తెదేపాలో చేరిన జయసుధ

ప్రముఖ నటి మరియు మాజీ కాంగ్రెస్ ఎమ్మెల్యే జయసుధ నిన్న సాయంత్రం ఆంధ్రప్రదేశ్ ముఖ్యమంత్రి చంద్రబాబు నాయుడు సమక్షంలో తెదేపాలో చేరారు. ఆమె మొట్టమొదటిసారిగా తన భర్త నితిన్ కపూర్ ని తోడ్కొని రావడం అందరినీ ఆశ్చర్యపరిచింది. మునిసిపల్ శాఖ మంత్రి పి. నారాయణ జయసుధ దంపతులను గుంటూరు జిల్లా ఉండవల్లిలో ముఖ్యమంత్రి నివాసానికి ముఖ్యమంత్రి వద్దకు తోడ్కొని వెళ్ళారు. చంద్రబాబు నాయుడు ఆమెకు పార్టీ కండువా కప్పి పార్టీలో చేర్చుకొన్నారు. జయసుధతో బాటు ఆమె భర్త కూడా ముఖ్యమంత్రిని కలవడానికి వెళ్ళినప్పటికీ కేవలం ఆమె మాత్రమే తెదేపాలో చేరారు.

అనంతరం ఆమె మీడియాతో మాట్లాడుతూ “నేను 1999లో తెదేపా తరపున ఎన్నికలలో ప్రచారం చేసాను. మళ్ళీ ఇన్నేళ్ళకు తెదేపాలో చేరి పని చేసే అవకాశం దక్కింది. అవసరమయితే జి.హెచ్.ఎం.సి. ఎన్నికలలో ప్రచారం చేయడానికి నేను సిద్దం. చంద్రబాబు నాయుడు హైదరాబాద్ నగరాన్ని అభివృద్ధి చేసినట్లుగానే, ఆంధ్రప్రదేశ్ రాష్ట్రాన్ని కూడా అభివృద్ధి చేస్తారని నేను నమ్ముతున్నాను. నేను ఏదో ఒక రాష్ట్రానికే పరిమితమవకుండా తెదేపా తరపున రెండు తెలుగు రాష్ట్రాల ప్రజలకి సేవ చేయాలనుకొంటున్నాను,” అని చెప్పారు.

గతంలో జయసుధ సికిందరాబాద్ నియోజకవర్గం నుండి ఎమ్మెల్యేగా ఎన్నికయినప్పుడు తన నియోజకవర్గ ప్రజలతో మంచి సన్నిహిత సంబంధాలు నెలకొల్పుకోగాలిగారు. కనుక ఒకవేళ ఆమె తెదేపా, బీజేపీల తరపున జి.హెచ్.ఎం.సి. ఎన్నికల ప్రచారంలో పాల్గొన్నట్లయితే, అక్కడ స్థిరపడిన ఆంద్ర ప్రజల ఓట్లు ఆ రెండు పార్టీలకు పడే అవకాశం ఉంటుంది. జి.హెచ్.ఎం.సి. ఎన్నికలలో చంద్రబాబు నాయుడు జోక్యం చేసుకోదలచుకోలేదు కనుక ఆ పార్టీ తెలంగాణా అధ్యక్షుడు ఎల్.రమణ మరియు పార్టీ సీనియర్ నేతలు ఆమెను ఎన్నికల ప్రచారంలో పాల్గొనవలసినదిగా ఆహ్వానించినట్లయితే ఆమె కూడా సిద్దంగా ఉంది కనుక చంద్రబాబు నాయుడు అభ్యంతరం చెప్పకపోవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close