తప్పుడు రివ్యూలు ఇవ్వడం .. నటులు, రాజకీయ నేతల వ్యక్తిగత జీవితాలపై తప్పుడు ప్రచారం చేసి వ్యూస్ పెంచుకోవడంలో ఓ గాసిప్ సైట్ ను… చొక్క పట్టుకుని ప్రశ్నించే వాళ్లు ఎక్కువగానే ఉంటారు. అయితే వారు మారరు. ఇప్పుడు ఈ గాసిప్ సైట్ ను.. వారి గాడ్ ఫాదర్ కూడా ఆదర్శంగా తీసుకుంటున్నారు. సాక్షి పత్రిక రాజకీయంగా టీడీపీ నేతలపై వేసే నిందల గురించి చెప్పాల్సిన పని లేదు. అవి ఎవరూ నమ్మడం లేదని ఇప్పుడు సినిమా వాళ్ల మీద పడి వ్యూస్ పెంచుకోవాలనకుంటోంది.
నటి ప్రగతి రెండో పెళ్లి అంటూ… వరుసగా స్టోరీలు రాస్తోంది. ఓ స్టార్ నిర్మాతను లైన్ లో పెట్టేశారని పెళ్లి చేసుకుంటున్నారని రాయడం ప్రారంభించారు. ఊరూపేరుసైట్స్ రాస్తే… పట్టించుకోరేమో కానీ సాక్షి రాస్తే అందిరికీ మసాలానే. ఈ విషయం తెలిసిన ప్రగతి వెంటనే స్పందించారు. సుత్తిమెత్తగానే … చెప్పాల్సిన భాషలోనే ఇదేం పద్దతని ప్రశ్నించారు. అంతిమంగా ఆమె స్పందన చూస్తే… సిగ్గులేని బతుకు బతికినా ఒకటే.. బతకకపోయినా ఒకటే అని చెప్పకనే చెప్పినట్లయింది.
మహిళల వ్యక్తిగత జీవితాలపై నిందలేయడంలో గాసిప్ సైట్ అందరి చీత్కారాలు పొందింది. గతంలో గాయని సునీత విషయంలో చేసిన ప్రచారంతో కేసులయ్యాయి. ఇటీవల యాక్టర్ స్వాతి రెడ్డి కూడా.. తాను ఎంత మానసిక క్షోభను అనుభవించారో చెప్పారు. అలా చేయడం తమకు ఎంతో ఇష్టం అనుకున్నారేమో కానీ సాక్షి కూడా రంగంలోకి దిగిపోయింది.
