జగన్‌ కోరిక తీరకుండానే… సభాపర్వం ముగిసింది!

విప్‌ ధిక్కరించారనే పాయింటును కూడా జత కలిపి తన పార్టీకి చెందిన (తెలుగుదేశంలోకి ఫిరాయించిన) ఎమ్మెల్యేల మీద వేటు పడేలా కంప్లయింటు చేయాలనే వైఎస్‌ జగన్‌ సంకల్పానికి అవకాశం లేకుండానే.. ఆంధ్రప్రదేశ్‌ శాసనసభ బడ్జెట్‌ సమావేశాలు ముగిసిపోయాయి. బడ్జెట్‌ సమావేశాలకు ఇవాళ చివరిరోజు కావడంతో తెదేపాలోకి వెళ్లిన తన పార్టీ ఎమ్మెల్యేలను ఇరుకున పెట్టడానికి జగన్‌ వారికి విప్‌ జారీ చేశారు. ఓటింగ్‌లో ఫైనాన్స్‌ బిల్లుకు వ్యతిరేకంగా ఓటు వేయాలంటూ వారికి ఇచ్చిన విప్‌లో పేర్కొన్నారు. అయితే.. సభలో అధికార పక్షం పక్కా ప్లానింగ్‌తో, వ్యూహాత్మకంగా ఎత్తుగడలు వేయడంతో అసలు ఓటింగ్‌ అనే ప్రక్రియే కార్యరూపంలోకి రాకుండా.. మూజువాణీ ఓటుతోనే ఫైనాన్స్‌ బిల్లు సభ ఆమోదం పొందింది. బడ్జెట్‌ సమావేశాల పర్వం అక్కడితో ముగిసిపోయింది. తన వారి మీద వేటు పడేలా చేయాలనుకున్న జగన్‌ కోరిక అంత ఈజీగా తీరే అవకాశం లేకుండాపోయింది.

మామూలుగా ఫైనాన్స్‌ బిల్లును మూజువాణీ ఓటుతోనే ఆమోదించేయడం జరుగుతూ ఉంటుంది. అయితే డివిజన్‌ కావాలని, ఓటింగ్‌ నిర్వహించాలని వైఎస్సార్‌ కాంగ్రెస్‌ పార్టీ నాలుగు రోజుల కిందటే స్పీకరుకు వినతిపత్రం ఇచ్చింది. అయితే నిర్ణయం స్పీకరు విచక్షణాధికారాలకు సంబంధించినది కావడంతో ఆయన ఏం చేస్తారా? అన్నది కీలకంగా మారింది.

సభాపర్వంలో చివరి రోజు మూజువాణీ ఓటుతో బిల్లు నెగ్గుతుందా? ఓటింగ్‌కు వస్తుందా? అనేదే కీలకాంశంగా రగడ జరిగే అవకాశం ఉన్నదంటూ తెలుగు360 డాట్‌ కాం బుధవారం ఉదయమే ఓ కథనాన్ని అందించింది. సభలో అచ్చంగా అదే అంశం రచ్చరచ్చ అయిపోయింది. జగన్‌ ఓటింగ్‌కు పట్టు పడితే ఆయన కోరికను స్పీకరు పట్టించుకోలేదు. మూజువాణీ ఓటు సరిపోతుందని, కావలిస్తే ప్రతిపక్ష నేత డివిజన్‌ కోరవచ్చునని, సభా వ్యవహారాల మంత్రి యనమల రామకృష్ణుడు వివరించారు. స్పీకరు కోడెల శివప్రసాద్‌ దీనికి సంబంధించిన నిబంధనలను సభలో చదివి వినిపించారు. ఓటింగ్‌ అంటూ జరిగితే.. తమపార్టీనుంచి ఫిరాయించిన వారికి ఇచ్చిన విప్‌ ధిక్కరణ జరుగుతుందని వారి మీద ఫిర్యాదుకు బలం చేకూరుతుందని ఆశించిన జగన్‌ భంగపడాల్సి వచ్చింది.

ముందుగా ఊహించినట్లే.. వైకాపా సభ్యుల తీవ్ర నిరసనల మధ్య మూజువాణీ ఓటుతోనే ఫైనాన్స్‌ బిల్లు ఆమోదం పొందింది. సభా పర్వం ఒక కొలిక్కి వచ్చింది. ఆ తర్వాత సభ నిరవధికంగా వాయిదా పడుతున్నట్లుగా ప్రకటించారు

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తనను వేరే ఆస్పత్రికి రిఫర్ చేయాలని డాక్టర్ సుధాకర్ లేఖ..!

విశాఖ మానసిక ఆస్పత్రిలో తనకు వాడుతున్న మందులపై అనుమానం వ్యక్తం చేస్తూ.. డాక్టర్ సుధాకర్... ఆ ఆస్పత్రి సూపరింటెండెంట్‌కు సంచలన లేఖ రాశారు. తనకు వాడుతున్న మెడిసిన్స్ వల్ల.. తనకు సైడ్ ఎఫెక్ట్స్...

ప‌ర‌శురామ్ క‌థ మార్చేశాడా?

మ‌హేష్‌బాబు - ప‌ర‌శురామ్ కాంబినేష‌న్‌లో ఓ సినిమా తెర‌కెక్కుతోంది. లాక్ డౌన్ ఎత్తేశాక‌... మ‌హేష్ చేయ‌బోయే సినిమా ఇదే. క‌థ పూర్త‌య్యింది. ఈ సినిమా కోసం `స‌ర్కారు వాటి పాట‌` అనే టైటిల్...

లాక్‌డౌన్ టైమ్‌లో ఫిట్‌నెస్‌ గోల్స్ సాధించిన లోకేష్..!

నారా లోకేష్ లాక్ డౌన్ సమయాన్ని చాలా పకడ్బందీగా ఉపయోగించుకున్నారు. వ్యక్తిగత గోల్స్ సాధించారు. తన బరువును రెండు నెలల్లో కనీసం ఇరవై కిలోల మేర తగ్గించుకున్నారు. మంగళగిరిలోని టీడీపీ ఆఫీసులో మహానాడు...

కన్నా మళ్లీ చంద్రబాబుకు అమ్ముడు పోయారట..!

బీజేపీ ఏపీ అధ్యక్షుడు కన్నా లక్ష్మినారాయణకు కౌంటర్ ఇచ్చే బాధ్యతను వైసీపీ దేవాదాయ మంత్రి వెల్లంపల్లి శ్రీనివాస్‌కు అప్పగించింది. ఆయన వైసీపీ స్టైల్లో... దూకుడైన ఆరోపణలు.. విమర్శలతో ఎదురుదాడి చేస్తున్నారు. దేవుడి ఆస్తులపై...

HOT NEWS

[X] Close
[X] Close