రెండు రోజుల్లోనే “కుట్ర కోణం” కనిపెట్టిన డీజీపీ..!

ఆంధ్రప్రదేశ్ డీజీపీ గౌతం సవాంగ్ ఆలయాలపై జరుగుతున్న దాడుల దర్యాప్తు విషయంలో తీవ్ర ఒత్తిడి ఎదుర్కొంటున్నట్లుగా ఉన్నారు. రెండు రోజుల క్రితం మీడియా సమావేశంలో మాట్లాడిన ఆయన… రాష్ట్రంలో ఆలయాలపై జరుగుతున్న వరుస దాడుల్లో కుట్రకోణం లేదని.. దొంగలు, నిధి వేటగాళ్లు, మూఢ నమ్మకాలు, ఆస్తి గొడవలు, పిచ్చివాళ్లు, అడవి జంతువులు కారణమని చెప్పుకొచ్చారు. అరెస్ట్ చేసిన వారిలో అంతర్రాష్ట్ర ముఠాలు కూడా ఉన్నాయన్నారు. కొన్ని ఉదాహరణలు కూడా చెప్పారు. వివిధ ఘటనలు జరిగిన కారణాల్ని కూడా వెల్లడించారు. అయితే.. రెండు రోజులు గడిచే సరికి.. పండగ పూట మీడియాతో మాట్లాడి.. కుట్ర కోణాల్ని ఆవిష్కరించారు.

వివిధ ఆలయాలపై జరిగిన 9 ఘటనలకు సంబంధించి పలు రాజకీయ పార్టీల ప్రమేయం ఉన్నట్లు గుర్తించామని కొత్తగా చెప్పుకొచ్చారు. ప్రతీ ఘటన తర్వాత సోషల్ మీడియాలో దుష్ప్రచారం చేశారని కూడా చెప్పుకొచ్చారు. 21 మంది రాజకీయ పార్టీల కార్యకర్తలకు ప్రమేయం ఉన్నట్లు తేలిందని ఈ వ్యవహారాలపై సిట్ దర్యాప్తు కొనసాగుతోందన్నారు. ముఖ్యంగా సోషల్ మీడియాలో ప్రచారంపైనే డీజీపీ ఎక్కువ కోపంగా ఉన్నారు. అదంతా రాజకీయ పార్టీల కుట్రని చెబుతున్నారు.

ఓ వైపు అధికార పార్టీ పూర్తిగా ఆలయాలపై దాడులను విపక్షాలు చేస్తున్న కుట్రగా చెబుతోంది. స్వయంగా జగన్మోహన్ రెడ్డి కూడా… టీడీపీ, బీజేపీల పనేనని చెబుతున్నారు. ఇలాంటి సమయంలో డీజీపీ మొదట ఎలాంటి కుట్రలు లేవని చెప్పడం.. తర్వాత రాజకీయ పార్టీల హస్తం ఉందని మాట మార్చడం … రాజకీయ ఒత్తిడుల వల్లేనన్న అభిప్రాయాలు వ్యక్తమవుతున్నాయి. ప్రస్తుతం ఉన్న రాజకీయ పరిస్థితుల్లో ఎలాగోలా.. విమర్శలు చేయకుండా… విపక్షాలను ఆత్మరక్షణలో పడేయాలంటే.. వారిపై కేసులు బనాయించక తప్పదన్న వ్యూహంలో ఉన్నట్లుగా విపక్షాలు అనుమానిస్తున్నాయి. రామతీర్థం ఘటనలో పట్టుబట్టి టీడీపీ నేతల్నే అనుమానితులుగా తీసుకుని వేధించడాన్ని దీనికి సాక్ష్యంగా చెబుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మోడీ ఆలోచిస్తారు..కేటీఆర్ పాటిస్తారు..! మరీ ఇంత ఫాస్టా..?

తెలంగాణలో " ఆజాదీ కా అమృత్ మహోత్సవ్" పేరిట వేడుకలు నిర్వహించాలని సీఎం కేసీఆర్ నిర్ణయించారు. ఈ నెల పన్నెండు నుంచే... ప్రారంభించాలని ఆదేశించారు. ఆగస్టు పదిహేను వరకు సాగుతాయి. ఉత్సవాలకు రూ.25...

వైసీపీపై రిపబ్లిక్ టీవీ ఆర్నాబ్‌కు కోపం ఎందుకు..!?

రిపబ్లిక్ టీవీ అంటే ప్రత్యేకంగా పరిచయం చేయాల్సిన పని లేదు. ఆర్నాబ్ గోస్వామి తన అరుపులతోనే ఓ బ్రాండ్ ను క్రియేట్ చేసుకున్నారు. ఆయన నేతృత్వంలో నడుస్తున్న చానల్‌పై ఉన్న వివాదాలు అన్నీ...

అంతా రాజకీయమే..! స్టీల్ ప్లాంట్‌ను కాపాడుకునేదెలా..?

స్టీల్ ప్లాంట్‌పై కేంద్రం తేల్చేసింది. రోడ్డెక్కి చేస్తున్న ఆందోళనలను.. అధికార ప్రతిపక్ష లేఖను కేంద్రం పట్టించుకోలేదు. చెత్తబుట్టలో వేసింది. ఎవరేం అనుకున్నా.. విశాఖ స్టీల్ ప్లాంట్‌ను వంద శాతం అమ్మి తీరుతామని స్పష్టం...

సీబీఐ చేతికి నయీం కేసు..! రాజకీయ ప్రకంపనలు తప్పవా..!?

తెలంగాణలోకి సీబీఐకి ఎంట్రీ నయీం కేసు ద్వారా జరిగే అవకాశాలు కనిపిస్తున్నాయి. నయీం కేసును సీబీఐకి ఇస్తారా అంటూ.. కేంద్ర హోంశాఖ నుంతి తెలంగాణ సర్కార్‌కు లేఖ వచ్చింది. సాధారణం రాష్ట్ర ప్రభుత్వం...

HOT NEWS

[X] Close
[X] Close