ఎస్సీలపై అట్రాసిటీ కేసుల్ని కొట్టేస్తున్న హైకోర్టు..!

అట్రాసిటీ కేసుల్ని రాజకీయంగా వాడుకోవడానికి పూర్తి స్థాయిలో అలవాటు పడిపోయిన ఆంధ్రప్రదేశ్ పోలీసులకు హైకోర్టులో వరుస దెబ్బలు తగులుతున్నాయి. అట్రాసిటీ కేసులు చెల్లవని హైకోర్టు వరుసగా రెండో రోజు తీర్పు ఇచ్చింది. కొద్ది రోజుల కిందట.. రాజధాని అమరావతికి భూములిచ్చిన రైతులపై అట్రాసిటీకేసులు పెట్టారు. అలా కేసులు పెట్టిన వారిలో ఎస్సీ రైతులు కూడా ఉన్నారు. వారు చేసిన తప్పేమిటంటే… మూడు రాజధానులకు మద్దతుగా ఇతర ప్రాంతాల నుంచి మనుషుల్ని కూలీకి తీసుకువస్తున్న వారిని ఆపి.. ఎక్కడి నుంచి వస్తున్నారని అడగటం. ఆ పెయిడ్ కూలీల గురించి.. సోషల్ మీడియాలో వైరల్ అవడంతో.. పోలీసులు ఓ వ్యక్తి దగ్గర ఫిర్యాదు తీసుకుని ఆ రైతులపై అట్రాసిటీ కేసులు నమోదు చేశారు. తర్వతా వారి చేతులకు బేడీలు వేసిన ఘటన కూడా కలకలం రేపింది.

అప్పుడే.. ఎస్సీ రైతులపై అట్రాసిటీ కేసులు పెట్టడం ఏమిటని హైకోర్టు ఆగ్రహం వ్యక్తం చేసింది. ఇప్పుడా సెక్షన్లను ఎత్తి వేస్తూ.. హైకోర్టు తీర్పు చెప్పింది. మంగళవారం కూడా.. అట్రాసిటీ కేసుల విషయంలో హైకోర్టు ఇలాంటి తీర్పు చెప్పింది. పులివెందులలో ఓ దళిత మహిళ అత్యాచారం, హత్యకు గురయిందని టీడీపీ నేతలు ఆరోపిస్తూ.. చలో పులివెందుల నిర్వహించారు. ఆ కార్యక్రమంలో పాల్గొన్న వారందరిపై ఎస్సీ, ఎస్టీ అట్రాసిటీ కేసులు పెట్టారు. ఇందులో టీడీపీ ఎస్సీ నేత వంగలపూడి అనితపైనా కేసు పెట్టారు. దీంతో ఆమె కోర్టులో పిటిషన్ వేసింది.

ఆమె సర్టిఫికెట్లను పరిశీలించి కేసు ఎత్తివేయాలని హైకోర్టు ఆదేశించింది. మిగిలిన వారిపై నాలుగు వారాల పాటు ఎలాంటి చర్యలు తీసుకోవద్దని స్పష్టం చేసింది. ఏపీలో కొత్త సర్కార్ ఏర్పడిన తర్వాత రాజకీయ నేతలపై అట్రాసిటీ కేసులు పెట్టడం కామన్ అయిపోయింది. రాజకీయ నేతల్ని బెదిరించాలంటే… అట్రాసిటీ కేసులే ఆయుధంగా మారాయి. దీనిపై తీవ్రమైన విమర్శలు వచ్చినప్పటికీ తగ్గలేదు. చివరికి ఎస్సీలపైనా అట్రాసిటీ కేసులు పెట్టే పరిస్థితి వచ్చింది. ఇప్పుడు హైకోర్టు ఆ కేసుల్ని కొట్టి వేస్తున్నా.. ఇప్పటికి వారు టార్చర్ అనుభవించారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో తిరుగుబాటు వార్తలు..! సజ్జల వివరణ..!

వైఎస్ఆర్ కాంగ్రెస్ పార్టీలో తిరుగుబాటు అంటూ రిపబ్లిక్ టీవీలో వచ్చిన ఓ కథనం ఇప్పుడు వైసీపీలో అలజడి రేపుతోంది. ఎంతగా అంటే.. ఆ పార్టీకి జగన్ తర్వాత జగన్ అంతటి వ్యక్తిగా బరువు,...

స్టీల్ ప్లాంట్ అమ్మకం ఆగదని కేంద్రంతో చెప్పించిన వైసీపీ ఎంపీలు..!

విశాఖ స్టీల్ ప్లాంట్ ప్రైవేటీకరణను అడ్డుకోవడానికి తమ వద్ద ప్రత్యేకమైన ప్రణాళిక ఉందని చెబుతున్న వైసీపీ నేతలు... ఢిల్లీ నుంచి మాత్రం ఏపీకి స్టీల్ ప్లాంట్‌తో సంబంధం లేదనే ప్రకటనలు...

తెలంగాణ మహిళల గురించి సరే….షర్మిల తన హక్కుల కోసం ఎలా పోరాడుతారు..!?

తెలంగాణలో రాజకీయ పార్టీ పెట్టి.. రాజన్న రాజ్యం తీసుకు వచ్చి.. అందరికీ న్యాయం చేసేయాలన్న పట్టుదలతో ఉన్న వైఎస్ రాజశేఖర్ రెడ్డి కుమార్తె షర్మిల అంతర్జాతీయ మహిళా దినోత్సవాన్ని కూడా ఉపయోగించుకున్నారు. పెద్ద...

చంద్రబాబు బూతులు మాట్లాడుతున్నారంటున్న సజ్జల..!

ఆంధ్రప్రదేశ్‌లో ఎన్నికల ప్రచారాలు కానీ.. రాజకీయ విమర్శలు కానీ బూతుల రేంజ్‌లో ఎవరు చేస్తారు..? అంటే ప్రత్యేకంగా సమాధానం వెదుక్కోవాల్సిన అవసరం లేదు. అయితే అదే వైసీపీ నేతలు ఇప్పుడు.. చంద్రబాబు, లోకేష్...

HOT NEWS

[X] Close
[X] Close