టి.వి. యాంకర్‌గా తన గ్లామర్‌తో అందర్నీ ఆకట్టుకోవడమే కాకుండా లేటెస్ట్‌గా కింగ్‌ నాగార్జునతో కలిసి ‘సోగ్గాడే చిన్ని నాయనా’ చిత్రంలో ఓ క్యారెక్టర్‌ చేసిన అనసూయ ఇప్పుడు పోలీస్‌ ఆఫీసర్‌గా కొత్త గెటప్‌లో కనిపించబోతోంది. ‘సోగ్గాడే చిన్ని నాయనా’ చిత్రంలో పల్లెటూరి అమ్మాయిగా లంగా ఓణీలో అందర్నీ అలరించిన అనసూయ ఇప్పుడు రివాల్వర్‌ చేత పట్టుకొని శత్రువులను వేటాడే పోలీస్‌ ఆఫీసర్‌గా కనిపిస్తోంది. పివిపి సినిమా పతాకంపై రవికాంత్‌ దర్శకత్వంలో అడవిశేష్‌, అదాశర్మ ముఖ్యపాత్రల్లో నటిస్తున్న ‘క్షణం’ చిత్రంలో అనసూయ ఓ పవర్‌ఫుల్‌ పోలీస్‌ ఆఫీసర్‌గా నటిస్తోంది.
కొత్త గెటప్‌లో రివాల్వర్‌ పట్టుకొని ఫోజులివ్వడం కాకుండా ఈ క్యారెక్టర్‌ చెయ్యడానికి అనసూయ చాలా హోమ్‌వర్క్‌ చేసిందట. చాలామంది పోలీస్‌ ఆఫీసర్లను కలుసుకొని తనకు తెలియని ఎన్నో విషయాల్ని తెలుసుకొని వాటిని తను చేస్తున్న క్యారెక్టర్‌ కోసం ఉపయోగించుకుంది. ఆమె పెర్‌ఫార్మెన్స్‌ని యూనిట్‌లోని అందరూ అప్రిషియేట్‌ చేస్తున్నారట. ‘క్షణం’ చిత్రంలో అనసూయ చేస్తున్న ఈ క్యారెక్టర్‌ ద్వారా చాలా మంచి పేరు తెచ్చుకుంటుందని యూనిట్‌ సభ్యులు చెప్తున్నారు.
నిన్న పల్లెటూరి అమ్మాయిగా.. ఈరోజు పోలీస్‌ ఆఫీసర్‌గా!
