తెలంగాణ నాయ‌కుల‌పై రాహుల్ కి న‌మ్మ‌కం లేదా..?

అసెంబ్లీ ఎన్నిక‌ల ఫ‌లితాల‌తో తెలంగాణ కాంగ్రెస్ నేత‌ల మాట‌ల‌పై పార్టీ అధ్య‌క్షుడు రాహుల్ గాంధీకి న‌మ్మ‌కం పోయిందా..? అంటే, అవున‌నే అనిపిస్తోంది. అసెంబ్లీ ఎన్నిక‌ల స‌మ‌యంలో రాష్ట్ర నేత‌లు ఇచ్చిన ఫీడ్ బ్యాక్ మీదే ఆయ‌న ఆధార‌ప‌డ్డారు. రాష్ట్రంలో కేసీఆర్ స‌ర్కారుపై తీవ్ర వ్య‌తిరేక‌త ఉంద‌నీ, కాంగ్రెస్ గెలుపు న‌ల్లేరు మీద న‌డ‌కనీ… ఇలా చాలా నివేదిక‌లు పీసీసీ నుంచి ఏఐసీసీకి వెళ్లాయి. అంతేకాదు, అసెంబ్లీ నియోజ‌క వ‌ర్గాల అభ్య‌ర్థుల ఎంపికపై కూడా పీసీసీ అభిప్రాయాన్నే ప్రామాణికంగా తీసుకున్నారు రాహుల్‌. పీసీసీ త‌యారు చేసి పంపించిన అభ్య‌ర్థుల జాబితానే ప‌క్కాగా న‌మ్మి.. టిక్కెట్లు కేటాయించేశారు! అయితే, ఇప్పుడు ఇదంతా ఎందుకు అంటే… లోక్ స‌భ ఎన్నిక‌లకు వచ్చేసరికి తెలంగాణ అభ్య‌ర్థుల ఎంపిక‌లో రాహుల్ చాలా జాగ్ర‌త్త‌లు తీసుకుంటున్నార‌ట‌!

లోక్ స‌భ అభ్య‌ర్థుల ఎంపిక‌లో ఎలాంటి పొర‌పాట్ల‌కూ ఆస్కారం ఉండ‌కూడ‌ద‌ని రాహుల్ భావించారని, అందుకే ఆయ‌నే స్వ‌యంగా తెలంగాణ అభ్య‌ర్థుల ఎంపిక‌పై జాగ్ర‌త్తలు తీసుకున్నార‌ని స‌మాచారం. ముగ్గురు స‌భ్యుల‌తో ఒక ప్ర‌త్యేక క‌మిటీని రాహుల్ తెలంగాణ పంపించార‌ని స‌మాచారం. ఆ క‌మిటీ 17 లోక్ స‌భ నియోజ‌క వ‌ర్గాల్లో ప‌ర్య‌టించి, క్షేత్ర‌స్థాయిలో వాస్త‌వాల‌పై అధ్య‌య‌నం చేసి, పార్టీ తరఫున ఎవ‌రు అభ్య‌ర్థిగా ఉంటే మంచిద‌నే అభిప్రాయాన్ని ప్ర‌జ‌ల నుంచే తెలుసుకుంటుంద‌ని తెలుస్తోంది. ఆ నివేదిక ఆధారంగా రాహుల్ టీమ్ ఇప్ప‌టికే 17 మందితో ఒక జాబితాను త‌యారు చేసిన‌ట్టు సమాచారం.

ఈ జాబితా గురించి రాష్ట్ర ఎన్నిక‌ల క‌మిటీకి తెలీద‌ని అంటున్నారు! రాష్ట్ర క‌మిటీ పంపిన నివేదిక‌ను ప‌క్క‌న‌పెట్టుకుని… రాహుల్ టీమ్ త‌యారు చేసిన నివేదిక‌లో పేర్ల‌ను పోల్చి చూసుకున్నాక‌నే అభ్య‌ర్థుల ఎంపిక జ‌రిగింద‌ని పార్టీ వ‌ర్గాల నుంచి ఇప్పుడు వినిపిస్తోంది. మొత్తానికి, తెలంగాణ రాష్ట్ర నేత‌లు ఇచ్చే నివేదిక‌ల మీద రాహుల్ ఈసారి ఆధార‌ప‌డ‌టం లేదు! మ‌రి, ఈ అంశాన్ని టి. కాంగ్రెస్ నాయ‌కులు ఎలా చూస్తారో చూడాలి! రాహుల్ సొంత నిర్ణయంగా దీన్ని తీసుకుంటారా, లేదా పనితీరు మార్చుకోవాల్సిన అవసరాన్ని రాహుల్ పరోక్షంగా బలంగా చెప్పారని నేతలు భావిస్తారా అనేది చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్లీ తెలంగాణలో డ్రగ్స్ కేసుల కలకలం !

హైదరాబాద్, సైబరాబాద్‌కు ఇప్పుడు ఉన్న కమిషనర్ల నేరస్తును ఓ ఆట ఆడిస్తున్నారు. సైబరాబాద్ కమిషనర్ సైబర్ ఫ్రాడ్‌ల మీద దృష్టి పెడితే.. హైదరాబాద్ కమిషన్ సీవీ ఆనంద్ డ్రగ్స్ కేసుల్ని వెలికి తీస్తున్నారు....

ఎన్నికల జిమ్మిక్ అనుకున్నా సరే.. ప్రధాని స్టైల్ అదే !

ప్రధానమంత్రి నరేంద్రమోడీ రిపబ్లిక్ డే వేడుకల్లో భిన్నంగా కనిపించారు. భగత్ సింగ్ తరహా టోపీ..  ఓ విభిన్నమైన కండువాతో వేడుకల్లో పాల్గొన్నారు. టోపీపై బ్రహ్మకమలం ముద్ర ఉంది. కాసేపటికే నెటిజన్లు అవి ఎక్కడివో...

అదే నరసింహన్ గవర్నర్ అయితే ఇలా జరిగేదా !?

రిపబ్లిక్ డే రోజున కేసీఆర్ రాజ్యాంగాన్ని అవమానించారని హుజురాబాద్ ఎమ్మెల్యే ఈటల రాజేందర్ ఫైరయ్యారు. కారణం ఏమిటంటే రాజ్‌భవన్‌లో జరిగే రిపబ్లిక్ డే వేడుక.. జెండా పండుగకు కేసీఆర్ వెళ్లలేదు. కనీసం సీనియర్...

“కొత్త జిల్లాల పని” చేస్తామంటున్న ఉద్యోగ సంఘాలు !

ఉద్యోగులంతా ఉద్యమంలో ఉన్న సమయంలో ప్రజల దృష్టి మరల్చేందుకే కొత్త జిల్లాలంటూ ప్రభుత్వం ప్రకటనలు చేసిందని ఆరోపణలు వస్తున్న సమయంలో ఉద్యోగ సంఘాలు భిన్నంగా స్పందించాయి. ఐఏఎస్‌లు మినహా ఉద్యోగలంతా సమ్మెలోకి...

HOT NEWS

css.php
[X] Close
[X] Close