ఏపీ కేబినెట్‌లో లీకు వీరుడి కోసం జగన్ వేట..!

మీడియాపై ఆంక్షలు.. కేసులు పెట్టేందుకు ఏపీ సీఎం జగన్మోహన్ రెడ్డి ఓ వివాదాస్పద జీవో తీసుకురావాలని నిర్ణయించారు. ఈ మేరకు కేబినెట్ భేటీలో చర్చ జరిగింది. అయితే.. దీనికి సంబంధించిన వివరాలు చాలా గోప్యం. కేబినెట్‌ నోట్‌ కూడా గోప్యమే. కానీ.. కేబినెట్ భేటీ పూర్తి కాగానే ఈ కేబినెట్ నోట్‌ బయటకు లీక్‌ అయ్యింది. క్షణాల్లోనే సోషల్ మీడియాలో అది వైరల్‌గా మారింది. నిరాధారమైన వార్తలు రాస్తే అటువంటి పత్రికలు, ప్రసార సాధనలపై కేసులు పెట్టే అధికారాన్ని సంబంధిత ప్రభుత్వశాఖ కార్యదర్శికి అప్పగించాలనీ ఆ క్యాబినెట్ నోట్‌లో పేర్కొన్నారు. నిజానికి దానిపై నిర్ణయం తీసుకోలేదు.

2007 సంవత్సరంలో నాటి ముఖ్యమంత్రి వైఎస్ రాజశేఖర్‌రెడ్డి ఇలాంటి జీవోనే తీసుకురాగా, అప్పట్లో తీవ్ర వ్యతిరేకత వ్యక్తమైంది. ఫలితంగా ఆ జీవోని ఉపసంహరించుకున్నారు. తనకు తెలియకుండానే వచ్చిందని వైఎస్ చెప్పుకోవాల్సి వచ్చింది. ఇప్పుడు.. ఆ కేబినెట్ నోట్‌ కూడా అదే విధంగా ఉండటంతో.. జగన్ కు ఇబ్బందికరంగా మారింది. అసలు ఎలా బయటకు వెళ్లిందనే దానిపై ఆరా తీయమని.. ఆయన అధికారుల్ని ఆదేశించారు. ఎవరికివారు తమకు తెలియదని చెబుతున్నప్పటికీ.. నలుగురైదుగురిపై అనుమానం పెంచుకుని వారిపై నిఘా ఉంచారు. ఈ క్యాబినెట్ నోట్ లీక్ కావటంతో జాతీయ మీడియాలో కూడా ప్రభుత్వానికి వ్యతిరేకంగా ప్రచారం జరిగిందని అధికార పార్టీ నేతలు ఆందోళన చెందుతున్నారు.

సోషల్ మీడియాలో సైతం ఈ నోట్‌పై చాలా రచ్చే జరిగింది. అందుకే.. కుట్ర పూరితంగానే.. ఈ నోట్‌ను లీక్ చేశారని.. ప్రభుత్వ పెద్దలు భావిస్తున్నారు. ఆ లీకు వీరుడ్ని పట్టుకుని తీరాలన్న లక్ష్యంతో ఉన్నారు. ఇలా ఇంకెన్ని లీకులు ఉంటాయోనన్న ఆందోళన కూడా ప్రభుత్వ పెద్దల్లో ఏర్పడింది. అందుకే… సీరియస్ యాక్షన్ తీసుకుంటే.. ఇంకో సారి అలాంటి పనులు చేయడానికి ఎవరూ సిద్ధపడరని భావిస్తున్నారు. అయితే.. ఇంటి దొంగను ఈశ్వరుడు కూడా పట్టలేరంటారు..మరి జగన్ సర్కార్ లీకు వీరుడ్ని పట్టుకుంటుందో లేదో..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

సుప్రీంకోర్టులోనూ ఏపీ సర్కార్‌కు మళ్లీ “రంగు పడింది”..!

ప్రభుత్వ కార్యాలయాలపై రంగుల విషయంలో ఎక్కడా లేని పట్టుదలకు పోయిన ఏపీ సర్కార్‌కు.. రెండో సారి సుప్రీంకోర్టు షాక్ ఇచ్చింది. నాలుగు వారాల్లో ప్రభుత్వ కార్యాలయాలపై రంగులు తొలగించకపోతే.. కోర్టు ధిక్కరణ చర్యలు...

డాక్టర్ సుధాకర్‌పైనా సీబీఐ కేసు..!

నర్సీపట్నం డాక్టర్ సుధాకర్ కేసు దర్యాప్తులో అనూహ్య మలుపు చోటు చేసుకుంది. సీబీఐ ఆయనపైనా కేసు నమోదు చేసింది. లాక్‌డౌన్‌ నిబంధనలు ఉల్లంఘించినందుకు, బాధ్యత కలిగిన ఓ ప్రభుత్వ ఉద్యోగంలో ఉండి ప్రభుత్వ...

మ‌రో బ‌యోపిక్ మిస్ చేసుకున్న నిత్య‌మీన‌న్‌

ఒక‌ప్పుడు తెలుగు నాట నిత్య‌మీన‌న్ హ‌వా బాగా న‌డిచింది. కాస్త ప్ర‌త్యేక‌మైన క‌థానాయిక పాత్ర‌లు ఆమె చుట్టూ చేరిపోయాయి. గ్లామ‌ర్ మాటెలా ఉన్నా, స‌ర‌దా న‌ట‌న‌తో ఆక‌ట్టుకునేది. అయితే ఇప్పుడు త‌న‌ని అంతా...

HOT NEWS

[X] Close
[X] Close