చంద్రబాబు అంత డబ్బు ఎక్కడి నుంచి తెస్తారు? అంబటి

వచ్చే ఎన్నికలలో అభ్యర్ధులెవరూ ఖర్చు చేయనవసరం లేదు. అందరికి పార్టీయే ఖర్చు చేస్తుందని’ ఆంధ్రప్రదేశ్ ముఖ్యమంత్రి చంద్రబాబు నాయుడు నిన్న తన పార్టీ ప్రజా ప్రతినిధులతో చెప్పడంపై, అనేకమంది అనేక రకాలుగా స్పందిస్తున్నారు.

దీనిపై వైకాపా సీనియర్ నేత అంబటి రాంబాబు స్పందన ఏవిధంగా ఉందంటే: “వచ్చే ఎన్నికలలో ఒక్కో నోయోజక వర్గానికి 5 నుంచి 20 కోట్లు వరకు పార్టీ తరపున ఖర్చు చేస్తామని చంద్రబాబు నాయుడు చెప్పారు. అంటే రాష్ట్రంలో గల 175 నియోజక వర్గాలకు ఒక్కో దానికి రూ.5 కోట్లే ఖర్చు చేయాలన్నా కనీసం రూ. 875 కోట్లు కావలసి ఉంటుంది. అదే 20 కోట్ల చొప్పునయితే రూ. 3500 కోట్లు కావలసి ఉంటుంది. మరి అంత డబ్బు చంద్రబాబు నాయుడుకి ఎక్కడ నుంచి తెస్తారనే అనుమానం కలగడం సహజం. బహుశః ఈ ఐదేళ్ళలో అవినీతి మార్గాల ద్వారా సంపాదించిన డబ్బుని అందుకు వినియోగిస్తారేమో? ఇప్పుడే ఆయన కొడుకు నారా లోకేష్ మా పార్టీ ఎమ్మెల్యేలకు విచ్చల విడిగా డబ్బులు పంచి పెడుతుంటే, ఆయన పార్టీలో చేరితున్న వైకాపా ఎమ్మెల్యేలకి పచ్చ కండువాలు కప్పుతున్నారు. ఇదంతా అవినీతితో సంపాదించిన డబ్బు కాదా?” అని అంబటి రాంబాబు ప్రశ్నించారు.

చంద్రబాబు నాయుడిపై తన విమర్శలను కొనసాగిస్తూ “అధికారంలోకి రావడం కోసం నోటికొచ్చినట్లు హామీలు గుప్పించారు. అధికారంలోకి వచ్చిన తరువాత ఆ హామీలను అమలుచేయకుండా మళ్ళీ ప్రజలను మోసగిస్తున్నారు. ఆ కారణంగా తన ప్రభుత్వం పట్ల ప్రజలలో వ్యతిరేకత పెరుగుతోందని గ్రహించి మా పార్టీని బలహీనపరచాలనే ఉద్దేశ్యంతో మా ఎమ్మెల్యేలను కొనుగోలు చేస్తున్నారు. వారిపై అనర్హత వేటు పడకుండా కాపాడుకొనేందుకు శాసనసభను, స్పీకర్ అధికారాలను కూడా దుర్వినియోగం చేసారు. చంద్రబాబు నాయుడు, ఆయన కుమారుడు నారా లోకేష్ ఇద్దరూ కలిసి రాష్ట్రంలో అన్ని వ్యవస్థలను భ్రష్టు పట్టించారు. అయితే మా పార్టీలో నుంచి వచ్చిన చేరిన కొందరు తన వెంట ఉంటే, తనే ఎప్పటికీ ముఖ్యమంత్రిగా ఉండిపోవచ్చునని చంద్రబాబు నాయుడు పగటి కలలు కంటున్నారు. కానీ ఆయన చేస్తున్న ఈ అవినీతి, అప్రజాస్వామిక పనులని ప్రజలు నిశితంగా గమనిస్తూనే ఉన్నారనే సంగతి ఆయన పట్టించుకొంటున్నట్లు లేదు. తగిన సమయం వచ్చినప్పుడు ప్రజలే ఆయనకి తగిన గుణపాఠం చెపుతారు,” అని అంబటి రాంబాబు అన్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్ర‌కాష్ రాజ్‌కి సెగ మొద‌లైంది

ప‌వ‌న్ క‌ల్యాణ్ ని రాజ‌కీయ ఊస‌ర‌వెల్లి అంటూ విమ‌ర్శించాడు ప్ర‌కాష్ రాజ్. బీజేపీతో జ‌న‌సేన పొత్తు పెట్టుకోవ‌డం ఆయ‌న‌కు ఏమాత్రం న‌చ్చ‌లేదు. అందుకే.. ఇలా ఆవేశ ప‌డ్డాడు. అయితే.. ప‌వ‌న్ క‌ల్యాణ్ తో...

బాలీవుడ్ లో ‘రేసుగుర్రం’ దౌడు!

ఎందుకో బాలీవుడ్ దృష్టి.. మ‌న పాత తెలుగు సినిమాల‌పై ప‌డింది. మిథునం, ఛ‌త్ర‌ప‌తి, ఊస‌ర‌వెల్లి లాంటి సినిమాల్ని వాళ్లు రీమేక్ చేస్తున్నారు. ఇప్పుడు కాస్త ఆల‌స్య‌మైనా... మరో హిట్ సినిమా కూడా బాలీవుడ్...

ఎన్నాళ్ల‌కు గుర్తొచ్చావు.. స‌లోనీ!?

స‌లోని... ఈ పేరు విని చాలా కాలం అయ్యింది క‌దా..? రాజ‌మౌళి సినిమాలో హీరోయిన్ గా న‌టించినా.. ఏమాత్రం గుర్తింపు తెచ్చుకోలేదు. మ‌ర్యాద రామన్న లాంటి హిట్ చేతిలో ప‌డినా, దాన్ని...

గ్రేటర్ హీట్ : కేసీఆర్ పొలిటికల్..మోదీ అపొలిటికల్..!

గ్రేటర్ హైదరాబాద్‌లో ప్రచారం తారస్థాయికి చేరింది. అవడానికి స్థానిక సంస్థ ఎన్నికే అయినా... ప్రచారంలోకి అగ్రనేతలు వస్తున్నారు. తెలంగాణ ముఖ్యమంత్రి, టీఆర్ఎస్ అధినేత కేసీఆర్ ఎల్బీ స్టేడియంలో ప్రచారసభలో...

HOT NEWS

[X] Close
[X] Close