మంచు ఇంట్లో… అన్నాద‌మ్ముల గొడ‌వ‌తో కాక పుట్టిన సంగ‌తి తెలిసిందే. శుక్ర‌వారం మ‌నోజ్ ఓ వీడియో విడుద‌ల చేయ‌డంతో… విష్ణుతో త‌న‌కున్న విబేధాలు బ‌య‌ట‌కు వ‌చ్చాయి. శుక్ర‌వారం అంతా ఇదే హాట్ టాపిక్‌. ఆ త‌ర‌వాత.. మ‌నోజ్ సోష‌ల్ మీడియాలో ఆ వీడియో డిలీట్ చేశాడు. మోహ‌న్‌బాబు కూడా వెంట‌నే రంగంలోకి దిగి డామేజ్ కంట్రోల్ చేయ‌డానికి ప్ర‌య‌త్నించారు. `అన్న‌ద‌మ్ముల మ‌ధ్య గొడ‌వ‌లు కామ‌న్‌` అని మంచు ల‌క్ష్మీ స‌ర్ది చెబుతోంది. అయితే.. మ‌నోజ్ ద‌గ్గ‌ర ఇంకొన్ని వీడియోలు ఉన్నాయ‌ని, త్వ‌ర‌లోనే వాటిని సైతం సోష‌ల్ మీడియాలో పెట్ట‌బోతున్నాడ‌న్న‌ది ఇన్ సైడ్ వ‌ర్గాల టాక్‌.
మంచు సోద‌రుల మ‌ధ్య విబేధాలు ఇప్ప‌టివి కావు. ఎప్ప‌టి నుంచో న‌డుస్తున్న‌వే. అవ‌న్నీ..నివురుగ‌ప్పిన నిప్పులా ఉండేవి. నిన్న ఒకేసారి భ‌గ్గుమ‌న్నాయి. మ‌నోజ్ విడుద‌ల చేసిన వీడియో ఇప్ప‌టిది కాద‌న్న‌ది స‌న్నిహిత వ‌ర్గాల మాట. ఇలాంటి వీడియోలు మ‌నోజ్ ద‌గ్గ‌ర చాలా ఉన్నాయ‌ట. వాటిని సైతం మ‌నోజ్ సోష‌ల్ మీడియాలో పెట్టేస్తాడేమో అన్న‌ది మంచు కుటుంబ స‌భ్యుల ఆందోళ‌న. మోహ‌న్ బాబు క్ర‌మ‌శిక్ష‌ణ‌కు ప్రాణం ఇచ్చే మ‌నిషి. అందుకే.. వెంట‌నే ఈ వ్య‌వ‌హారంపై స్పందించారు. విష్ణు, మ‌నోజ్‌ల‌తో ఆయ‌న మాట్లాడిన‌ట్టు, ఇక మీద‌ట ఎలాంటి ర‌చ్చ చేయ‌కుండా ఇద్ద‌రికీ న‌చ్చ చెప్పిన‌ట్టు టాక్‌. ఈ గొడ‌వ‌లు ఇక్క‌డితే ఆగిపోతే సంతోష‌మే. ఇంకాస్త ముదిరితే.. ఆ మిగిలిన వీడియోలు సైతం బ‌య‌ట‌కు వ‌స్తాయ‌ని ఇన్ సైడ్ వ‌ర్గాలు చెబుతున్నాయి.
