అసలు కేసేంటి..? జగన్ బినామీలపై విదేశీయులు చేసిన ఫిర్యాదులేంటి..?

జగన్‌కు అత్యంత సన్నిహితులు, బినామీలుగా పేరు పడిన వారు ఆర్థిక నేరాలకు పాల్పడుతున్నారంటూ విదేశీయుల నుంచి వచ్చిన ఫిర్యాదులు కేంద్రానికి అందాయని.. బీజేపీ అధికారిక మీడియా లాంటి రిపబ్లిక్ చానల్ ప్రకటించడం ఏపీలో సంచలనం అవుతోంది. ఈ మేరకు తెలుగు 360 ఇచ్చిన కథనం.. వైరల్ అయింది. అన్ని రాజకీయ పార్టీల్లోనూ చర్చనీయాంశం అయింది. సహజంగానే ఈ కథనంపై వైసీపీ నేతలు నోరు తెరవలేదు. కానీ విపక్షనేతలు మాత్రం… అంతర్జాతీయ స్కామ్‌లు చేస్తున్నారని.. త్వరలో జైలుకెళ్లే రాత మళ్లీ ఉందని విమర్శలు చేస్తున్నారు. అయితే ఎవరికీ..అసలు కేసేంటి అన్న విషయంపై స్పష్టత లేదు.

కేంద్రానికి ఫిర్యాదు చేసిన విదేశీయులు.. ఆషామాషీగాఫిర్యాదు చేయలేదు. చాలా పక్కా ఆధారాలతో జగన్ సన్నిహిత ఆర్థిక నేరాల గురించి సమాచారంతో సహా… ఫిర్యాదు చేసినట్లుగా తెలుస్తోంది. అందుకే ఈ అంశంపై కేంద్రం దర్యాప్తు సంస్థలు దృష్టి పెట్టాయని అంటున్నారు. ఇప్పటికే అంతర్గత దర్యాప్తు కూడా చురుకుగా సాగుతోందని అంటున్నారు. లోకల్‌గా జరిగే అవినీతి అంశంపై కేంద్ర దర్యాప్తు సంస్థల వ్యవహారం ఎలా ఉన్నా.. విదేశీయుల నుంచి.. అదీ కూడా విదేశాల్లో చేస్తున్న ఆర్థిక అక్రమాలపై వచ్చిన ఫిర్యాదులు దేశ ప్రతిష్టకు సంబంధించినవి కాబట్టి సీరియస్‌గా తీసుకున్నారని చెబుతున్నారు.

ఇటీవలి కాలంలో కొంత మంది జగన్ అనుచరులు.. సన్నిహితులు.. బినామీలుగా పేరు తెచ్చుకున్నవారు.. విదేశాల్లో పెద్ద ఎత్తున పెట్టుబడులకు ప్రయత్నించారని అంటున్నారు. అయితే అనేక దేశాల్లో అలాంటి పెట్టుబడులకు ఆదాయ వివరాలు సంపూర్ణంగా ఆయా దేశాలకు సమర్పించాల్సి ఉంటుంది. గతంలో చట్టాలతో పాటు విదేశాల్లో ఉండే వివిద రకాల వెసులుబాట్ల ఆధారంగా … ఆదాయ వనరుల గురించి చెప్పకుండానే పెట్టుబడులు పెట్టేవారు. వాటిని మళ్లీ సూట్ కేసు సంస్థల ద్వారా ఇండియాకు రప్పించేవారు. ఇలాంటి కేసులు పెద్ద ఎత్తున ఇండియాలో నమోదయ్యాయి. బహుశా.. ఇలాంటి వాటిపై కేంద్ర దర్యాప్తు సంస్థలకు ఫిర్యాదులు అందాయన్న ప్రచారం జరుగుతోంది.

నిప్పు లేనిదే పొగ రాదన్నట్లుగా ప్రస్తుతం జగన్ కి ట్రబుల్ అంటూ… రిపబ్లిక్ టీవీ ప్రసారం చేసిన కథనానికి చాలా లోతైన అర్థం ఉందని అంటున్నారు. త్వరలో దీనికి సంబంధించిన సంచలనాత్మక విషయాలు వెలుగులోకి వస్తాయని విపక్ష నేతలు అంచనా వేస్తున్నారు. సీఎం జగన్ మూడు రోజుల కిందట… ఢిల్లీకి వెళ్లి అర్జంట్‌గా అమిత్ షా, మోడీలతో సమావేశం కావాలనుకున్నారు. నేరుగా సీఎంవో ద్వారా వారి అపాయింట్‌మెంట్ల కోసం ప్రయత్నించారు. కానీ ప్రయోజనం లేకపోయింది. అపాయింట్‌మెంట్లు ఖరారు కాకపోవడంతో ఢిల్లీ వెళ్లలేదు. ఇప్పుడీ విషయానికి… విదేశీయులు చేసిన ఫిర్యాదులకు కలిపి.. విమర్శలు చేస్తున్నారు విపక్ష నేతలు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close