`ఢీ` సినిమా వ‌చ్చి ప‌ద‌మూడేళ్ల‌య్యింది. హీరో విల‌న్ ఇంట్లో తిష్ట వేసే ఫార్ములాకు అది నాంది. విష్ణుకు అందిన తొలి సూప‌ర్ హిట్. ఆ సినిమాతో శ్రీ‌నువైట్ల కూడా హిట్ చిత్రాల ద‌ర్శ‌కుల జాబితాలో చేరిపోయాడు. ఇప్పుడు అటు విష్ణుకీ, ఇటు శ్రీ‌నువైట్ల‌కు ఓ మంచి విజ‌యం అవ‌స‌రం అనుకున్న స‌మ‌యంలో.. ఢీ సీక్వెల్ కి ప్లాన్ చేస్తున్నారు.
ఈ చిత్రానికి సంబంధించిన డిటైల్స్ వ‌చ్చేశాయి. కొద్దిసేప‌టి క్రితం చిత్ర‌బృందం ఓ పోస్ట‌ర్ ని విడుద‌ల చేసింది. ఈ సీక్వెల్ కి `ఢీ అండ్ ఢీ` అనే పేరు పెట్టారు. డ‌బుల్ డోస్ అన్న‌ది ఉప‌శీర్షిక. మంచు విష్ణునే నిర్మాత. శ్రీ‌నువైట్ల ఆస్థాన ర‌చ‌యిత గోపీ మోహ‌న్ స్క్రిప్టు అందిస్తున్నారు. మణిశ‌ర్మ త‌న‌యుడు మ‌హ‌తి సంగీతం అందిస్తున్నారు. పీట‌ర్ హెయిన్స్ యాక్షన్ బాధ్య‌త తీసుకున్నారు. క‌థానాయిక, ఇత‌ర వివ‌రాలు త్వ‌ర‌లో వెల్ల‌డిస్తామ‌ని చిత్ర‌బృందం తెలిపింది.
