స‌ర్కారు వారి పాట అప్ డేట్: మ‌హేష్ ముందే వెళ్లిపోతున్నాడు

మ‌హేష్‌బాబు క‌థానాయ‌కుడిగా `సర్కారువారి పాట‌` తెర‌కెక్కుతున్న సంగ‌తి తెలిసిందే. జ‌న‌వ‌రి 4 నుంచి అమెరికాలో షూటింగ్ ప్రారంభం కానుంది. వీసా వ్య‌వ‌హారాల‌న్నీ ఓ కొలిక్కి వ‌స్తున్నాయి. అయితే చిత్ర‌బృందం కంటే ముందే.. మ‌హేష్ అమెరికాలో కాలు పెట్ట‌నున్నాడు. ఈ క్రిస్మ‌స్ అమెరికాలో జ‌రుపుకోవాల‌ని, న్యూ ఇయ‌ర్ సెల‌బ్రేష‌న్స్ కూడా అక్క‌డే చేసుకోవాల‌ని మ‌హేష్ భావిస్తున్నాడు. త‌న కుటుంబంతో స‌హా డిసెంబ‌రు 24నే యూ.ఎస్ ఫ్లైట్ ఎక్కేయ‌బోతున్నాడు మ‌హేష్‌. డిసెంబ‌రు 30న మిగిలిన బృందం అమెరికా వెళ్తుంది. అమెరికాలో దాదాపు 45 రోజుల పాటు షూటింగ్ జ‌ర‌బోతోంది. కీర్తి సురేష్ క‌థానాయిక‌గా న‌టిస్తున్న ఈ చిత్రానికి ప‌ర‌శురామ్ ద‌ర్శ‌కుడు. త‌మ‌న్ సంగీతం అందిస్తున్నాడు. అయితే.. ప్ర‌తినాయ‌కుడి పాత్ర‌లో ఎవ‌రు కనిపిస్తార‌న్న‌ది తేలాల్సివుంది. ఉపేంద్ర‌, అర‌వింద్ స్వామి లాంటి పేర్లు మాత్రం ప్ర‌ముఖంగా వినిపిస్తున్నాయి. అత‌నెవ‌ర‌న్న‌ది ఓ వారంలో కొలిక్కి వ‌చ్చే అవ‌కాశాలున్నాయి.