హైదరాబాద్: సొట్టబుగ్గల బాలీవుడ్ బ్యూటీ, పంజాబ్ కింగ్స్ జట్టు యజమాని ప్రీతి జింటా కొత్త బాయ్‌ఫ్రెండ్‌తో డిన్నర్ డేట్‌కు వెళుతూ మీడియా కంటపడింది. ఆ బాయ్‌ఫ్రెండ్ మరెవరో కాదు… సౌత్ ఆఫ్రికా మిడిలార్డర్ బ్యాట్స్‌మన్ డేవిడ్ మిల్లర్. తన జీవితంలోకి ఓ కొత్త స్పెషల్ పర్సన్ రాబోతున్నాడంటూ ప్రీతి ఇటీవల ట్వీట్ చేసింది. భారత్-సౌత్ ఆఫ్రికా మధ్య ఐదో వన్డే మొన్న ముంబాయిలో జరిగిన రోజు – ఆదివారం రాత్రి వీళ్ళిద్దరూ ఒక రెస్టారెంట్ బయట మీడియాకు కనిపించారు. మీడియాకు ఏ మాత్రం జంకకుండా ప్రీతి పోజులివ్వటం విశేషం.
40 ఏళ్ళ ప్రీతి బాంబే డైయింగ్ సంస్థ అధినేత వారసుడు నెస్ వాడియాతో చాలాకాలం సహజీవనం చేసింది. పంజాబ్ కింగ్స్ జట్టుకు ఇద్దరూ యజమానులే. అయితే తర్వాతి కాలంలో వీరిద్దరికీ మధ్య తీవ్రస్థాయిలో విభేదాలు రావటం, నెస్ తనను కొట్టాడని ప్రీతి కేసు పెట్టటంకూడా జరిగింది. అలా వాళ్ళిద్దరూ విడిపోయారు. తర్వాత ఆస్ట్రేలియా ఆటగాడు బ్రెట్ లీతో ప్రీతి చెట్టాపట్టాలేసుకుని తిరుగుతోందని కొన్ని వార్తలొచ్చాయి. అయితే తాజా బాయ్ ఫ్రెండ్ మాత్రం నిజమేనని నిర్ధారణ అయింది. ఇక డేవిడ్ మిల్లర్ పంజాబ్ కింగ్స్ జట్టులో కీలక ఆటగాడు. ఐపీఎల్-6 సీజన్‌లో బెంగళూరుపై 38 బంతుల్లో సుడిగాలి సెంచరీ చేసి కిల్లర్ మిల్లర్‌గా పేరుతెచ్చుకున్నాడు. కొసమెరుపేమిటంటే ప్రీతికి 40 ఏళ్ళయితే, మిల్లర్‌కు 26 ఏళ్ళు.
