రిటైర్డ్ ఉద్యోగుల పెన్షన్ల చెల్లింపునకు అష్టకష్టాలు పడిన సర్కార్..!

ఆంధ్రప్రదేశ్ ప్రభుత్వ ఆర్థిక పరిస్థితి గురించి చాలా చర్చలు బయట జరుగుతున్నాయి కానీ.. అసలు వాస్తవం ఏమిటో బయటకు తెలియడం లేదు. జీతాలు, ఉద్యోగులకు పెన్షన్లు ఇవ్వాల్సిన సమయంలో… ఆర్థిక కష్టాలు వెలుగులోకి వస్తున్నాయి. ఆర్బీఐలో బాండ్ల వేలం వేసే వరకూ… ఉద్యోగులకు జీతాలు ఇవ్వలేకపోయారు. రూ. రెండు వేల కోట్లు అలా అప్పు తీసుకుని జీతాలు సర్దేశారు. అయితే.. రిటైర్డ్ ఉద్యోగుల పెన్షన్లు మాత్రం ఇవ్వలేదు. ప్రభుత్వానికి రోజువారీగా వచ్చే ఆదాయం.. ఇతర మార్గాల ద్వారా సమీకరిస్తున్న నిధులతో..పెన్షన్లను పంపిణీ చేస్తున్నారు. గురువారానికి ఇలా 70 శాతం మందికి ఇచ్చారు. మిగిలిన 30 శాతం మందికి ఇవ్వలేదు.

రిటైర్డ్ ఉద్యోగులు ఎక్కువగా తమ పెన్షన్ల మీదనే జీవనం సాగిస్తూంటారు. ఒక్క రోజు ఆలస్యమైనా వారికి ఇబ్బందే. అయితే ప్రభుత్వం మాత్రం.. అలాంటివేమీ పట్టించుకోవడం లేదు. తమ దగ్గర ఉన్నప్పుడు ఇస్తూ పోతోంది. పెన్షనర్లు ఈ విషయంపై ఆందోళన చెందుతూంటే.. ఉద్యోగ సంఘాల నేతలు.. పెన్షనర్ల సంఘాల నేతలు..ప్రభుత్వం తరపున వకాల్తా పుచ్చుకుని మాట్లాడేందుకు పరుగులు పెడుతున్నారు. పెన్షన్లు ఇవ్వడానికి సాంకేతిక సమస్యలు వచ్చాయని… 70 శాతం మందికి పంపిణీ చేశారని.. మిగిలిన వారికి ఒకటి రెండు రోజుల్లో ఇస్తారని ప్రెస్‌నోట్‌లు రిలీజ్ చేస్తున్నారు . సాంకేతిక సమస్య వస్తే అందరికీ రావాలి కానీ.. కొంత మందికే ఎలా వస్తుందన్న సందేహం అందరికీ వస్తుంది.

ఏ ప్రభుత్వం ఉన్నా.. ఉద్యోగుల జీతాలు, పెన్షన్లను.., ఒకటో తేదీన ఇవ్వడాన్ని ప్రతిష్టాత్మకంగా భావిస్తాయి. ఎందుకంటే.. అలా ఇవ్వకపోతే.. ఉద్యోగుల్లో అసంతృప్తి పెరిగిపోతుంది. రాష్ట్ర ఆర్థిక పరిస్థితిపై అందరిలోనూ అనుమానం ప్రారంభమవుతుంది. అయితే కొత్త ప్రభుత్వం అధికారంలోకి వచ్చిన తర్వాత ఖచ్చితంగా ఉద్యోగులకు ఒకటో తేదీన జీతాలు వచ్చిన సందర్భాలు చాలా తక్కువ. గత నెలలో ఎనిమిదో తేదీన అందాయి. ఈ నెల ఐదో తేదీ తర్వాత అందాయి. ఈ విషయంలో ప్రభుత్వం ప్రణాళికా బద్ధంగా వ్యవహరించకపోతే.. మరిన్ని చిక్కులు ఏర్పడే అవకాశం ఉందని ఆర్థిక నిపుణులు హెచ్చరిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వెంకయ్యనాయుడికి కరోనా ..!

ఉపరాష్ట్రపతి వెంకయ్యనాయుడుకు కరోనా సోకింది. అతి స్వల్ప లక్షణాలు ఉండటంతో ఆయన కరోనా పరీక్ష చేయించుకున్నారు. దాంతో ఆయనకు పాజిటివ్‌గా తేలింది. ప్రస్తుతానికి హోమ్ ఐసోలేషన్‌లోనే వెంకయ్యనాయుడు ఉన్నారు. లక్షణాలు పెరిగితే...

‘ఆదిపురుష్`’పై అనుష్క క్లారిటీ

ప్ర‌భాస్ న‌టిస్తున్న మ‌రో బ‌హుళ భాషా చిత్రం `ఆది పురుష్‌`. రావ‌ణుడి పాత్ర‌కు సైఫ్ అలీఖాన్‌ని ఎంచుకున్నారు. సీత పాత్ర కోసం చాలామంది క‌థానాయిక‌ల పేర్లు ప‌రిశీల‌న‌లో ఉన్నాయి. అందులో అనుష్క పేరు...

గ్యాప్ రాలేదు.. తీసుకున్నా: అనుష్క

బాహుబ‌లి త‌ర‌వాత‌.. అనుష్క మ‌రీ న‌ల్ల‌పూస అయిపోయింది. `భాగ‌మ‌తి` త‌ప్ప మ‌రే సినిమా ఒప్పుకోలేదు. నిశ్శ‌బ్దం.. సినిమాకి దాదాపుగా రెండేళ్లు కేటాయించాల్సివ‌చ్చింది. అనుష్క‌కి సినిమా అవ‌కాశాలు లేవా? వ‌చ్చినా చేయ‌డం లేదా?...

సోనూసూద్‌కి ఐరాస పుర‌స్కారం

నటుడు సోనూసూద్ కు అరుదైన పురస్కారం ప్ర‌క‌టించింది ఐక్య‌రాజ్య స‌మితి. ఐరాస అనుబంధ సంస్థ‌ యునైటెడ్‌ నేషన్స్ డెవలప్‌మెంట్‌ ప్రోగ్రామ్‌ (యుఎన్‌డిపి) స్పెషల్‌ హ్యుమానిటేరియన్‌ యాక్షన్ అవార్డుని ఈ యేట...

HOT NEWS

[X] Close
[X] Close