ఏపీ విద్యార్థుల్ని కూడా పొరుగు రాష్ట్రాలకు తరిమేస్తున్నారా..!?

ఆంధ్రప్రదేశ్ ప్రభుత్వం ఏం చేస్తుందో అక్కడి ప్రజలకు అర్థమవడం లేదు. బస్సుల నుంచి మద్యం వరకూ ..ఉద్యోగాల నుంచి చదువుల వరకూ అన్నింటిపైనా పొరుగు రాష్ట్రాలపైనే ఏపీ ప్రజలు ఆధారపడేలా విధానాలు అమలు చేస్తోంది. ఇంటర్ విద్యార్థుల్లో సగం మంది హైదరాబాద్, చెన్నై, బెంగళూరులకు వెళ్లి చదువుకోవాల్సిన పరిస్థితులను ఏపీ సర్కార్ సృష్టించింది. ప్రైవేటు కాలేజీని అరవై శాతం మేర తగ్గించేసింది. అనుమతులు ఇవ్వకపోవడంతో.. సీట్ల లభ్యత లేకుండా పోయింది. దీంతో తల్లిదండ్రులు.. పొరుగు రాష్ట్రాల వైపు చూస్తున్నారు. ఏపీలో కొత్త సర్కార్ వచ్చిన తర్వాత ఇంటర్ సీట్లను ఆన్ లైన్‌లో భర్తీ చేయాలని నిర్ణయించింది. దాని ప్రకారం ఏర్పాట్లు చేసింది.

ఇప్పుడు ఆన్‌లైన్‌లో తమ విద్యార్థుల్ని నచ్చిన కాలేజీలో చేర్పిద్దామని ప్రయత్నిస్తున్న తల్లిదండ్రులకు షాక్ తగులుతోంది. ఆ కాలేజీలేవీ కనిపించడం లేదు. ఎందుకంటే.. వాటికి ఇంకా అనుమతులు మంజూరు చేయలేదు. అవి వాణిజ్య భవనాల్లో ఉన్నాయని.. మరొకటని కారణంగా చెబుతున్నారు. ఈ ఏడాది టెస్త్ పరీక్షలు పెట్టకుండానే అందర్నీ పాస్ చేయడంతో దాదాపుగా ఆరు లక్షల మంది మొదటి ఏడాది ఇంటర్మీడియట్‌లో చేరేందుకు అర్హత సాధించారు. కానీ ప్రస్తుతం ఏపీ ప్రభుత్వ, ప్రైవేటు జూనియర్ కాలేజీల్లో కలిపి రెండు లక్షల సీట్ల వరకే అందుబాటులో ఉన్నాయి. ఈ ప్రభుత్వంతో పెట్టుకుంటే.. పిల్లల చదువులు డేంజర్‌లో పడతాయని పెద్ద ఎత్తున తల్లిదండ్రులు తమ పిల్లల్ని పొరుగు రాష్ట్రాల జూనియర్ కాలేజీల్లో చేర్పించేస్తున్నారు.

హైదరాబాద్ ప్రైవేటు కాలేజీలపై దారుణమైన నిర్బంధాలు లేవు. అక్కడ రాజకీయంగా ప్రత్యర్థులైన వారి వ్యాపారాల్ని దెబ్బకొట్టే వ్యూహంతో విద్యార్థుల్ని బలి చేయాలని అనుకోవడం లేదు. అందుకే… సెక్షన్లు పెంచుకోవడానికి అనుమతులు లభిస్తున్నాయి. దీంతో.. ఏపీలో ఇంటర్ విద్యార్థులు తగ్గిపోయి.. పొరుగు రాష్ట్రాల్లో పెరిగే అవకాశం ఎక్కువగా కనిపిస్తోంది. ఇప్పటికే ఉపాధి అవకాశాల కోసం ఏపీ ప్రజలు పొరుగు రాష్ట్రాలకు వెళ్తున్నారు. మద్యం బ్రాండ్ల కోసం పొరుగు రాష్ట్రాలకు వెళ్తున్నారు. ఇప్పుడు చదువుల కోసం కూడా పొరుగు రాష్ట్రాలకే వెళ్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బండి సంజయ్ మధ్యంతర ఎన్నికల జోస్యాలు..!

తెలంగాణ బీజేపీ అధ్యక్షుడు బండి సంజయ్.. నలుగురూ మాట్లాడుకునే స్టేట్‌మెంట్లు ఇవ్వడంలో మాస్టర్ డిగ్రీని సాధించేసినట్లుగా ఉన్నారు. సర్జికల్ స్ట్రైక్స్, దారుస్సలాం కూల్చివేతల తర్వాత తాజాగా.. తెలంగాణకు మధ్యంతర ఎన్నికల స్టేట్మెంట్...

జనసేనను ఓ మాదిరిగా కూడా చూడని టీ బీజేపీ..!

ఏం మరీ అంత... గా కనిపిస్తున్నామా..? ఓ మాదిరిగా కూడా కనిపించడం లేదా..? .. అంటూ అనుకోకుండా ఓ రోజులో చక్రవర్తిని ఉద్దేశించి బ్రహ్మానందం చెప్పే డైలాగ్ సూపర్ పాపులరయింది. ఇప్పుడు...

ద‌ర్శ‌కేంద్రుడితో… స‌మంత‌, శ్రియ‌, ర‌మ్య‌కృష్ణ‌

కె.రాఘ‌వేంద్ర‌రావు ఇప్పుడు కెమెరా ముందుకొస్తున్నారు. ఓ నటుడిగా ఆయ‌న త‌న‌లోని కొత్త కోణాన్నిచూపించ‌బోతున్నారు. త‌నికెళ్ల భ‌ర‌ణి ద‌ర్శ‌క‌త్వంలో ఓ చిత్రం రూపుదిద్దుకోనుంది. ఇందులో కె.రాఘ‌వేంద్ర‌రావు ప్ర‌ధాన పాత్ర‌ధారి. ఈ చిత్రంలో ముగ్గురు క‌థానాయిక‌లు...

ప్ర‌కాష్ రాజ్‌కి సెగ మొద‌లైంది

ప‌వ‌న్ క‌ల్యాణ్ ని రాజ‌కీయ ఊస‌ర‌వెల్లి అంటూ విమ‌ర్శించాడు ప్ర‌కాష్ రాజ్. బీజేపీతో జ‌న‌సేన పొత్తు పెట్టుకోవ‌డం ఆయ‌న‌కు ఏమాత్రం న‌చ్చ‌లేదు. అందుకే.. ఇలా ఆవేశ ప‌డ్డాడు. అయితే.. ప‌వ‌న్ క‌ల్యాణ్ తో...

HOT NEWS

[X] Close
[X] Close