గుంటూరులో జగన్ – టీడీపీలో చేరిన జడ్పీ చైర్మన్ క్రిస్టినా !

గుంటూరులో జగన్మోహన్ రెడ్డి సిద్ధం అంటూ సభ పెట్టి పాత క్యాసెట్ ను తిరగేస్తున్న సమయంలో .. గుంటూరు జడ్పీ చైర్మన్ కత్తెర హెన్రీ క్రిస్టినా వేమూరులో ఎన్నికల ప్రచారసభలో పాల్గొంటన్న చంద్రబాబు సమక్షంలో టీడీపీలో చేరిపోయారు. కరుడు గట్టిన క్రిస్టియన్ అయిన క్రిస్టినా .. తన భర్తతో కలిసి పార్టీ మారిపోవడం ఆశ్చర్యకరంగా మారింది. 2014లో తాడికొండ నుంచి పోటీ చేసిన ఆమె ఓడిపోయారు. 2019లో టిక్కెట్ ఇవ్వకపోయినా పార్టీ కోసం పని చేశారు. మళ్లీ టిక్కెట్ ఇస్తామని చెప్పి తాడికొండకు ఇంచార్జ్ గా నియమించి ఖర్చు పెట్టుకున్న తర్వాత టిక్కెట్ నిరాకరించి సుచరితకు ఇచ్చారు.

అయితే ఈ మాత్రం దానికే వారు పార్టీ మారిపోతారా అంటే.. వచ్చే ఎన్నికల్లో వైసీపీ గెలిచే చాన్సే లేదని అర్థం కావడంతో జడ్పీ చైర్ పర్సన్ పదవిని కాపాడుకోవడం కోసం ఆమె ముందుగానే పార్టీ మరిపోయారన్న వాదన వినిపిస్తోంది. ఆమె కుల సర్టిఫికెట్ పై చాలా వివాదాలున్నాయి. అలాగే ముగ్గురు పిల్లల అంశం కూడా విచారణలో ఉంది. ఏ విధంగా చూసినా ఆమె పదవికి అనర్హురాలు అని తేల్చడం ఒక్క రోజులో పని. అసలు వైసీపీలో టిక్కెట్టే రాలేదు.. టీడీపీ వస్తే మొదటికే మోసం వస్తుందని .. ఆ పార్టీలో చేరిపోయారు.

ఇలా వైసీపీ రాదని..టీడీపీ వస్తుందని.. పదవుల్ని కాపాడుకుందామన్న ఉద్దేశంతో పెద్ద ఎత్తున నేతలు వైసీపీను వీడి టీడీపీలో చేరుతున్నారు. ఇందులో పంచాయతీ వార్డు మెంబర్లు .. వారి అనుచరుల దగ్గర్నుంచి జిల్లా పరిషత్ చైర్మన్ల వరకూ ఉంటున్నారు. ఎంత ఆపుదామని ప్రయత్నించినా.. ఏపీలో వైసీపీ కి ఓటమి ఖాయమన్న అభిప్రాయంతో ఎవరూ ఆగడం లేదు. కట్టలు తెంచుకున్నట్టుగా పోలోమని టీడీపీలో చేరిపోతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రేవంత్‌తో ముగ్గురు బీజేపీ ఎమ్మెల్యేల భేటీ

సీఎం రేవంత్ రెడ్డితో ముగ్గురు బీజేపీ ఎమ్మెల్యేలు సమావేశం అయ్యారు. ఈసీ పర్మిషన్ వస్తే మంత్రి వర్గ సమావేశం నిర్వహించాలనుకున్న రేవంత్ రెడ్డి సచివాలయంలోనే ఉన్నారు. అయితే హఠాత్తుగా ఆయనను...

టీమిండియా కోచ్ రేసులో గంభీర్ – అందుకే కోహ్లీ రిటైర్మెంట్ కామెంట్స్..?

టీమిండియా కోచ్ గా రాహుల్ ద్రవిడ్ కాంట్రాక్ట్ జూన్ నెలలో ముగుస్తుండటంతో తదుపరి ఎవరిని ఎంపిక చేస్తారన్న దానిపై ఆసక్తి నెలకొంది. ఇదివరకు రికీ పాంటింగ్, స్టీఫెన్ ఫ్లెమింగ్ తో పాటు పలువురు...

జగన్ లండన్ పర్యటనలోనూ స్కిట్స్ !

ఏపీలో బస్సు యాత్రలు చేసేటప్పుడు జగన్ కు మోకాళ్ల మీద నిలబడి దండాలు పెట్టే బ్యాచ్ ను ఐ ప్యాక్ ఏర్పాటు చేస్తుంది. ఆ వీడియోలు సర్క్యూలేట్ చేసుకుంటూ ఉంటారు. ఇదేం బానిసత్వంరా...

ఎన్నారై కనిపిస్తే వణికిపోతున్నారేంటి

డాక్టర్ ఉయ్యూరు లోకేష్ కుమార్ అనే అమెరికా డాక్టర్.. గన్నవరం ఎయిర్ పోర్టులో ఉన్నారు. ఆయన ఢిల్లీకి వెళ్లేందుకు అక్కడ ఉన్నారు. అప్పుడే జగన్ రెడ్డి తన అత్యంత విలాసవంతమైన స్పెషల్ ఫ్లైట్‌లో...

HOT NEWS

css.php
[X] Close
[X] Close