విక్ర‌మ్ మ‌ళ్లీ అదే త‌ప్పు చేస్తున్నాడా?

ద‌క్షిణాదిలో ఉన్న అత్యంత ప్ర‌తిభావంతులైన న‌టుల జాబితాలో విక్ర‌మ్‌కి స్థానం ఉంటుంది. ఈత‌రం హీరోల్లో విక్ర‌మ్ చేసిన‌న్ని ప్ర‌యోగాలు ఎవరూ చేయ‌లేదు. విక్ర‌మ్ వేసిన‌న్ని గెట‌ప్పులూ ఎవ‌రూ వేయ‌లేదు. అప‌రిచితుడు త‌న‌ని స్టార్‌గా మార్చేసింది. అయితే.. ఆ త‌ర‌వాత హిట్టు కొట్ట‌డానికి ఆప‌సోపాలు ప‌డుతూ వ‌చ్చాడు విక్ర‌మ్. గ‌త ప‌దేళ్ల‌లో విక్ర‌మ్ నుంచి ఒక్క సాలీడ్ హిట్ కూడా ప‌డ‌లేదు. కథ కంటే గెట‌ప్పుల్నే ఎక్కువ న‌మ్ముకోవ‌డం, ప్ర‌యోగాల‌లో `అతి`… ఇవ‌న్నీ విక్ర‌మ్ కెరీర్‌తో ఆడుకొన్నాయి. ప్రతి సినిమాలోనూ క‌నీసం రెండు మూడు గెట‌ప్పుల్లో క‌నిపించ‌డం సాధార‌ణ‌మైపోయింది. గెట‌ప్పుల‌పై పెట్టిన శ్ర‌ద్ధ క‌థ‌పై పెట్డడం లేద‌న్న విమ‌ర్శ‌ను ప్ర‌తీసారీ ఎదుర్కొంటూనే వ‌చ్చాడు విక్ర‌మ్‌. ఇప్పుడు త‌న నుంచి మ‌రో సినిమా వ‌స్తోంది. అదే.. `కోబ్రా`. ఇందులోనూ గెట‌ప్పుల గోలే. ఈసారి ఏడెనిమిది వేషాల్లో ద‌ర్శ‌న‌మిస్తున్నాడు విక్ర‌మ్‌. ట్రైల‌ర్ క‌ట్ చేస్తే… ఆ ట్రైల‌ర్ అంతా.. విక్ర‌మ్ వేసిన గెట‌ప్పుల్ని చూపించ‌డానికే స‌రిపోయింది.

ఆయా పాత్ర‌ల కోసం విక్ర‌మ్ చాలా క‌ష్ట‌ప‌డ‌తాడు. ఒక్కో గెట‌ప్ కోసం మేక‌ప్ కే గంట‌ల స‌మ‌యం వెచ్చిస్తాడు. పాత్ర‌కు త‌గిన‌ట్టు త‌న‌ని తాను మార్చుకొంటాడు. శ‌రీరాన్ని క‌ష్ట‌పెడ‌తాడు. ఈ విష‌యాల్లో ఎలాంటి అనుమానం లేదు. కానీ.. `అప‌రిచితుడు` త‌ర‌వాత‌.. త‌న‌కు హిట్ ఏది? ఈలోగా ఎన్ని సినిమాల్లో, ఎన్ని గెట‌ప్పులు వేసుంటాడు? అవ‌న్నీ విక్ర‌మ్‌కి కాపాడ‌లేక‌పోయాయి. ఎవ‌రైనా గెట‌ప్ వేస్తే వెరైటీ. కానీ విక్ర‌మ్ కి మాత్రం అది ప‌ర‌మ రొటీన్ వ్య‌వ‌హారం. త‌న‌పై వ‌స్తున్న విమ‌ర్శ‌ల్ని విక్ర‌మ్ ఈసారీ ప‌క్క‌న పెట్ట‌డం ఆశ్చ‌ర్యాన్ని క‌లిగిస్తోంది. `కోబ్రా` కోసం చాలా క‌ష్ట‌ప‌డ్డాడు విక్ర‌మ్‌. కాక‌పోతే… ఆ క‌ష్టానికి త‌గిన ప్ర‌తిఫ‌లం వ‌స్తుందా, రాదా? అనేది పెద్ద డౌట్‌. ఈనెల 31న ఈ సినిమా వ‌స్తోంది. ఇది ఓర‌కంగా విక్ర‌మ్ కి డూ – ఆర్ డై సెట్యువేష‌న్‌. ఈసారి కూడా విక్ర‌మ్ కి మొండిచేయి ఎదురైతే.. ఇంకెప్పుడూ గెట‌ప్పుల జోలికి పోడేమో…? హిట్ట‌యితే గ‌నుక‌.. ఇక ప్ర‌తీసారీ ఈ విశ్వ‌రూపం త‌ప్ప‌దు. మ‌రి ఏం జ‌రుగుతుందో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీఆర్ఎస్ కు బిగ్ షాక్ – కాంగ్రెస్ లోకి కేకే , కడియం..!!

లోక్ సభ ఎన్నికలు సమీపిస్తున్న వేళ బీఆర్ఎస్ కు వరుస షాకులు తగులుతున్నాయి. ఇప్పటికే పలువురు నేతలు కాంగ్రెస్ లో చేరగా.. తాజాగా కేసీఆర్ సన్నిహిత నేతలు కూడా హస్తం గూటికి చేరేందుకు...

‘లెజెండ్’ ఎఫెక్ట్.. జయం మనదే

బాలకృష్ణ లెజెండ్ సినిమా ఈనెల 30న రీ రిలీజ్ చేస్తున్నారు. ఈ సినిమా పదేళ్ళు పూర్తి చేసుకున్న నేపధ్యంలో రీరిలీజ్ కి పూనుకున్నారు. ఈ సినిమా 2014 ఎన్నికల ముందు వచ్చింది. ఆ...

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

HOT NEWS

css.php
[X] Close
[X] Close