బాలీవుడ్ లో సూప‌ర్ హిట్ట‌యిన `టూ స్టేట్స్`ని తెలుగులో రీమేక్ చేసి, ఆ సినిమాని మ‌ధ్య‌లో ఆపేసిన సంగ‌తి తెలిసిందే. అడ‌విశేష్ క‌థానాయ‌కుడిగా ఈ సినిమాని మొద‌లెట్టారు. రాజ‌శేఖ‌ర్ కుమార్తె శివాని క‌థానాయిక. అనివార్య కార‌ణాల వ‌ల్ల ఈ సినిమా ఆగిపోయింది. అప్ప‌టికి దాదాపు 90 శాతం షూటింగ్ కూడా అయిపోయింది. ఈ సినిమాని ఎలాగైనా స‌రే, పూర్తి చేసి విడుద‌ల చేయాల‌న్న‌ది నిర్మాత ఎం.ఎల్‌.వి స‌త్య‌నారాయ‌ణ ప్లాన్‌.
అడ‌విశేష్ మరో 20 రోజులు కాల్షీట్లు ఇస్తే.. ఈ సినిమా అయిపోతుంది. అయితే శేష్ మాత్రం ఫుల్ బిజీగా ఉన్నాడు. ఈ ప‌రిస్థితుల్లో `టూ స్టేట్స్` కాల్సీట్లు ఇవ్వ‌డం కష్టమే. శేష్‌కి కూడా ఈ రీమేక్ పై న‌మ్మ‌కం లేదు. `సినిమాని ఆపేద్దాం. నా పారితోషికం తిరిగి ఇచ్చేస్తా. కావాలంటే మరో సినిమా చేస్తా` అని నిర్మాత‌కు మాట ఇచ్చాడ‌ని తెలుస్తోంది. కానీ… ఇప్ప‌టి వరకూ పారితోషికం వెన‌క్కి ఇవ్వ‌లేదు. మరో సినిమా ఒప్పుకోలేదు. `టూ స్టేట్స్` ప‌క్క‌న పెట్టి, మిగిలిన సినిమాలు ఒకే చేసుకుంటూ వెళ్తున్నాడు. ఈ విష‌య‌మై నిర్మాత… అడ‌విశేష్‌పై కోర్టుకెక్కిన‌ట్టు తెలుస్తోంది. కోర్టు కూడా `ముందు టూ స్టేట్స్ విష‌యాన్ని సెటిల్ చేసుకోండి` అని అడ‌విశేష్ త‌ర‌పున న్యాయ వాదికి సూచించార్ట. శేష్ మరో సినిమా ఒప్పుకోవాల‌న్నా, విడుద‌ల అవ్వాల‌న్నా.. `టూ స్టేట్స్` నిర్మాత నుంచి నో అబ్జెక్ష‌న్ స‌ర్టిఫికెట్ తీసుకోవాలి. మ‌రి.. ఈ విష‌యాన్ని శేష్ ఎప్పుడు సెటిల్ చేసుకుంటాడో, ఏమో..?
