“మనీ స్కాం”లో జీవీకే కూడా తగ్గలేదుగా..!?

దేశంలో ఇంత వరకూ బడా బడా ఫైనాన్షియల్ స్కాంలు వెలుగులోకి వచ్చాయి. తెలుగు రాష్ట్రాలకు చెందిన వారు ఎందరో.. ఈ స్కాముల్లో ఉన్నారు. అయితే.. బడా పారిశ్రామికవేత్తగా ఉన్నా.. “జీవీకే” పేరు మాత్రం.. ఈ స్కాంలలోకి పెద్దగా రాలేదు. ఇప్పుడు.. ఒకే సారి.. దాదాపుగా రూ. వెయ్యి కోట్ల స్కాం చేశారంటూ..జీవీకే గ్రూప్ చైర్మన్ అయిన జీవీ కృష్ణారెడ్డితో పాటు.. ఆయన కుమారుడు సంజయ్ రెడ్డిపై కూడా.. సీబీఐ కేసు నమోదు చేసింది. ఆలస్యంగా ఈ విషయం వెలుగులోకి వచ్చింది. గత నెలన్నర రోజులుగా.. జీవీకే గ్రూపు కార్యాలయాల్లో సోదాలు జరుగుతున్నాయి. అన్నింటినీ నిర్ధారించుకున్న తర్వాతే.. సీబీఐ కేసు నమోదు చేసింది. నేడో రేపో.. జీవీ కృష్ణారెడ్డితో పాటు సంజయ్ రెడ్డికి నోటీసులు జారీ చేసే అవకాశం ఉంది.

జీవీకే గ్రూప్.. ఎయిర్‌పోర్టు బిజినెస్‌లో కూడా ఉంది. ఎయిర్‌పోర్ట్స్ అథారిటీ ఆఫ్ ఇండియాతో కలిసి ముంబై ఇంటర్నేషనల్ ఎయిర్‌పోర్ట్ లిమిటెడ్‌ను నిర్వహిస్తోంది. ఇందులో జీవీకేకి 50 శాతానికిపైగా వాటా ఉంది. నిర్వహణ మొత్తం జీవీకే చేతుల్లోనే ఉంది. ఈ అధికారాన్ని ఆసరాగా చేసుకుని.. 2012-2018 మధ్య కాలంలో అక్రమంగా రూ. 705 కోట్లకు పైగా ఇతర సంస్థలకు మళ్లించారు. తప్పుడు బిల్లులు.. పెట్టారు. తమ కంపెనీల పేరుతో తప్పుడు కాంట్రాక్టులు ఇచ్చినట్లు చూపించి నిధులు మళ్లించారు. తొమ్మిది ప్రైవేటు సంస్థలతో చేతులు కలిపి బోగస్ వర్క్ కాంట్రాక్టులు చూపించి రూ. 310 కోట్లు నొక్కేశారు.

అలాగే విమానాశ్రయానికి చెందిన రిజర్వు ఫండ్ రూ.395 కోట్లను కూడా మళ్లించారు. అదే సమయంలో.. విమానాశ్రయ ఆదాయాన్ని కూడా తక్కువ చేసి చూపించారు. ఇలా మొత్తంగా.. జీవీకే గ్రూప్ రూ. వెయ్యి కోట్లను.. అక్రమంగా నొక్కేసిందని సీబీఐ తేల్చింది. ఈ కేసుకు సంబంధించి జీవీకే గ్రూప్‌ కంపెనీస్‌ ఛైర్మన్‌ జి.వి.కృష్ణారెడ్డి, ఆయన కుమారుడు, విమానాశ్రయ మేనేజింగ్‌ డైరెక్టర్‌ సంజయ్‌రెడ్డిపై సీబీఐ కేసు నమోదు చేసింది. జీవీ కృష్ణారెడ్డి.. మాజీ ఎంపీ సుబ్బరామిరెడ్డి వియ్యంకుడు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రఘురామకృష్ణరాజుకు వై కేటగిరీ సెక్యూరిటీ..!

నర్సాపురం ఎంపీ రఘురామకృష్ణరాజుకు కేంద్ర బలగాలు రక్షణ కల్పించే అవకాశాలు కనిపిస్తున్నాయి. తనకు వై కేటగిరి సెక్యూరిటీ కల్పించినట్లుగా సమాచారం అందిందని.. అధికారిక ఆదేశాలు ఒకటి రెండు రోజుల్లో వస్తాయని రఘురామకృష్ణరాజు మీడియాకు...

దళిత నేతలతోనే న్యాయస్థానాలపై వివాదాస్పద వ్యాఖ్యలు..! వైసీపీ స్ట్రాటజీ ఏంటి..?

వైసీపీ రాజకీయ వ్యూహం.. న్యాయవ్యవస్థపై సామాజిక పద్దతుల్లో అమలు చేస్తున్నారన్న విమర్శలు జోరుగా వినిపిస్తున్నాయి. ప్రధానంగా.. రాజ్యాంగ పదవుల్లో ఉన్న వారిని... దళితుల్ని అడ్డు పెట్టుకుని.. న్యాయవ్యవస్థపై విమర్శలు చేసి.. ఒత్తిడి పెంచే...

రామాలయ భూమిపూజ లైవ్ ఇవ్వని ఎస్వీబీసీ..! బీజేపీ విమర్శలు..!

అయోధ్యలో రామ మందిర నిర్మాణం ప్రపంచవ్యాప్తంగా ఉన్న హిందువులందరూ చూసేలా.. ఏర్పాట్లు చేశారు. చివరికి న్యూయార్క్ టైమ్స్ స్క్వేర్‌లోనూ... ప్రసారం చేశారు. అయితే.. అనూహ్యంగా... తిరుమల తిరుపతి దేవస్థానానికి చెందిన శ్రీవేంకటేశ్వర భక్తి...

భార‌తీరాజా సీక్వెల్‌లో.. కీర్తి సురేష్‌?

భార‌తీరాజా ద‌ర్శ‌క‌త్వంలో వ‌చ్చిన `ఎర్ర‌గులాబీలు` సూప‌ర్ హిట్ అయ్యింది. ఇళ‌య‌రాజా సంగీతం, శ్రీ‌దేవి గ్లామ‌ర్‌, క‌మ‌ల్ న‌ట‌న‌.. ఇవ‌న్నీ ఈ చిత్రాన్ని ప్ర‌త్యేకంగా నిల‌బెట్టాయి. ఈ సినిమా వ‌చ్చి దాదాపు 40...

HOT NEWS

[X] Close
[X] Close