పెట్రో కంపెనీల్నీ అమ్మేస్తున్న కేంద్రం..!

పెట్రో పన్నులు పెంచుతూ ప్రజల వద్ద నుంచి లక్షల కోట్ల ఆదాయం కళ్ల జూస్తున్న కేంద్రం.. ఇప్పుడు ఆ కంపెనీలను కూడా అమ్మకానికి పెట్టేసింది. విశాఖ స్టీల్ ప్లాంట్ ను ఎలా వంద శాతం అమ్మాలని నిర్ణయించారో.. అలాగే.. ప్రభుత్వ రంగంలోని ఆయిల్, గ్యాస్‌ కంపెనీల్లో 100 శాతం విదేశీ ప్రత్యక్ష పెట్టుబడులకు కేంద్రం అనుమతినిచ్చేసింది. పేరుకు విదేశీ పెట్టుబడులు కానీ… వంద శాతం అంటే.. యాజమాన్యం మారిపోవడమే. భారత్‌లో రెండో అతి పెద్ద అయిల్ కంపెనీ భారత్‌ పెట్రోలియం కార్పొరేషన్‌ . ఇందులో కేంద్రానికి 52.98 శాతం వాటాలు ఉన్నాయి. వాటిని పూర్తిగా విక్రయించాలని కేంద్రం నిర్ణయించింది.

ఇప్పటికే బీపీసీఎల్ అమ్మకం ప్రక్రియను కొనసాగిస్తున్నారు. కొనేందుకు మూడు విదేశీ కంపెనీలు దూసుకు వచ్చాయి. వేదాంతాతో పాటు, అమెరికాకు చెందిన ప్రైవేట్‌ ఈక్విటీ సంస్థలు అపోలో గ్లోబల్, థింక్‌ గ్యాస్‌ వంటి సంస్థలు పోటీ పడుతున్నాయి. బీపీసీఎల్‌ అమ్మకం పూర్తయితే ఐఓసీ మాత్రమే ప్రభుత్వ ప్రత్యక్ష పర్యవేక్షణలో ఉండే ఏౖకైక చమురు రిఫైనింగ్‌ కంపెనీగా ఉంటుంది. తర్వాత దాన్ని కూడా అమ్మేసే అవకాశం ఉంటుంది. దేశంలో ఎవరేమనుకున్నా.. బడా సంస్థలను తెగ నమ్మేయాలన్న లక్ష్యంతోనే కేంద్ర ప్రభుత్వం ఉంది. దానికి ఎలాంటి కారణాలు లేవు.

పెట్టుబడుల ఉపసంహరణకు అధికారం కేంద్రానికి ఉందని.. అందుకే అమ్ముతున్నామని కేంద్రం చెబుతోంది. ఎవరూ అడ్డుకోలేరని కూడా వాదిస్తోంది. దానికి తగ్గట్లుగానే ముందుకెళ్తోంది. ఇప్పటికే పెట్రో ధరలపై నియంత్రణ లేకుండా పోయింది. కేంద్రం అవసరానికి మాత్రం పెంచకుండా ఆపడమో.. తగ్గించడమో చేస్తున్నారు కానీ… పెంపు మాత్రం నిరంతరాయంగా కొనసాగిస్తున్నారు. ఇది ప్రైవేటు చేతుల్లోకి వెళ్తే.. ధరలు మరింత పెరగడం ఖాయంగా భావిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఎయిడెజ్ కాలేజీలపై ప్రభుత్వ విధానంతో మైనస్సే !

దశాబ్దాలుగా విద్యా సేవ అందిస్తున్న ఎయిడెడ్ కాలేజీలను అయితే ప్రభుత్వానికి స్వాధీనం చేయాలి లేకపోతే ప్రైవేటుగా నిర్వహించుకోవాలని ప్రభుత్వం ఆదేశించడం ఇప్పుడు రాష్ట్ర వ్యాప్తంగా చర్చనీయాంశం అవుతోంది. ఎయిడెడ్ కాలేజీలు ప్రభుత్వానివిగానే సాగుతున్నాయి....

తెలంగాణలో కూడా ప్రభుత్వ మటన్ !

ఏపీ ప్రభుత్వం మటన్ మార్టుల పేరుతో ఓ కాన్సెప్ట్‌ను ‌తమ అధికార మీడియా ద్వారా ప్రజలకు తెలియచెబితే జరిగిన రచ్చ అంతా ఇంతా కాదు. చివరికి పశుసంవర్థక మంత్రి అలాంటి ఆలోచనలేదని. అలా...

కేశినేనివి బెదిరింపులా ? నిజంగానే విరక్తి చెందారా ?

కేశినేని నాని ఇక ఎన్నికల్లో పోటీ చేయకూడదని నిర్ణయించుకున్నట్లుగా టీడీపీని వ్యతిరేకించే.. వైసీపీకి దగ్గరగా ఉండే మీడియాలో ప్రచారం జరిగింది. ఆయనే ఈ విషయాన్ని చెప్పినట్లుగా ఆ మీడియా చెప్పుకొచ్చింది. తన ఆశక్తతను...

టీ కాంగ్రెస్ సీనియర్ల అసంతృప్తి కూడా కామెడీ అయిపోతోందా !?

తెలంగాణ కాంగ్రెస్‌లో సీనియర్లుగా చెలామణి అయ్యే కొంత మంది నాయకులను రేవంత్ రెడ్డి ప్రణాళిక ప్రకారం సైడ్ చేస్తున్నట్లుగా ఉన్నారు. కలసి వస్తే సరే లేకపోతే వారి అసంతృప్తిని కూడా లెక్కలోకి రాకుండా...

HOT NEWS

[X] Close
[X] Close