కేంద్ర సర్వీసుల బాట పడుతున్న ఏపీ ఐపీఎస్‌లు..!

ఆంధ్రప్రదేశ్ సీనియర్ సివిల్ సర్వీస్ అధికారులు మెల్లగా తమ దారి తాము చూసుకుంటున్నారు. ఢిల్లీలో తమకు ఉన్న పరిచయాలతో కేంద్ర సర్వీసుల్లోకి వెళ్లడానికి ప్రయత్నిస్తున్నారు. తాజాగా మహేష్ చంద్ర లడ్హా కేంద్ర సర్వీసుకు వెళ్లారు. ద్వారకా తిరుమల రావు రేపోమాపో వెళ్లనున్నారు. డీజీపీ, డీఐజీ స్థాయి అధికారులు కూడా కేంద్ర సర్వీసుల కోసం దరఖాస్తు చేసుకున్నారు. మరికొంత మంది కూడా.. బయట పడకపోయినా.. ముందు ఢిల్లీలో గ్రీన్ సిగ్నల్ తెచ్చుకుని ఆ తర్వాత ఏపీ సర్కార్ కు దరఖాస్తు చేసుకుటే.. తిరస్కరించే అవకాశం ఉండదని అంచనా కొచ్చి ఆ వైపు నుంచి ప్రయత్నాలు చేస్తున్నట్లుగా ప్రచారం జరుగుతోంది.

తమ సర్వీసులో ఏర్పడిన పరిచయాలతో లాబీయింగ్ చేసుకుని అయినా సరే… ఏపీ నుంచి వెళ్లాలనే ఆలోచన చేస్తున్నారు. ప్రస్తుతం ఆంధ్రప్రదేశ్‌లో పరిపాలన కాస్త విచిత్రంగా ఉందనే వాదనలు ఉన్నాయి. పోలీస్ బాస్‌కు తెలియకుండా.. పోలీసు వ్యవహారాలు నడిచిపోతూంటాయి. సీఎస్‌కు తెలియకుండా ఆదేశాలు వచ్చేస్తూంటాయి. అలాగే.. అన్ని శాఖల ప్రధాన కార్యదర్శలకు తెలియకుండానే.. పనులు .. ఫైళ్లు నడిచిపోతున్నాయి. అధికారులు కేవలం పదవిలో ఉండటానికేన్నట్లుగా పరిస్థితి మారిపోయింది. చాలా కొద్ది మంది సలహా దారుల గుప్పిట్లోనే అన్ని శాఖలు చిక్కుకుపోయాయంటున్నారు. ఈ కొద్దిమందిలో మళ్లీ అతి కొద్ది మంది మాత్రమే.. అధికారులు. మిగిలిన వారంతా.. అనధికార వ్యక్తులు.

తీసుకుంటున్న నిర్ణయాలన్నీ కోర్టుల్లో నిలబడటం లేదు. చాలా వరకు.. తప్పుడు నిర్ణయాలు. రేపు ఏదైనా తేడా వస్తే.. కేసులు పాలవడం కూడా ఖాయమన్న చర్చ జరుగుతోంది. సాధారణంగా వైసీపీ నేతలకు లబ్ది కలిగించే నిర్ణయాలు తీసుకుంటే.. వారు లబ్దిపొందుతారు.. కానీ తర్వాత అవకతవకల కేసులు పడితే వారికేమీ నష్టం ఉండదు. ఎందుకంటే.. ఆ నిర్ణయాలు తీసుకున్న అధికారులకు మాత్రమే.. నష్టం. వారే బాధ్యులవుతారు. ఈ ఆలోచనే.. ఐపీఎస్‌లతో పాటు ఐఏఎస్‌లలోనూ ఆందోళన కలిగిస్తోందని చెబుతున్నారు. ఎవరో ఎందుకు సీఎంవో ముఖ్య కార్యదర్శి ప్రవీణ్ ప్రకాష్ కేంద్ర సర్వీసులకు వెళ్లేందుకు దరఖాస్తు చేసుకున్నారన్న విషయం కూడా తీవ్ర చర్చనీయాంశం అవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అవకాశాలు రాని టీఆర్ఎస్ నేతలకు ఆశాకిరణం ఈటల..!

ఈటల రాజేందర్ ఒక్క సారిగా తెలంగాణ రాజకీయాలకు కేంద్ర బిందువు అయ్యారు. తనంతట తాను టీఆర్ఎస్ నుంచి వెళ్లిపోయి రాజకీయ పార్టీ పెట్టుకుంటే.. ఆయనను ఎవరూ పట్టించుకునేవారు కాదు. కానీ కేసీఆర్ ...

“నిపుణులు” ఇప్పటికీ అమాయకులుగానే కనిపిస్తున్నారా..!?

భారతదేశంలో ప్రస్తుతం హెల్త్ ఎమర్జెన్సీ తరహా పరిస్థితులు ఉన్నాయి. కేంద్రం అధికారికంగా ప్రకటించలేదు కానీ... అంత కంటే దారుణమైన పరిస్థితులు ఉన్నాయి. కరోనా బారిన పడుతున్న ప్రజలకు కనీసం ఆక్సిజన్ అందించలేని దౌర్భాగ్య...

ఆ పేలుడు అంత సీరియస్ కాదా..? చర్యలేవి..?

కడప జిల్లాలోని సున్నపురాయి గనుల్లో జరిగిన బాంబు పేలుడు ఘటనను వీలైనంత తక్కువగా చూపే ప్రయత్నాలు జరుగుతున్నాయి. పది మంది .. తునాతనకలైనా.. అధికారులు శరవేగంగా స్పందించలేదు. ఆ గని యజమాని ఎవరు..?...

మీడియా మైండ్‌సెట్‌తో వైసీపీ మైండ్ గేమ్..!

కరోనా కారణంగా ఆంధ్రప్రదేశ్ ప్రభుత్వం తీవ్ర ఇక్కట్లను ఎదుర్కొంటోంది. ఓ వైపు కేంద్రం... ఆక్సిజన్, వ్యాక్సిన్లు, రెమిడిసివర్ ఇంజక్షన్లు అన్నింటినీ అధీనంలోకి తీసుకుని అరకొరగా పంపుతోంది. దీంత ప్రజలు నానా...

HOT NEWS

[X] Close
[X] Close