ఈ టివిలో టెలిలికాస్ట్ అయ్యే జబర్దస్త్ షో మంచి పాపులారిటీని సంపాధించింది. ప్రోగ్రాంలో కాస్త అడల్ట్ కంటెంట్ ఎక్కువ అనిపించినా బుల్లితెర ప్రేక్షకులను గంట పాటు ఎంటర్టైన్ చేస్తూ మంచి టి.ఆర్.పి రేటింగ్లో ఉంది జబర్దస్త్ షో. అయితే బుల్లితెరలో సెన్షేషన్ అయిన ఈ షోలో ఇప్పుడు కొత్త వారితో అలరించేందుకు రెడీ అయ్యిందట. ముఖ్యంగా ఈ ప్రోగ్రాం యాంకర్ రష్మి కూడా జబర్దస్త్ నుండి తప్పుకుంటుందని వార్తలు వస్తున్నాయి. జబర్దస్త్ షోలో యాంకర్ అంటే సెపరేట్ క్రేజ్ ముందు ఈ క్రేజ్ ని తీసుకువచ్చింది హాట్ యాంకర్ అనసూయ.
తన క్యూట్ మాటల్తో హాట్ యాంకర్ గా అవతరించిన అనసూయ జబర్దస్త్ షోతోనే మంచి పాపులారిటీని సంపాధించింది. అ ప్రోగ్రాంలో యాంకర్స్ వేసే కాస్టూమ్స్ కే బుల్లితెర ప్రేక్షకులు ఫిదా అయిపోయారు. అయితే అనసూయ తర్వాత ఆ ప్రస్థానాన్ని కొనసాగించింది రష్మి. అంతకుముందు చిన్న చితకా సినిమాలు చేసినా లాభం లేక యాంకర్ అయిన ఈ భామ జబర్దస్త్ షోతో సూపర్ క్రేజ్ తెచ్చుకుంది. పేరుకి కామెడి షో అయినా స్టేజ్ మీద కామెడీ స్కిట్స్, హాట్ యాంకర్ల స్కిన్ షోతో ప్రోగ్రాం మాత్రం సూపర్ సక్సెస్ తో ముందుకెళ్తుంది.
అయితే రానున్న రోజుల్లో రష్మి కూడా తప్పుకుని యాంకర్ గా వేరే అమ్మాయిని పెట్టే ఆలోచనలో ఉన్నారట మల్లెమాల టీం. రష్మి ప్రస్తుతం హీరోయిన్ గా రెండు మూడు సినిమాలకు ఓకే అయ్యింది. సినిమాలు, రియాలిటీ షోలు అంటే కష్టం కనుక ఇక జబర్దస్త్ కు గుడ్ బై చెప్పబోతుందని అంటున్నారు. ఇక ఆమె ప్లేస్ లో ప్రస్తుతం లీడింగ్ లో ఉన్న యాంకర్ శ్యామలని తీసుకునే ఆలోచనలో ఉన్నారట. శ్యామల కూడా తన క్యూట్ యాంకరింగ్ తో బుల్లితెర ప్రేక్షకులను అలరిస్తుంది. సినిమాల్లో కూడా చిన్న పాత్రలు వేస్తూ వస్తున్న ఈ భామ జబర్దస్త్ షో యాంకర్ అయితే సూపర్ క్రేజ్ సంపాధించినట్టే.
