మాట‌ల‌తో మ‌న‌సు దోచుకున్న నాగ‌శౌర్య‌

తెర‌పై ఎలా ఉన్నా, బ‌య‌ట మాత్రం నాగ‌శౌర్య బాగా మొహ‌మాట‌స్థుడు. మాట్లాడ‌డానికి, నలుగురిలో క‌ల‌వ‌డానికి సిగ్గుప‌డుతుంటాడు. స్టేజీ ఎక్కితే అది కాస్త ఎక్కువే అవుతుంది. కానీ.. నాగ‌శౌర్య మారాడు. త‌న మాట‌ల‌తో మ‌న‌సు దోచుకున్నాడు. ‘అశ్వ‌ద్ధామ‌’ పాట‌ల వేడుక ఈరోజు ఖ‌మ్మంలో జ‌రిగింది. స్టేజీపై నాగ‌శౌర్య మాట్లాడిన విధానం చూస్తే.. ముచ్చ‌ట వేస్తుంది. త‌న త‌ప్పుల్ని నిర్భ‌యంగా ఒప్పుకుని, త‌న ఫ్లాపుల్ని మ‌రోసారి గుర్తు చేసుకున్నాడు.

సాధార‌ణంగా హీరోల‌కు హిపోక్ర‌సీ ఎక్కువ‌. త‌మ ఫ్లాపుల్ని కూడా హిట్స్‌గా చెప్పుకుంటారు. అయితే నాగ‌శౌర్య అలా కాదు. ‘న‌ర్త‌న శాల‌’ ఫ్లాప్ అయ్యింద‌ని, అలాంటి తప్పు త‌న జీవితంలో చేయ‌న‌ని వేదిక పై మాటిచ్చాడు. త‌న కొత్త సినిమా ‘అశ్వ‌ద్ధామ‌’ కోసం ప్రాణం పెట్టి ప‌ని చేశాన‌ని, ఈ సినిమా కోసం త‌న‌తో ప‌ని చేస్తాన‌న్న వాళ్లు చేయిచ్చి వెళ్లిపోయార‌ని, చేయ‌ను అన్న‌వాళ్లు త‌న‌తో పాటు క‌ల‌సి ప‌నిచేశాన‌ని, త‌న జీవితం అంటే ఏమిటో ఈ సినిమా నేర్పింద‌ని ఉద్వేగ‌భ‌రితంగా చెప్పాడు శౌర్య‌. త‌న కోసం చిన్న‌ప్ప‌టి నుంచీ అమ్మానాన్న‌లు ఎంతో ఖ‌ర్చు చేశార‌ని, అన‌వ‌స‌ర‌మైన విష‌యాల‌పై ల‌క్ష‌లు పోశార‌ని, ఈ సినిమా మొద‌లెట్టిన త‌ర‌వాత అలా ఎప్పుడూ ఖర్చు పెట్టించ‌కూడ‌ద‌ని అనుకున్నాన‌ని చెప్పాడు శౌర్య‌. ఈ సినిమాని చాలా ప్రేమించాన‌ని, అందుకే ఛాతీపై ప‌చ్చ‌బొట్టు పొడిపించుకున్నాన‌ని వేదిక‌పై చొక్కా విప్పి… టాటూని చూపించాడు. మొత్తానికి ఈ సినిమాపై శౌర్య చాలా న‌మ్మ‌కంగా ఉన్నాడు. ఈ చిత్రానికి త‌నే క‌థ అందించ‌డం వ‌ల్ల ఆ విశ్వాసం వ‌చ్చిందేమో.?  ఇటీవ‌ల విడుద‌ల చేసిన ప్ర‌చార చిత్రానికి మంచి స్పంద‌న వ‌స్తోంది. ట్రైల‌ర్‌లో ఉన్న థ్రిల్‌.. తెర‌పైనా క‌నిపిస్తే శౌర్య న‌మ్మ‌కం నిజం అయిన‌ట్టే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆది.. పాన్ ఇండియా సినిమా

సాయికుమార్ త‌న‌యుడిగా ఇండ్ర‌స్ట్రీలోకి అడుగుపెట్టాడు ఆది. ప్రేమ కావాలి, లవ్లీ సినిమాల‌తో మంచి విజ‌యాలు ద‌క్కాయి. ఆ త‌ర‌వాతే ట్రాక్ త‌ప్పాడు. ప్ర‌తిభ ఉన్నా, అవ‌కాశాలు వ‌స్తున్నా స‌ద్వినియోగం చేసుకోవ‌డం లేదు. ఇప్పుడు...

దేవ‌ర‌కొండ‌.. మిడ‌ల్ క్లాస్ మెలోడీస్!

దొర‌సానితో తెలుగు తెర‌కు ప‌రిచ‌య‌మ‌య్యాడు ఆనంద్ దేవ‌ర‌కొండ‌. విజ‌య్ దేవ‌ర‌కొండ త‌మ్ముడు కావ‌డం, రాజ‌శేఖ‌ర్ కుమార్తె హీరోయిన్ గా ప‌రిచ‌యం అవ్వ‌డంతో ఈ ప్రాజెక్టుపై ఆశ‌లు, అంచ‌నాలు పెరిగాయి. కానీ ఆ సినిమా...

సచివాలయం కూల్చివేతకు హైకోర్టు బ్రేక్…!

శరవేగంగా జరుగుతున్న తెలంగాణ సచివాలయ భవనాల కూల్చివేతకు హైకోర్టు బ్రేక్ వేసింది. సోమవారం వరకూ కూల్చివేతలు ఆపాలని.. మధ్యంతర ఉత్తర్వులు జారీ చేసింది. కూల్చివేతలు నిలిపివేయాలంటూ.. చిక్కుడు ప్రభాకర్ అనే వ్యక్తి దాఖలు...

క‌రోనా టైమ్ లోనూ… క‌నిక‌రించ‌డం లేదు!

క‌రోనా క‌ష్టాలు చిత్ర‌సీమ‌కు కుదిపేస్తున్నాయి. సినిమా రంగం ఈ ఉప‌ద్ర‌వం నుంచి ఇప్ప‌ట్లో బ‌య‌ట‌ప‌డ‌డం క‌ష్ట‌మే. చేయ‌గ‌లిగింది ఏమైనా ఉంటే, అది న‌ష్టాల్ని త‌గ్గించుకోవ‌డ‌మే. అందుకే కాస్ట్ కటింగ్‌, బ‌డ్జెట్ కంట్రోల్ అనే...

HOT NEWS

[X] Close
[X] Close