నాగ అశ్విన్ ఏం చేస్తున్నాడో..?

ఎవ‌డే సుబ్ర‌హ్మ‌ణ్యం తో అరంగేట్రం చేశాడు నాగ అశ్విన్‌. ఆ చిత్రం విమ‌ర్శ‌కుల ప్ర‌శంస‌లు అందుకుంది. ఆ త‌ర‌వాత వ‌చ్చిన `మ‌హాన‌టి` అయితే.. ద‌ర్శ‌కుడిగా నాగ అశ్విన్‌పై గౌర‌వాన్ని పెంచేలా చేసింది. మ‌హాన‌టి వ‌చ్చి దాదాపు రెండేళ్లు కావొస్తోంది. అయితే ఈలోగా నాగ అశ్విన్ నుంచి మ‌రో సినిమా ప్ర‌క‌ట‌న ఏదీ రాలేదు. చిరంజీవి కోసం అశ్విన్ ఓ క‌థ త‌యారు చేస్తున్నాడ‌ని అప్ప‌ట్లో చెప్పారు. అయితే ఆ మాట ప్ర‌క‌ట‌న‌ల‌కే ప‌రిమితం అయ్యింది. చిరంజీవి తో సినిమా అనే ఆలోచ‌న ప‌క్క‌న పెట్టి త‌న స్క్రిప్టు ప‌నుల్లో బిజీగా ఉన్నాడు. ఇప్పుడు ఆ ప‌నుల‌న్నీ ఓ కొలిక్కి వ‌స్తున్నాయి. నాగ అశ్విన్ ఓ క‌థ‌ని రెడీ చేసేశాడు. టాలీవుడ్ స్టార్ రైట‌ర్ బుర్రా సాయిమాధ‌వ్ ఈ చిత్రానికి సంభాష‌ణ‌లు అందిస్తున్నారు. నాని, శ‌ర్వానంద్‌, విజ‌య్ దేవ‌ర‌కొండ‌.. ఈ ముగ్గురు హీరోల్లో ఒక‌రిని ఫిక్స్ చేసే అవ‌కాశాలున్నాయి. ఆ హీరో ఎవ‌ర‌న్న‌ది త్వ‌ర‌లో తెలుస్తోంది. ఎవ‌రి డేట్లు అందుబాటులో ఉన్నాయో చూసుకుని, వాళ్ల‌తో సినిమా ప్ర‌క‌టించే అవ‌కాశాలున్నాయి. ఏప్రిల్ – మేల‌లో నాగ అశ్విన్ సినిమా ప‌ట్టాలెక్కుతుంది.