మెగా స్టార్ కి పుట్టినరోజు శుభాకాంక్షలు

ఈరోజు మెగాస్టార్ చిరంజీవి పుట్టినరోజు. తెలుగు ప్రజలందరి తరపున తెలుగు 360.కాం ఆయనకి పుట్టినరోజు శుభాకాంక్షలు తెలియజేస్తోంది. ఆయన జీవిత విశేషాల గురించి చెప్పడం అంటే అందరికీ తెలిసిన రామాయణ, మాహాభారత కధలను మళ్ళీ చెప్పినట్లే అవుతుంది. ఆయన జీవిత చరిత్రలో సినిమాలు, రాజకీయాలనే రెండు అధ్యాయాల గురించి తెలుగు ప్రజలందరికీ తెలుసు. సినీ రంగంలో ఆయన తన స్వయంకృషితోనే మెగాస్టార్ అయ్యారు. తెలుగు సినీ పరిశ్రమలో స్వర్గీయ ఎన్టీఆర్, ఏ.యన్.ఆర్. యస్వీఆర్ తరం నుండి నేటితరం యువనటులు రామ్ చరణ్ తేజ్, అల్లు అర్జున్, జూ.ఎన్టీఆర్, మహేష్ బాబు తదితరుల వరకు కొనసాగుతున్న నటుడు చిరంజీవి. ఆయన రాజకీయాలలోకి వెళ్లి మళ్ళీ చాల ఏళ్ల తరువాత సినీ పరిశ్రమకి వస్తున్నారు. పైగా నేటితో ఆయనకి 60 ఏళ్ల వయసు నిండింది. అయినా ప్రజలు ఆయన చేయబోయే 150వ సినిమా కోసం ఆత్రంగా ఎదురు చూస్తున్నారంటే, ఆయన సినిమాలకి ఇప్పటికీ ప్రజలలో ఎంత క్రేజ్ ఉందో అర్ధమవుతుంది. ఇటువంటి అపూర్వ ప్రజాధరణ, అభిమానం స్వర్గీయ ఎన్టీఆర్, ఏ.యన్.ఆర్, యస్వీఆర్ వంటి మహానటులకే చెల్లు. మళ్ళీ ఇప్పుడు చిరంజీవికి అటువంటి ఆదరణ లభిస్తోంది.

చిరంజీవి తన అభిమానుల కోరిక మేరకు ఈఒక్క సినిమాతోనే సరిపెట్టేస్తారా లేక మళ్ళీ వరుసపెట్టి సినిమాలు చేస్తారా? అనే విషయం ఆయనే చెప్పాలి. కానీ ఇంతవరకు ఆయన తన 150వ సినిమానే మొదలుపెట్టలేదు. పూరీ జగన్నాథ్ దర్శకత్వంలో ఆటో జానీ సినిమా చేసేందుకు ఆయన అంగీకరించినప్పటికీ, కధ రెండవ భాగం సంతృప్తికరంగా లేకపోవడంతో తాత్కాలికంగా బ్రేక్ పడినట్లు తెలుస్తోంది. ఒకవేళ చిరంజీవి ఇంకా సినిమాలు చేయదలిస్తే, పెరుగుతున్న తన వయసును దృష్టిలో పెట్టుకొని ఆయన చాలా వేగంగా సినిమాలు చేయవలసి ఉంటుంది. అప్పుడే రెండవ ఇన్నింగ్స్ కూడా విజయవంతంగా ముగించవచ్చును.

ఇక రాజకీయాలలో మొదటి ఇన్నింగ్స్ లో తడబడినప్పటికీ ఆట ముగిసే సమయానికి కొంచెం నిలకడ సాధించినట్లే కనబడుతోంది. కానీ ఆయన నిలద్రొక్కుకొన్న సమయానికి ఆయన టీమ్(కాంగ్రెస్ పార్టీ) ఆలవుట్ అయిపోవడంతో ఆయన మళ్ళీ సినిమాలవైపు రావలసి వచ్చింది. కానీ నేటికీ రాజకీయాలలో కొనసాగాలనుకొంటూనే ఉన్నారు. ఆయన రాజకీయాలలో కూడా స్వయంకృషితోనే ఈ స్థాయికి ఎదిగినప్పటికీ, సినిమాలతో పోలిస్తే రాజకీయాలలో అంతగా రాణించలేకపోయారనే చెప్పవచ్చును. కానీ అందుకు ఆయనను తప్పు పట్టలేము. ఎందుకంటే ఆయన ఎంచుకొన్న కాంగ్రెస్ పార్టీ వేసిన తప్పులకి, తప్పటడుగులకి ఆయన మూల్యం చెల్లించాల్సి వచ్చింది.

కానీ ఆయనంతటి వ్యక్తి సోనియా, రాహుల్ గాంధీల ముందు చేతులు కట్టుకొని నిలబడే బదులు, తమ్ముడు పవన్ కళ్యాణ్ తో చేతులు కలిపి ఉండి ఉంటే పరిస్థితి వేరేలా ఉండేదేమో? అని అభిమానులు కూడా అనుకొంటున్నారు. కానీ తామిద్దరం రాజకీయాలలో కలిసే అవకాశం లేదని వారి ఆశల మీద ఆయన నీళ్ళు చల్లారు. కానీ ఏదో ఒకరోజు ఇద్దరు కలిసి సినిమా చేయడం తధ్యమని చెప్పారు కనుక ఏదో ఒకరోజు మెగా బ్రదర్స్, మెగా హీరోలు అందరూ రాజకీయాలలో కలిసి పనిచేస్తారని వారి అభిమానులు ఆశగా ఎదురు చూస్తున్నారు. తెలుగు ప్రజలందరి అభిమానాన్నిస్వంతం చేసుకొన్న చిరంజీవికి మళ్ళీ మరోమారు పుట్టినరోజు శుభాకాంక్షలు తెలియజేస్తూ ఆయన సినిమాలలో రాజకీయాలలో కూడా తన సెకండ్ ఇన్నింగ్స్ విజయవంతంగా ఆడాలని కోరుకొందాము.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అయితే “ఆదిపురుష్” బీజేపీ ప్రచార చిత్రం కాదన్న మాట !

ఆదిపురుష్ అనే సినిమాలో నటించడానికి ప్రభాస్ అంగీకరించినప్పటి నుండి చాలా మందికి ఆ సినిమాపై డౌట్స్ ఉన్నాయి. ఇటీవల కేటీఆర్ అది బీజేపీ ప్రచార చిత్రమని.. వచ్చే ఎన్నికలకు ముందు అయోధ్య...

మునుగోడుకు 86 మంది ఎమ్మెల్యేల్ని పంపుతున్న కేసీఆర్ !

మునుగోడులో టీఆర్ఎస్ తరపున ప్రచారం చేయడానికి తమ పార్టీకి ఉన్న 86 మంది ఎమ్మెల్యేల్ని పంపుతున్నారు. నియోజకవర్గాన్ని 86 యూనిట్లుగా విభజించారు. ఒక్కో యూనిట్కి ఒక్కో ఎమ్మెల్యే ఇంచార్జ్గా ఉంటారని టీఆర్ఎస్...

డిజిట‌ల్‌లో ‘శివ‌’

ఈమ‌ధ్య రీ రిలీజ్‌ల హంగామా ఎక్కువ‌గా క‌నిపిస్తోంది. పోకిరి, జ‌ల్సా, చెన్న‌కేశ‌రెడ్డి సినిమాలు రీ రిలీజ్ అయి భారీ వ‌సూళ్లు మూట‌గ‌ట్టుకొన్నాయి. త్వ‌ర‌లోనే ప్ర‌భాస్ - బిల్లా కూడా రీ రీలీజ్ అవ్వ‌బోతోంది....

రీమేకుల‌పై మెగాస్టార్ మాట‌

చిరంజీవిపై ఓ విమ‌ర్శ బ‌లంగా వినిపిస్తుంటుంది. ఆయ‌న ఎక్కువ‌గా రీమేకుల‌పై ఆధార‌ప‌డ‌తాడ‌ని. రీ ఎంట్రీ గా వ‌చ్చిన ఖైదీ నెం.150 రీమేకే. రేపు విడుద‌ల‌య్యే గాడ్ ఫాద‌ర్ కూడా రీమేకే. ఇప్పుడు చేతిలో...

HOT NEWS

css.php
[X] Close
[X] Close