టీడీపీ నేత అశోక్ గజపతిరాజు కుటుంబీకులను వారి తల్లిదండ్రులను కూడా అవమానించడానికి వైసీపీ నేతలు ఏ మాత్రం వెనుకడుగు వేయడం లేదు. రామతీర్థం ఆలయం వద్ద ఆయనను ఘోరంగా అవమానించడమే కాకుండా.. తప్పు ఆయనదేనంటూ రెండు కేసులు కూడా పెట్టించిన ప్రభుత్వ పెద్దలుఇప్పుడు అత్యంత దారుణంగా తిట్లను అందుకుంటున్నారు. మంత్రి బొత్స సత్యనారాయణ.. ఇదేనా ఆయన సంస్కారం, ఆయన తల్లిదండ్రుల పెంపకం ఇదేనా చెలరేగిపోయారు.
విజయనగరంలో మీడియాతో మాట్లాడిన ఆయన… విజయనగరం రాజులను అత్యంత దారుణంగాకించపరిచారు. అశోక్ గజపతిరాజు తప్పు చేసి.. తమపై నిందలువేస్తున్నారని ఆరోపించారు. తప్పుడు కేసులు పెట్టాల్సిన అవసరం మాకెందుకు ఉంటుందని అమాయకత్వం ఒలకబోశారు. ధర్మకర్తగా ఆలయ అభివృద్ధి కి ఆయన ఎప్పుడైనా సహకరించారా అి ప్రశఅనించారు. అశోక్ గజపతిరాజు ఇచ్చిన విరాళాన్ని వెనక్కి ఇవ్వడాన్ని కూడా బొత్స సమర్థించారు.
విగ్రహాల కోసం లక్ష ఇచ్చి దానికి కూడా కండిషన్ పెట్టాడని.. టిటిడి విగ్రహాలు ఉచితంగా ఇచ్చింది కాబట్టే వెనక్కి పంపామని సమర్థించుకున్నారు. అశోక్ గజపతిరాజు సంస్కారం గురించి.. ఆయన పెంపకం గురించి బొత్స మాట్లాడిన మాటలు కలకలంరేపుతున్నాయి. ఇంట్లోని భార్యల్ని, తల్లిదండ్రుల్ని కూడా వైసీపీ నేతలు ఇలా అవమానించడం ఏమిటన్న చర్చ జరుగుతోంది. టీడీపీ నేతల్ని మానసికంగా వేధించేందుకు కుటుంబసభ్యుల్ని అగౌరవ పరుస్తున్నారన్న విమర్శలు వినిపిస్తున్నాయి.
