ఆమ‌ధ్య నాగ‌శౌర్య ద‌గ్గ‌ర‌కు ఓ క‌థ వ‌చ్చింది. యువ ద‌ర్శ‌కుడు చెప్పిన ఆ క‌థ శౌర్యకు బాగా న‌చ్చింది. అయితే అందులో ఓ స్టార్ హీరో కి స‌రిప‌డ పాత్ర కూడా ఉంది. దాన్ని నంద‌మూరి బాల‌కృష్ణ‌తో చేయిస్తే బాగుంటుంద‌నుకున్నాడు. ఆ ప్ర‌య‌త్నాలూ జ‌రిగాయి. అప్ప‌ట్లో బాల‌య్య కూడా ఈ సినిమా చేయ‌డానికి అంగీకారం తెలిపాడు. దాంతో బాల‌కృష్ణ – నాగ‌శౌర్య మ‌ల్టీస్టార‌ర్ వ‌చ్చేస్తుంద‌ని అంతా అనుకున్నారు.
అయితే ఇప్పుడు ఈ ప్రాజెక్టు బాల‌కృష్ణ చేయ‌డం లేద‌ని తెలిసింది. ఈమ‌ధ్యే.. గోపీచంద్ మ‌లినేని క‌థ‌కు బాల‌య్య ఓకే చెప్పాడు. మైత్రీ మూవీస్ నిర్మిస్తోంది. బాల‌య్య – బోయ‌పాటి శ్రీ‌ను కాంబోలో సినిమా పూర్త‌యిన వెంట‌నే, గోపీచంద్ మ‌లినేని సినిమా ప‌ట్టాలెక్కుతుంది. దాంతో నాగ‌శౌర్య సినిమా చేసే స‌మ‌యం లేక‌పోయింది బాల‌య్య‌కు. అందుకే.. ఈ విష‌య‌మే సున్నితంగా చెప్పి, ఈ ప్రాజెక్టు నుంచి త‌ప్పుకున్నాడ‌ట బాల‌య్య. ఆ పాత్ర ఇప్పుడు నాగార్జున‌తో చేయిస్తే ఎలా ఉంటుందా? అని భావిస్తున్నారు. త్వ‌ర‌లోనే ఈ క‌థ ప‌ట్టుకుని నాగ్ ద‌గ్గ‌ర‌కు వెళ్లే అవ‌కాశం ఉంది. నాగ్ మ‌ల్టీస్టార‌ర్లంటే ఆస‌క్తి చూపిస్తుంటాడు. కాబ‌ట్టి… త‌న‌నుంచి ఎలాంటి అభ్యంత‌రాలూ లేక‌పోవొచ్చు. కాక‌పోతే.. నాగ్ ద‌గ్గ‌ర కూడా కాల్షీట్ల స‌మ‌స్య త‌లెత్తే ప్ర‌మాదం ఉంది.
