస్తోంది. ఏపీకి రాజధాని నిర్మించకూడదని.. రాజధాని అక్కర్లేదన్నట్లుగా వ్యవహరిస్తోంది. అసలు ఏపీకి సొంత రాజధాని ఉంటే వైసీపీకీ.. జగన్‌కూ సమస్యేంటి?
ప్రజలు బాగుపడకూడదా ?
ఓ హైదరాబాద్, ఓ బెంగళరు, ఓ చెన్నై .. ఆయా రాష్ట్రాలకు ఆర్థిక వనరులు. అక్కడి ప్రజలకు పథకాలు, ఉద్యోగాలు వస్తున్నాయంటే ఆ సిటీల వల్లే కారణం.అవేమీ రాత్రికి రాత్రి ఏర్పడలేదు. ఎన్నో ప్రయత్నాల తర్వాతనే ఎదిగాయి. పరిశ్రమల కోసం ఓ ఎకోసిస్టమ్ ఏర్పాటు చేసుకుని ప్రయత్నించారు. ఇప్పుడు ఈ సిటీల మీద ఏపీ ప్రజలు ఆధారపడుతున్నారు. అక్కడ వివక్షను ఎదుర్కోవాల్సివస్తోంది. అలాంటి సిటీ ఏపీకి ఉండకూడదా?. ప్రజలు బాగుపడకూడదా?. అమరావతి నిర్మాణానికి ముందుగా కావాల్సింది సంకల్పం…ఐడియాలు. కానీ తమ వ్యాపారాలను విచిత్రమైన ఐడియాలతో. .. వేల కోట్లకు పెంచుకునేవారు.. ప్రజల కోసం .. ప్రజారాజధాని కోసం మాత్రం అలాంటివి వద్దంటారు. ప్రజలు బాగుపడకూడదనేదే వారి లక్ష్యమా?
ప్రజలు తరిమికొట్టేశారు .. అయినా సిగ్గు రావడం లేదా ?
రాజధానిని నిర్మిస్తామని చెప్పి అధికారంలోకి వచ్చి నిర్వీర్యం చేశారు. ప్రజల ఉపాధిని దెబ్బతీసి వారికి రేషన్ బియ్యం, కొద్ది డబ్బులు ఇచ్చి బానిసల్లా చేసుకునే ప్రయత్నం చేశారు.కానీ ప్రజలు ఆ ట్రాప్ లో పడలేదు. ఓటు అనే ఆయుధంతో పెట్టి తొక్కితే పాతాళానికి పోయారు. ప్రతిపక్ష హోదా ఇవ్వాలని అడుక్కుంటున్నారు. ఇలాంటి ఘోరమైన పరిస్థితికి వచ్చినా కుట్రలు మాత్రం మానడం లేదు. వీరిని చూసి అసహ్యించుకోవడం తప్ప… ఇంకేమి చేయగలం ?
