మహేష్ బాబు రైతుగా మారాడు. కాలేజీలో పుస్త‌కాలు ప‌ట్టి.. పాఠాలు నేర్పాల్సిన `రిషి`…. పొలంగ‌ట్ల‌లో నాగ‌లి ప‌ట్టి, విత్త‌నాలు చ‌ల్లుతున్నాడు. ఇదంతా `మ‌హ‌ర్షి` సినిమా కోసం. మహేష్‌బాబు క‌థానాయ‌కుడిగా న‌టిస్తున్న చిత్రమిది. వంశీపైడిప‌ల్లి ద‌ర్శ‌కుడు. పూజా హెగ్డే క‌థానాయిక. ప్ర‌స్తుతం పొలాచ్చీలో చిత్రీక‌ర‌ణ జ‌రుగుతోంది. ప్ర‌ధాన తారాగ‌ణంపై కీల‌క స‌న్నివేశాల్ని తెర‌కెక్కిస్తున్నారు. మహేష్ రైతుగా మారి, పొలం ప‌నులు చేస్తున్న స‌న్నివేశాల్ని పొలాచ్చీలో కొన‌సాగుతున్నాయి. స్నేహం విలువ తెలియ‌జెప్పే క‌థ ఇది. మహేష్ స్నేహితుడిగా అల్ల‌రి న‌రేష్ న‌టిస్తున్న సంగ‌తి తెలిసిందే. ద్వితీయార్థంలో మహేష్ రైతు పాత్ర‌లో క‌నిపించ‌నున్నాడు. రైతు స‌మ‌స్య‌ల‌పై గ‌ళం విప్ప‌నున్నాడు. ఏప్రిల్‌లో ఈ చిత్రం ప్రేక్ష‌కుల ముందుకు వ‌స్తోంది. దేవిశ్రీ ప్ర‌సాద్ సంగీతం అందిస్తున్న ఈ చిత్రానికి దిల్‌రాజు, అశ్వ‌నీద‌త్‌, వీవీపీ నిర్మాత‌లుగా వ్య‌వ‌హ‌రిస్తున్నారు.
