నిన్న అనంతపురం జిల్లాలో బండ్లపల్లి గ్రామంలో మాజీ ప్రధాని డా. మన్మోహన్ సింగ్, కాంగ్రెస్ ఉపాధ్యక్షుడు రాహుల్ గాంధి, దిగ్విజయ్ సింగ్ తదితరులు హాజరయిన ఒక సభలో, రాష్ట్రంలో సీనియర్ కాంగ్రెస్ నేత అయిన కోట్ల సూర్యప్రకాష్ రెడ్డిని వేదిక మీదకు ఆహ్వానించకపోవడంతో ఆయన అలుక పాన్పు ఎక్కారు. తనను అవమానించినందుకు ఆయన పార్టీని వీడే ఆలోచన కూడా చేస్తున్నట్లు సమాచారం. ఆయనను బుజ్జగించి అలక పాన్పు మీద నుండి దింపేందుకు పల్లం రాజు తదితరులు ప్రయత్నిస్తున్నారు. ఆంధ్రప్రదేశ్ రాష్ట్రంలో కాంగ్రెస్ పార్టీ పరిస్థితి నానాటికీ చాలా దయనీయంగా మారుతున్నందున చాలా మంది సీనియర్ నేతలు ఏదో ఒక సాకుతో ఏదో ఒక పార్టీలోకి జంప్ అయిపోతున్నారు. ఈ అలకపాన్పు సీన్ పూర్తయితే గానీ కోట్ల సూర్యప్రకాష్ రెడ్డి ఇంకా పార్టీని అంటిబెట్టుకొని ఉంటారో లేక ఈ సాకుతో పార్టీకి గుడ్ బై చెప్పేయాలని చూస్తున్నారో తెలియదు.
అలకపాన్పు ఎక్కిన కోట్ల..పార్టీ వీడే ఆలోచన
