అందాల రాక్ష‌సితో ఎంట్రీ ఇచ్చాడు హ‌ను రాఘ‌వ‌పూడి. ఆ సినిమా బాక్సాఫీసు ద‌గ్గ‌ర స‌రిగా ఆడ‌లేదు కానీ, త‌న‌కంటూ ఓ ఫ్యాన్ బేస్ సంపాదించుకొన్నాడు హ‌ను. కృష్ణ‌గాడి వీర ప్రేమ‌గాథ హిట్ట‌వ్వ‌డంతో అవ‌కాశాలు వ‌చ్చి ప‌డ్డాయి. అయితే `లై`, `ప‌డిప‌డి లేచె మ‌న‌సు` సినిమాల‌తో నిరాశ ప‌రిచాడు. అయితే ఎట్ట‌కేల‌కు `సీతారామం`తో ఓ మంచి విజ‌యాన్ని త‌న ఖాతాలో వేసుకొన్నాడు. ఇప్పుడు మ‌ళ్లీ హ‌నుపై న‌మ్మ‌కాలు ఏర్ప‌డ్డాయి. ఈ సినిమా గురించి పాజిటీవ్ బ‌జ్ ఏర్ప‌డ‌గానే, మైత్రీ మూవీస్ హ‌నుకి అడ్వాన్స్ ఇచ్చింది. ఇప్పుడు హ‌ను త‌దుప‌రి సినిమా మైత్రీతోనే. హ‌నుకి కొన్ని ప్లాన్స్ ఉన్నాయి. ఇంత‌కు ముందే బాలీవుడ్ నుంచి ఓ ఆఫ‌ర్ వచ్చింది. అయితే… దానికంటే ముందే మైత్రీ సినిమాని హ‌ను ప‌ట్టాలెక్కించ‌బోతున్న‌ట్టు తెలుస్తోంది. ఈ సినిమా ఓ స్టార్ హీరోతోనే ఉండ‌బోతోంద‌ని స‌మాచారం. హ‌ను ద‌గ్గ‌ర రెండు క‌థ‌లు రెడీగా ఉన్నాయి. సో… హీరో సెట్ అయితే, ఈ సినిమా ప‌ట్టాలెక్కించ‌డం ఏమాత్రం ఆల‌స్యం కాక‌పోవొచ్చు. త్వ‌ర‌లోనే ఈ హ‌ను కొత్త సినిమాకి సంబంధించిన వివ‌రాలు బ‌య‌ట‌కు వ‌స్తాయి.
మైత్రీ నుంచి అడ్వాన్స్ అందుకొన్న హ‌ను
