“పీపీఏల సమీక్ష జీవో”ను సస్పెండ్ చేసిన హైకోర్టు ..!

పవర్ పర్చేజ్ అగ్రిమెంట్ల విషయంలో ఆంధ్రప్రదేశ్ ప్రభుత్వానికి హైకోర్టులో భారీ ఎదురు దెబ్బ తగిలింది. పీపీఏలను సమీక్షించాలంటూ ఓ కమిటీని ఏర్పాటు చేసి.. జారీ చేసిన జీవోను.. నాలుగు వారాల పాటు హైకోర్టు సస్పెండ్ చేసింది. పీపీఏలపై సంప్రదింపులకు రావాలని.. ఏపీఎస్పీడీసీఎల్‌ రాసిన లేఖను కూడా హైకోర్టు సస్పెండ్ చేసింది. తదుపరి విచారణ వచ్చే నెల 22కు వాయిదా వేసింది. ఏపీ ప్రభుత్వంతో పవర్ పర్చేజ్ అగ్రిమెంట్లు కుదుర్చుకున్న దాదాపు 40 విద్యుత్ సంస్థలు.. హైకోర్టులో పిటిషన్లు దాఖలు చేశాయి. పీపీఏల సమీక్ష కోసం.. ఏపీ సర్కార్ ప్రత్యేకంగా ఉన్నత స్థాయి కమిటీని నియమించడాన్ని.. ఈ సంస్థలు.. పిటిషన్‌లో ఆక్షేపించాయి. దానికి సంబంధించి విడుదల చేసిన జీవో చట్ట విరుద్ధమని.. దాన్ని కొట్టి వేయాలని .. పిటిషన్లలో కోరాయి. పీపీఏల తరపున సుప్రీంకోర్టు సీనియర్ న్యాయవాది ముకుల్ రోహత్గీ వాదనలు వినిపించారు.

పవర్ పర్చేజ్ అగ్రిమెంట్ల విషయంలో.. ఏపీ సర్కార్ పరిస్థితి ఒక అడుగు ముందుకు.. నాలుగు కిలోమీటర్ల వెనక్కు అన్నట్లుగా ఉంది. ఎట్టి పరిస్థితుల్లోనూ… పీపీఏలను సమీక్షించి రేట్లు తగ్గించి… వాటిలో అవినీతి జరిగిందని నిరూపించాలని… ప్రమాణస్వీకారం చేయక ముందు నుంచీ పట్టుదలగా ఉన్న జగన్మోహన్ రెడ్డికి.. ఒక్కటంటే.. ఒక్క అంశం కూడా కలసి రావడం లేదు. మొదట కేంద్ర ప్రభుత్వం పీపీఏ ధర నిర్ణయం రాష్ట్ర ప్రభుత్వాల చేతుల్లో ఉండదని.. సమీక్షించడం లాంటి పనులు చేస్తే.. అది విద్యుత్ రంగంలో పెట్టుబడులపై ప్రభావం చూపుతుందని లేఖ ద్వారా హెచ్చరించింది. అయినా జగన్ కేంద్రం మాటను లెక్క చేయకుండా… పీపీఏ సమీక్షకు కేబినెట్ లో నిర్ణయం తీసుకుని ఉన్నత స్థాయి కమిటీ వేయడంతో.. కేంద్రమంత్రి రెండో సారి మరింత ఘాటుగా లేఖ రాశారు. అయినా జగన్ వెనక్కి తగ్గలేదు. విద్యుత్ కంపెనీల ప్రతినిధుల్ని పిలిచి.. ధరలు తగ్గించాలని.. ఓ రకంగా.. హెచ్చరికల్లాంటివి చేస్తూండటంతో… వారు.. న్యాయపోరాటం వైపు మళ్లారు.

పీపీఏల విషయంలో… ఏపీ సర్కార్ వైఖరిపై గందరగోళం ఏర్పడింది. అంతర్జాతీయ రేటింగ్ సంస్థలు కూడా… ఈ చర్యలపై ఆందోళన వ్యక్తం చేశాయి. అయినా కానీ ఏపీ సర్కార్ ఏ మాత్రం వెనక్కి తగ్గడం లేదు. ధరలు తగ్గించకపోతే… ఒప్పందాలు రద్దు చేస్తామని హెచ్చరిస్తున్నారు. దీంతో.. ఒప్పందాలు రద్దు చేస్తే.. తమ కంపెనీలు తీవ్రంగా నష్టపోతాయన్న అంచనాతో.. ముందుగానే.. విద్యుత్ సంస్థల యజమానాలు హైకోర్టులో పిటిషన్లు వేశారు. ప్రభుత్వ ఆదేశాలను హైకోర్టు నాలుగు వారాల పాటు సస్పెండ్ చేసింది. ఈ పీపీఏ వివాదం వల్ల ఏపీ ప్రభుత్వానికి … మూర్ఖంగా ప్రవర్తిస్తోందన్న చెడ్డపేరు తప్ప… ఇంకేం ఒరిగేలా కనిపించడం లేదన్న అభిప్రాయం వ్యక్తమవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీజేపీ తల్చుకుంటే శ్రీవారి ఆస్తుల అమ్మకం నిలిపివేత ఎంత సేపు..!?

తిరుమల తిరుపతి దేవస్థానం బోర్డు..శ్రీవారి ఆస్తులను అమ్మకానికి పెట్టిన విషయంపై బీజేపీ భగ్గమని లేస్తోంది. ఆంధ్రప్రదేశ్ బీజేపీ నేతలు దీక్షలకు సిద్ధమయ్యారు..తెలంగాణ నేతలు కూడా.. ఊరుకునేది లేదని.. హెచ్చరికలు జారీ చేస్తున్నారు. స్వయంగా......

ఏడాదిలో 90 శాతం హామీలు అమలు చేశాం : జగన్

మద్యం రేట్లను పెంచడం ద్వారా మద్యం తాగే వారి సంఖ్య 24 శాతం మేర తగ్గిపోయిందని ముఖ్యమంత్రి జగన్మోహన్ రెడ్డి తేల్చారు. పాలనకు ఏడాది పూర్తవుతున్న సందర్భంగా.. మన పాలన- మీ...

స్టూడియోల‌కు పూర్వ వైభ‌వం

జీవితం ఓ సైకిల్ చ‌క్రం లాంటిది. ఎక్క‌డ మొద‌లెట్టామో తిరిగి అక్క‌డికే వ‌చ్చి ఆగుతాం. సినిమాల ప‌రిస్థితి ఇప్పుడు అలానే మారింది. ఇది వ‌ర‌కూ సినిమా అంటే స్టూడియో వ్య‌వ‌హార‌మే. తొలి స‌న్నివేశం...

విమానాల వాయిదా : తొందరపడినా ప్రభుత్వం సిద్ధం కాలేకపోయిందా..?

దేశమంతా విమనాశ్రయాలు ఓపెన్ అయ్యాయి.. కానీ ఆంధ్రప్రదేశ్‌లో మాత్రం.. ఒక్క రోజు వాయిదా పడ్డాయి. కారణాలేమైనా కావొచ్చు.. ఆంధ్రప్రదేశ్ ప్రభుత్వం... లాక్ డౌన్ ఎత్తేసి.. సాధారణ కార్యకలాపాలు ప్రారంభించాలని.. లాక్‌డౌన్ 1.0 అయిపోయినప్పుడే...

HOT NEWS

[X] Close
[X] Close