నాగార్జున కెరీర్‌లో అతి పెద్ద విజ‌యం `సోగ్గాడే చిన్ని నాయిన`తో ద‌క్కింది. దాదాపు 50 కోట్లు వ‌సూలు చేసిన సినిమా ఇది. ఆ త‌ర‌వాత.. సోగ్గాడేకి.. సీక్వెల్ గా `బంగార్రాజు` చేస్తాన‌ని ప్ర‌క‌టించారు. క‌ల్యాణ్ కృష్ణ సైతం.. ఆ స్క్రిప్టు ప‌నులు ఎప్పుడో పూర్తి చేశారు. అయితే.. క‌థ‌లో కొన్ని సందేహాలు ఉండ‌డంతో, స్క్రిప్టు తాను అనుకున్న విధంగా రాక‌పోవ‌డంతో ఈ సీక్వెల్ ని ప‌క్క‌న పెట్టారు నాగ్. క‌ల్యాణ్ కృష్ణ కూడా వేర్వేరు ప్రాజెక్టుల‌లో ప‌డిపోయాడు.
ఇప్పుడు మ‌ళ్లీ `బంగార్రాజు`పై నాగార్జున దృష్టి పెట్టిన‌ట్టు టాక్‌. ఇటీవ‌ల… క‌ల్యాణ్ కృష్ణ నాగ్ ని క‌లిసి ఫైన‌ల్ నేరేష‌న్ ఇచ్చిన‌ట్టు స‌మాచారం. ఈసారి క‌థ విష‌యంలో నాగ్ పూర్తి సంతృప్తిని వ్య‌క్త ప‌రిచార్ట. అన్న‌పూర్ణ బ్యాన‌ర్‌లోనే ఈ సినిమా ఉండ‌బోతోంది. ఈసారి నాగ‌చైత‌న్య కూడా నాగ్ తో క‌ల‌సి న‌టించ‌బోతున్నాడు. చైతూ కాల్షీట్లు సైతం దొర‌కాల్సివుంది. అందుకే.. షూటింగ్ షెడ్యూల్ ఆల‌స్యం అవుతోంది. ఏదేమైనా.. వారం ప‌ది రోజుల్లో ఈ సినిమాకి సంబంధించిన అధికారిక ప్ర‌క‌ట‌న వ‌చ్చే అవ‌కాశాలు క‌నిపిస్తున్నాయి. డిసెంబ‌రులో గానీ, 2021 జ‌న‌వ‌రిలో గానీ ఈ సినిమా ప‌ట్టాలెక్క‌డం ఖాయ‌మ‌ని స‌మాచారం.
