అమరావతిలో గత ప్రభుత్వం కట్టిన పేదల ఇళ్లు రెడీ

రెడీగా ఉన్న ఇళ్లు ఇవ్వరు కానీ సీడ్ క్యాపిటల్ భూములు పంచుతారా..? … ఇదీ అమరావతిలో భూసమీకరణ చేసిన భూముల్లో రెండు వేలకుపైగా ఎకరాలను .. ఓటు బ్యాంక్‌కు ఇళ్ల స్థలాలుగా పంపిణీ చేయాలన్న ప్రభుత్వ ఆలోచన బయటకు వచ్చిన తర్వాత అందరిలోనూ మదిలిన ప్రశ్న. ఎందుకంటే.. అమరావతిలో గత ప్రభుత్వం.. ఇళ్లు లేని పేదల కోసం… ఇళ్లు కట్టించింది. అవి పూర్తయ్యాయి. అలాట్‌మెంట్ కూడా అయిపోయింది. స్వాధీన పర్చడమే మిగిలింది. కానీ ఎనిమిది నెలలుగా.. ఆ ఇళ్ల జోలికి ప్రభుత్వం వెళ్లడం లేదు. ఎవర్నీ వెళ్లనీయడం లేదు.

రాజధాని ఏరియాగా 29 గ్రామాలను గుర్తించిన తర్వాత.. అక్కడి సామాజిక పరిస్థితులను.. ప్రభుత్వం అధ్యయనం చేయించింది. రైతు కూలీలకు ఉపాధి, ఇళ్లు లేని పేదలు.. తీవ్రంగా ప్రభావితమవుతారని అంచనా వేసింది. వీరిని ఆదుకోవడానికి సామాజిక పెన్షన్లు మంజూరు చేసింది. అలాగే.. ఇళ్లు కూడా.. కట్టించాలని నిర్ణయించింది. ఎమ్మెల్యేలు, ఎంపీలు, ఉద్యోగుల ఇళ్లతో పాటు.. పేదల ఇళ్లను కూడా శరవేగంగా నిర్మించింది. 29 గ్రామాల్లో.. 7876 మంది ఇళ్లు లేని కుటుంబాలు ఉన్నాయని గుర్తించి .. రూ.650 కోట్ల వ్యయంతో సకల సౌకర్యాలతో ఇళ్ళ నిర్మాణం చేశారు. మొదటి విడతగా 8 చోట్ల మొత్తం 44 ఎకరాల్లో 157 బ్లాకుల్లో 5,024 ఫ్లాట్లు నిర్మించారు. భవన నిర్మాణాల కోసం రూ.296 కోట్లు , మౌలిక సదుపాయాల కోసం రూ. 49 కోట్లు ఖర్చు చేశారు. ఎన్నికలకు ముందు ప్రభుత్వం వారికి ఫ్లాట్లను ఎలాట్ చేసింది. ఫినిషింగ్ వర్క్ పూర్తి చేసి వారికి అందించాల్సి ఉంది. మరో నెలలో ఆ వర్క్ పూర్తయిపోతుదంనే సమయంలో ప్రభుత్వం మారింది. అప్పట్నుంచి అవి నిరుపయోగంగా మారిపోయాయి. అన్నింటితో పాటు.. వాటినీ కూడా ప్రభుత్వం నిలిపివేసింది.

ఇప్పుడు ప్రభుత్వం కొత్తగా పేదలకు.. రాజధాని భూముల్లోనే ఇళ్ల స్థలాలు ఇస్తామనే ప్రకటన చేసింది. రెడీగా ఉన్న ఇళ్లను ఇస్తే చాలని.. పేదలు అనుకొంటూండగా.. కొత్తగా స్థలాలు ఇస్తామని ప్రభుత్వం ఆశ పెట్టడం వెనుక దురుద్దేశం ఉందన్న భావన రాజధాని రైతుల్లో వ్యక్తమవుతోంది. ఇళ్ల స్థలాలు వస్తాయని పేదలను ఆశ పెట్టి.. ఉద్యమం చేస్తున్న రైతులపైకి ఉసిగొల్పేందుకే ప్రభుత్వం… ఈ ఇళ్ల స్థలాల పంపిణీ వ్యవహారం తెరపైకి తెచ్చిందనే ఆరోపణలు వినిపిస్తున్నాయి. రైతుల ఉద్యమాన్ని నీరు గార్చడానికి ప్రభుత్వం చేస్తున్న ప్రయత్నాల్లో ఇదీ కూడా ఒకటని అంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అదానీకి మధురవాడలో 130 ఎకరాలు..!

ఆంధ్రప్రదేశ్ ప్రభుత్వం విశాఖలో అదానీ ఇంటిగ్రేటెడ్ డేటా సెంటర్ పార్కు ఏర్పాటుకు భారీ ప్రోత్సాహకాలు ప్రకటించింది. పెట్టుబడుల ప్రోత్సాహక బోర్డు సిఫార్సుల మేరకు డేటా సెంటర్ పార్కు, ఐటీ బిజినెస్ పార్కు, నైపుణ్యాభివృద్ధి...

కేసీఆర్ అంతకన్నా ఎక్కువే అన్నారుగా..! అప్పుడు కోపం రాలేదా..!?

దుబ్బాక ఎమ్మెల్యే రఘునందన్ రావు .. వైఎస్ రాజశేఖర్ రెడ్డి అభిమానులకు క్షమాపణలు చెప్పారు. వైఎస్ కుటుంబాన్ని తాను కించపర్చలేదని.. తన మాటల్ని తప్పుగా అర్థం చేసుకున్నారని వివరణ ఇచ్చారు. ఇంతకీ...

తిరుపతి సీటు కోసం ఢిల్లీకి పవన్, నాదెండ్ల ..!

బీజేపీకి మద్దతుగా గ్రేటర్ ఎన్నికల బరి నుంచి వైదొలిగిన పవన్ కల్యాణ్ హుటాహుటిన ఢిల్లీ వెళ్తున్నారు. బీజేపీ జాతీయ అధ్యక్షుడు నడ్డాతో పాటు పలువురు సీనియర్ నేతలతో చర్చలు జరిపేందుకు నాదెండ్ల మనోహర్‌తో...

గుడ్ న్యూస్‌: థియేట‌ర్ల‌కు గ్రీన్ సిగ్న‌ల్

థియేట‌ర్లు తెర‌చుకోవ‌డానికి అనుమ‌తులు ఇస్తూ.. తెలంగాణ రాష్ట్ర ప్ర‌భుత్వం ఈరోజు ఓ జీవోని విడుద‌ల చేసింది. అయితే కొన్ని ష‌ర‌తులు విధించింది. సిట్టింగ్ సామ‌ర్థ్యాన్ని 50 శాతానికి ప‌రిమితం చేసింది. ప్ర‌తి ప్రేక్ష‌కుడూ.....

HOT NEWS

[X] Close
[X] Close