తమిళ స్టార్ హీరో అజిత్ తో మైత్రీ మూవీస్ సంస్థ ఓ చిత్రాన్ని నిర్మిస్తున్న సంగతి తెలిసిందే. అధిక్‌ ర‌విచంద్ర‌న్ ద‌ర్శ‌క‌త్వం వ‌హిస్తున్నారు. ఈ చిత్రానికి ‘గుడ్ – బ్యాడ్ – అగ్లీ’ అనే పేరు పెట్టారు. ఇందులో ముగ్గురు హీరోయిన్ల‌ని తెలుస్తోంది. ఓ క‌థానాయిక‌గా శ్రీ‌లీల ఎంపిక దాదాపుగా ఖాయ‌మైంది. మరో ఇద్ద‌రు వెట‌రన్ భామ‌లు క‌నిపించ‌నున్నారు. ఓ పాత్ర‌లో మీనా, మరో పాత్ర‌లో సిమ్రాన్ న‌టించ‌బోతున్నార‌ని తెలుస్తోంది. టైటిల్ కి త‌గ్గ‌ట్టుగా హీరో పాత్ర మూడు విభిన్న‌మైన కోణాల్లో, గెట‌ప్పుల్లో క‌నిపించ‌బోతున్న‌ట్టు టాక్‌. తాత – తండ్రి – మ‌న‌వ‌డు.. ఇలా మూడు త‌రాల్నీ… అజిత్ చేస్తున్నాడ‌ని తెలుస్తోంది. అందుకోసం లుక్ టెస్ట్ కూడా పూర్త‌య్యింది. ఇప్పుడు క‌థానాయిక‌లు, ఇత‌ర న‌టీన‌టుల ఎంపిక‌పై క‌స‌ర‌త్తు జ‌రుగుతోంది.
తాత పాత్ర ప‌క్క‌న సిమ్రాన్, తండ్రి పాత్ర కోసం మీనా మ‌న‌వ‌డి కోసం శ్రీ‌లీల‌ని ఎంచుకొన్నార‌ని స‌మాచారం. అజిత్ తో శ్రీ‌లీల‌కు ఇదే తొలి సినిమా. అయితే సిమ్రాన్ ఇది వ‌ర‌కే.. ‘వాలి’ చిత్రం కోసం అజిత్ తో జోడీ క‌ట్టింది. అంత‌కు ముందు ‘అవ‌ల్ వ‌రువాలా’లో ఇద్ద‌రూ క‌లిసి న‌టించారు. ఇది మూడో సినిమా అవుతుంది. మీనా కూడా గ‌తంలో రెండు చిత్రాల్లో అజిత్ స‌ర‌స‌న న‌టించింది. ఇది మీనా, సిమ్రాన్ ల‌కు అజిత్ తో హ్యాట్రిక్ సినిమా. అతి త్వ‌ర‌లోనే ఈ చిత్రాన్ని సెట్స్‌పైకి తీసుకెళ్తారు. అప్పుడే పూర్తి వివ‌రాలు వెల్ల‌డిస్తారు.
