హాలీవుడ్ ఆఫర్ కొట్టేసిన పూరి హీరోయిన్

పూరి జగన్నాథ్ సినిమాల్లో హీరోయిన్ గా ఎంట్రీ ఇచ్చిన భామలకు అదృష్టం అలా కలిసి వస్తుంది అంతే. అయితే దాన్ని ఇంతకుముందు పూరి పరిచయం చేసిన భామలు నిరూపించినా మరోసారి పూరి చేత పరిచయం కాబడ్డ దిశా పటాని కూడా ప్రూవ్ చేసింది. ఈ మధ్య లోఫర్ సినిమాతో టాలీవుడ్ ఎంట్రీ ఇచ్చిన ఈ భామ తెలుగులో వరుసెంట ఆఫర్స్ కొట్టేస్తుంది. అంతేకాదు ఈ అందాల భామ ఓ హాలీవుడ్ సినిమా అవకాశాన్ని కూడా చేజిక్కించుకుందట.

బాలీవుడ్ స్టార్ హీరోయిన్ అందరు పోటీ పడుతున్న జాకీ చాన్ ‘కుంగ్ ఫూ యోగా’ సినిమా అవకాశం చివరకు దిశా పటాని చెంత చేరిందట. సినిమాలో మరో హీరోయిన్ అమైరా దస్తర్ కూడా ఓ హీరోయిన్ గా ఓకే అయ్యింది. స్టాన్లీ దర్శకత్వం వహిస్తున్న ఈ సినిమాలో ఇండియా నుండి సూద్, అమైరా దస్తర్, దిశా పటానిలు సెలెక్ట్ అయ్యారు.

లోఫర్ సినిమాతో వరుణ్ తేజ్ తో జత కట్టిన ఈ భామ ఎం.ఎస్ ధోని జీవితకథ ఆధారంగా తెరకెక్కించ బడుతున్న సినిమాలో ధోని గర్ల్ ఫ్రెండ్ పాత్రలో ఛాన్స్ కొట్టేసింది. మరి ఇన్నేసి అవకాశాలను పట్టుకున్న అమ్మడు చూస్తుంటే అతి తక్కువ సమయంలోనే ఇండియన్ క్రేజీ హీరోయిన్ గా అయ్యే అవకాశాలు కనిపిస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com