ప్రజాప్రతినిధుల కేసుల్లో ఏడాదిలోపు విచారణకు కేంద్రం గ్రీన్ సిగ్నల్ ..!

ప్రజాప్రతినిధులపై ఉన్న తీవ్ర నేరాల విచారణకు ఫాస్ట్‌ట్రాక్‌ ట్రయల్‌కు కేంద్రం సముఖత తెలిపింది. ఈ మేరకు సుప్రీంకోర్టుకు సమాచారం ఇచ్చింది. సిట్టింగ్‌, మాజీ ప్రజాప్రతినిధులపై ఫాస్ట్‌ట్రాక్‌ కోర్టులో విచారణ జరిపేందుకు కేంద్రానికి ఎలాంటి అభ్యంతరం లేదని.. సొలిసిటర్‌ జనరల్‌ తుషార్‌మెహతా సుప్రీంకోర్టులో వాదించారు. ప్రజాప్రతినిధులపై కేసుల విచారణను ఏడాదిలోపు పూర్తి చేయాలని దాఖలైన పిటిషన్‌ పై ప్రస్తుతం విచారణ జరుగుతోంది. ఇప్పటికే ఈ అంశంపై సుప్రీంకోర్టు అమికస్ క్యూరీని నియమించింది. గతంలో ఓ నివేదిక ఇచ్చిన అమికస్ క్యూరీ తాజాగా.. సప్లిమెంటరీ అఫిడవిట్‌ దాఖలు చేశారు.

విచారణ సందర్భంగా ప్రజాప్రతినిధులు, మాజీ ప్రజా ప్రతినిధులపై సీబీఐ, ఈడీ నమోదు చేసిన కేసుల స్టేటస్‌పై అమికస్‌ క్యూరిని ధర్మాసనం వివరాలు అడిగింది. కొన్ని కేసుల విచారణ ప్రారంభం కాలేదన్న అమికస్‌ క్యూరి తెలిపారు. విచారణ వేగవంతం చేసేలా ట్రయల్‌ కోర్టులను ఆదేశించాలని అమికస్‌ క్యూరి న్యాయస్థానాన్ని కోరారు. ఎంపీలు, ఎమ్మెల్యేలపై ఉన్న కేసులను నిర్ణీత కాలపరిమితిలో ముగించాలని ఈ సందర్భంగా సొలిసిటర్ జనరల్ వాదించారు. ప్రత్యేక కోర్టుల ఏర్పాటుకు, వసతుల కల్పనకు 2 నెలల సమయం ఇవ్వాలని కోరారు. జిల్లాకు ఒక ప్రత్యేక కోర్టు ఏర్పాటు చేయాలని అమికస్‌ క్యూరి సూచించారు.

ఈ మేరకు ఆదేశాలిస్తామని ధర్మానసం తెలిపింది. సుప్రీంకోర్టుకు కేంద్రం తెలిపిన వివరాల ప్రకారం.. రెండు నెలల్లో జిల్లాల వారీగా కేసుల విచారణ ప్రక్రియ ప్రారంభమయ్యే అవకాశం ఉంది. తెలుగు రాష్ట్రాల్లోనూ పెద్ద ఎత్తున ప్రజా ప్రతినిధులపై కేసులు ఉన్నాయి. అవి కూడా ఏడాదిలో తేలిపోతే రాజకీయంగా సంచలనాలు ఖాయమని భావించవచ్చు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మీడియా వాచ్ : టీవీ9 నుంచి రజనీకాంత్ ఔట్

టీవీ9 నుంచి రజనీకాంత్ నిష్క్రమించారు. తెలుగులో నెంబర్ వన్ చానల్‌గా ఉన్న టీవీ9లో కొద్దిరోజులుగా గ్రూపుల గలాటా సాగుతోంది.రజనీకాంత్, మురళీకృష్ణల మధ్య సిబ్బంది రెండు వర్గాలుగా విడిపోయారు. కొత్త యాజమాన్యం చేతుల్లోకి వచ్చిన...

అమరావతికి మద్దతుగా హైకోర్టులో జనసేన అఫిడవిట్..!

అమరావతి విషయంలో జనసేన పార్టీ తన విధానాన్ని నేరుగా హైకోర్టుకు అఫిడవిట్ రూపంలో తెలియ చేసింది. మూడు రాజధానులు వద్దే వద్దని అమరావతి మాత్రమే రాజధానిగా ఉండాలని సూటిగా జనసేన స్పష్టం చేసింది....

బ్యాటన్ అందుకున్న రోజా ..! పెద్ద ప్లానే..!?

హిందూత్వాన్ని కించ పరుస్తున్నారని తీవ్ర విమర్శలు ఎదుర్కొంటున్న వైసీపీ నేతలు మాత్రం తగ్గడం లేదు. వివాదాన్ని అంతకంతకూ పెద్దగి చేసుకుంటూ వెళ్తున్నారు అత్యంత వివాదాస్పద వ్యాఖ్యలతో ఒకరిని మించి మరొకరు...

మోడీ భార్యతో కలిసి పూజలు చేసిన తర్వాతే జగన్‌ను అడగాలి : కొడాలి నాని

భారతీయ జనతా పార్టీపైనా మంత్రి కొడాలి నాని తన టెంపర్ చూపించారు. ప్రధాని మోడీ ముందు తన భార్యను రామాలయనికి తీసుకెళ్లి సతీసమేతంగా పూజలు చేయాలని ఆ తర్వాతే జగన్మోహన్ రెడ్డి కుటుంబసమేతంగా...

HOT NEWS

[X] Close
[X] Close