భారత్-పాక్ చర్చలు విఫలం…మళ్ళీ అదే కారణం

డిల్లీలో జరుగుతున్న ‘హార్ట్ ఆఫ్ ఏసియా’ సదస్సులో పాల్గొనడానికి వచ్చిన పాక్ విదేశాంగ కార్యదర్శి ఐజాజ్ అహ్మద్ చౌదరి, భారత విదేశాంగ కార్యదర్శి ఎస్. జయశంకర్ తో నిన్న సమావేశమయ్యారు. వారి సమావేశం పరస్పర ఆరోపణలతో మొదలయ్యి వాటితోనే ముగిసింది. సమావేశం మొదలవగానే పఠాన్ కోట్ దాడులు, ముంబై ప్రేలుళ్ళ గురించి ప్రస్తావించి, వాటికి కారకులైన ఉగ్రవాదులకు పాకిస్తాన్ ఆశ్రయం కల్పిస్తునంత కాలం, ఇరుదేశాల మధ్య సంబంధాలు మెరుగుపడాలని ఆశించడం అత్యాశే అవుతుందని జయశంకర్ చెప్పగా, భారత్-పాక్ సంబంధాలు దెబ్బ తినడానికి ప్రధాన కారణం కాశ్మీర్ సమస్య అని ఐజాజ్ అహ్మద్ చౌదరి వాదించారు. పాక్ లోని బలూచిస్తాన్ లో భారత్ నిఘా సంస్థ ‘రా’ తిరుగుబాటుదారులను ప్రోత్సహిస్తోందని, అలాగే సంజౌతా ఎక్స్ ప్రెస్ ఘటనలో దోషులను పట్టుకొని శిక్షించడానికి భారత్ సహకరించడం లేదని ఆయన ఆరోపించారు. ఆ ఆరోపణలను జయశంకర్ ఖండించారు. దాదాపు రెండు గంటల పాటు వారి సమావేశం ఇదేవిధంగా సాగింది. చివరికి ఎటువంటి నిర్ణయం తీసుకోకుండానే ముగిసింది. ఆ కారణంగానే ఇద్దరూ కలిసి మీడియా ముందుకు వచ్చి మాట్లాడలేదు.

పఠాన్ కోట్ దాడుల గురించి ఇకపై జరిగే ప్రతీ సమావేశంలో భారత్ తమని తప్పకుండా నిలదీస్తుందని పాకిస్తాన్ ఊహించబట్టే, బలూచిస్తాన్ కధని రెడీ చేసిపెట్టుకొంది. అలాగే పఠాన్ కోట్ గురించి భారత్ ప్రశ్నిస్తే, సంజౌత ఎక్స్ ప్రెస్ కేసు గురించి పాక్ ఎదురుప్రశ్నిస్తోంది. భారత్-పాక్ సంబంధాలు దెబ్బ తినడానికి కారణం ఉగ్రవాదమని భారత్ వాదిస్తే, కాదు కాశ్మీర్ సమస్య అని పాక్ వాదిస్తోంది. పఠాన్ కోట్ దాడులకు కుట్రలు పన్నినవారు తమ దేశంలోనే ఉన్నారని, వారిని పట్టుకొని శిక్షిస్తామని మొదట చెప్పిన పాక్, నాలుగు నెలలు గడిచినా ఆ పని చేయకుండా తిరిగి భారత్ నే నిందించడం విస్మయం కలిగిస్తుంది. ఐజాజ్ అహ్మద్ చౌదరి వాదనలు గమనించినట్లయితే పాక్ కపట వైఖరిలో ఎటువంటి మార్పు లేదని మరొకమారు స్పష్టం చేసినట్లుంది. ఇరుగు పొరుగు దేశాలతో శాంతి, స్నేహం కోరుకొంటున్నామని చెపుతూ పాక్ మళ్ళీ ఈవిధంగా వ్యవహరించడం, జమ్మూ కాశ్మీర్ సరిహద్దులలో పాక్ దళాలు మళ్ళీ భారత్ దళాలపై కాల్పులు మొదలుపెట్టడం పాక్ ద్వంద వైఖరికి ప్రత్యక్ష నిదర్శనాలే. కనుక దాని పట్ల భారత్ కూడా ఒక నిశ్చిత, కటిన వైఖరిని అవలంభించడం చాలా అవసరం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేసీఆర్ పిలుపు… విరాళాల వెల్లువ..!

ముఖ్యమంత్రి సహాయనిధికి విరివిగా విరాళాలివ్వాలని తెలంగాణ సీఎం కేసీఆర్ పిలుపునిచ్చారు. వరదల కారణంగా హైదరాబాద్ ప్రజలు తీవ్ర ఇబ్బందులు పడుతున్నారు. వారిని ఆదుకోవడంతో పాటు పెద్ద ఎత్తన ధ్వంసం అయిన రోడ్లు, విద్యుత్...

‘న‌ర్త‌న‌శాల’ టికెట్… 10 ల‌క్ష‌ల నుంచి 50 రూ. వ‌ర‌కూ

శ్రేయాస్ ఏటీటీ ద్వారా `న‌ర్త‌న‌శాల‌` విడుద‌ల అవుతున్న సంగ‌తి తెలిసిందే. ఈనెల 24 న విజ‌య‌ద‌శ‌మి సంద‌ర్భంగా `న‌ర్త‌న‌శాల‌`లోని 17 నిమిషాల స‌న్నివేశాల్ని విడుద‌ల చేస్తున్నారు. బాల‌కృష్ణ స్వీయ ద‌ర్శ‌క‌త్వం వ‌హించిన చిత్ర‌మిది....

పాపం.. విజ‌య్ సేతుప‌తి కూతుర్ని కూడా వ‌ద‌ల్లేదు!

స‌భ్య స‌మాజం మ‌రోసారి త‌ల‌దించుకోవాల్సిన దుస్థితి ఇది. మొన్న‌టికి మొన్న ఐపీఎల్ లో ధోనీ విఫ‌లం అయితే.. ధోనీ కుమార్తెని అత్యాచారం చేస్తాన‌ని బెదిరించి - దిగ‌జారిపోతున్న విలువ‌ల‌కు త‌ర్ప‌ణంగా నిలిచాడో దుర్మార్గుడు....

‘న‌ర్త‌న‌శాల‌’లో అర్జునుడిడిగో…!

నంద‌మూరి బాల‌కృష్ణ క‌ల‌ల ప్రాజెక్టు `న‌ర్త‌న‌శాల‌`. త‌న స్వీయ నిర్మాణంలోనే ఈ చిత్రాన్ని ప‌ట్టాలెక్కించాడు. భారీ కాస్టింగ్‌, బాల‌య్య ద‌ర్శ‌క‌త్వం, పౌరాణిక గాథ‌.. ఇవ‌న్నీ ఈ సినిమాపై ఆక‌ర్ష‌ణ‌ని పెంచాయి. కొంత‌మేర...

HOT NEWS

[X] Close
[X] Close