బీహార్ లో బీజేపీ ఐడియా వర్క్ అవుట్ అవుతుందా?

రేపు బీహార్ అసెంబ్లీలో 32 స్థానాలకు ఎన్నికలు జరుగబోతున్నాయి. మొదటి,రెండవ విడత ఎన్నికల మధ్య కాలంలో బీహార్ రాజకీయాలలో కొన్ని స్పష్టమయిన మార్పులు కనబడుతున్నాయి. జనతా పరివార్ నుండి విడిపోయి ఎన్నికలలో ఒంటరిగా పోటీ చేస్తున్న సమాజ్ వాదీ పార్టీ ఈ ఎన్నికలలో ఎన్ని స్థానాలు గెలుస్తుందో తెలియదు కానీ బీజేపీకి దగ్గరవుతోంది. దాని అధ్యక్షుడు ములాయం సింగ్ తన ఎన్నికల ప్రచారసభలో బీహార్ ప్రజలని “ఏ పార్టీకయినా ఓట్లు వేయండి కానీ నితీష్ కుమార్, లాలూ ప్రసాద్ యాదవ్ కి మాత్రం ఓట్లు వేయవద్దని” కోరారు. బీజేపీ జాతీయవాదాన్ని మెచ్చుకొన్నారు. మోడీ మంచి సమర్దుడయిన ప్రధాని అని మెచ్చుకొన్నారు. అంటే ఎన్నికల తరువాత ఆయన బీజేపీతో చేతులు కలుపుతారని అర్ధం అవుతోంది.

ఇక లాలూ ప్రసాద్ యాదవ్, నితీష్ కుమార్ ఇరువురూ ప్రధాని నరేంద్ర మోడీ, బీజేపీ అధ్యక్షుడు అమిత్ షాలను ఎదుర్కొనలేక తడబడుతున్నారు. అందుకే నితీష్ కుమార్ “బీహార్ రాష్ట్రాన్ని బీహారీలు పరిపాలించుకోవాలా లేకపోతే బాహర్ ఆద్మీ (బయటవాళ్ళు) పరిపాలించాలా…ప్రజలే ఆలోచించుకోవాలి” అని ప్రజలలో ప్రాంతీయవాదాన్ని రెచ్చగొట్టే ప్రయత్నం చేస్తున్నారు. బయటవాళ్ళు అంటే ఆయన ఉద్దేశ్యం గుజరాత్ కి చెందిన నరేంద్ర మోడి, అమిత్ షా అని. అందుకు అమిత్ షా చాలా ధీటుగానే జవాబు చెప్పారు. “ఎన్నికల ప్రచారానికి వచ్చినవాళ్ళు ప్రభుత్వాన్ని ఏర్పాటు చేయరు.ఎన్నికలలో పోటీ చేసి గెలిచినా వాళ్ళు మాత్రమే ప్రభుత్వం ఏర్పాటు చేస్తారనే సంగతి ముఖ్యమంత్రి ఉన్న నితీష్ కుమార్ కి తెలియదా?” అని ప్రశ్నించారు.

లాలూ ప్రసాద్ యాదవ్ కూడా బీజేపీని ఎదుర్కొనే ప్రయత్నంలో “ఇంతవరకు బీజేపీ తన ముఖ్యమంత్రి అభ్యర్ధిని ఎందుకు ప్రకటించలేదు?తన ముఖ్యమంత్రి అభ్యర్ధి ఎవరో ప్రకటించకపోయినా ప్రజలను మభ్యపెట్టి వారి ఓట్లు సంపాదించుకొనేందుకు ఒక అరడజను పేర్లను మీడియాకి లీక్ చేసి రహస్య ప్రచారం చేస్తోంది,” అని ఆరోపించారు. లాలూ ప్రసాద్ యాదవ్ చేసిన ఆ ఆరోపణలు నిజమేనని చెప్పక తప్పదు. ఎందుకంటే బీజేపీ దాని మిత్రపక్షాలలో రామ్ విలాశ్ పాశ్వాన్, జితన్ రామ్ మంజీ, సుశీల్ కుమార్ మోడీ, ప్రేమ కుమార్ వంటివారు ఒక అరడజను మంది బీహార్ ముఖ్యమంత్రి పదవి రేసులో ఉన్నారు. వారిలో ఎవరి పేరు ప్రకటించినా మిగిలినవారు అలగవచ్చును లేదా కీలకమయిన ఎన్నికల సమయంలో పార్టీకి వ్యతిరేకంగా పనిచేయవచ్చును. అందుకే బీజేపీ ఎవరి పేరు ప్రకటించే సాహసం చేయలేకపోయింది. కానీ వారందరూ తామే ముఖ్యమంత్రి అవుతామనే నమ్మకం వ్యక్తం చేస్తు ప్రజలను ఓట్లు అడుగుతున్నారు. అంటే వివిధ వర్గాలు, కులాలకు చెందిన ఆ అరడజను ముఖ్యమంత్రి అభ్యర్ధులను చూపిస్తూ ఆయా వర్గాలు, కులాలకు చెందిన ఓటర్లకు బీజేపీ గాలం వేస్తున్నట్లు అనుమానం కలుగుతోంది. ఎన్నికలలో ఇదొక సరికొత్త వ్యూహమేనని చెప్పవచ్చును. సాధారణంగా రాజకీయ పార్టీలన్నీ నియోజక వర్గాలలో ఉన్న కుల, మత సమీకరణాలను బట్టి అందుకు తగ్గ అభ్యర్ధిని నిలబెడుతుంటాయి. కానీ ముఖ్యమంత్రి అభ్యర్ధికి కూడా బీజేపీ ఈ ఐడియా వర్తింపజేయడంతో లాలూ ప్రసాద్ యాదవ్, నితీష్ కుమార్ ఇద్దరూ కంగు తిన్నారు.

బీహార్ ఎన్నికలలో చాలా పార్టీలు, కూటములు, స్వతంత్ర అభ్యర్ధులు పోటీలో ఉన్నప్పటికీ ఇంతవరకు పోటీ ప్రధానంగా నరేంద్ర మోడి-అమిత్ షా వెర్సస్ నితీష్ కుమార్-లాలూ ప్రసాద్ యాదవ్ మధ్యనే జరుగుతోంది. ఈ పరిణామాలను అన్నిటినీ చూస్తుంటే ప్రస్తుతం నరేంద్ర మోడి-అమిత్ షా టీమ్ లీడింగ్ లో ఉన్నట్లు అర్ధం అవుతోంది. ఈ రెండు టీమ్స్ లో ఏ టీమ్ నెగ్గుతుందో…లేకపోతే ఈ పార్టీలు, కూటముల మధ్య ప్రజల ఓట్లు చీలిపోయి ‘సంకీర్ణ టీమ్’ ఏర్పడుతుందో తెలియాలంటే నవంబర్ 8న ఫలితాలు వెలువడేవరకు వేచిచూడాల్సిందే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మోహ‌న్‌బాబు ‘స‌న్ ఆఫ్ ఇండియా’

ఫాద‌ర్ ఆఫ్ ది నేష‌న్ అని... మ‌హాత్మాగాంధీని పిలుస్తారు. ఇక నుంచి టాలీవుడ్ మాత్రం `స‌న్ ఆఫ్ ఇండియా` అంటే.. మోహ‌న్ బాబుని గుర్తు చేసుకోవాల్సిందే. ఎందుకంటే ఈ పేరుతో ఇప్పుడు...

వీడు మామూలోడు కాదు..! ఏకంగా లంచం కోటి..!

అవినీతిని అరికట్టేందుకు రూ. 2వేల నోట్లను కేంద్రం నియంత్రించేసింది కానీ.. అదేమీ ఈ తరహా సంపాదనకు అలవాటు పడిన వారికి అడ్డం కాలేదు. రూ. 2వేల నోట్లు కాకపోతే.. రూ. ఐదు వందల...

షాకింగ్ : హైకోర్టు జడ్జిల ఫోన్ల ట్యాపింగ్..!?

ఆంధ్రప్రదేశ్‌లో అవాంఛనీయమైన పరిణామాలు రోజు రోజుకు వెలుగు చూస్తున్నాయి. అక్కడ న్యాయవ్యవస్థ విశ్వసనీయతపై దెబ్బ కొట్టేందుకు భారీ కుట్రలు జరుగుతున్నాయని మాజీ న్యాయమూర్తి ఈశ్వరయ్య ఫోన్ సంభాషణతో వెల్లడయింది. తాజాగా ఇప్పుడు.. న్యాయమూర్తుల...

విశాఖలో స్పోర్ట్స్ కాంప్లెక్స్ కాదు ఓటు బ్యాంకుకు ఇళ్ల స్థలాలు..!

ఆంధ్రప్రదేశ్‌కు ఎగ్జిక్యూటివ్ క్యాపిటల్‌గా విశాఖపట్నంను చేసేందుకు ఉవ్విళ్లూరుతున్న ప్రభుత్వం... దానికి తగ్గట్లుగా "లుక్" ఉండే ప్రాజెక్టులన్నింటినీ ఒకదాని తర్వాత ఒకటి రద్దు చేసుకుంటూ పోతోంది. ప్రతిష్టాత్మక ప్రాజెక్టులను క్యాన్సిల్ చేస్తోంది. ఓ...

HOT NEWS

[X] Close
[X] Close