విడుద‌ల‌కు ముందు విప‌రీత‌మైన హైప్ క్రియేట్ చేస్తున్నాయి.. స్టార్ల చిత్రాలు. స‌ర్దార్ – గ‌బ్బ‌ర్‌సింగ్ కి వ‌చ్చిన ప్ర‌చారం అంతా ఇంతా కాదు. స‌రైనోడుకీ మంచి హైపే వచ్చింది. ఈ రెండింటికి మించి బ్ర‌హ్మోత్స‌వం ఇప్పుడు టాక్ ఆఫ్ ది టౌన్ అవుతోంది. మహేష్ బాబు సినిమా ఎప్పుడొచ్చినా బాక్సాఫీసు కు పండ‌గే. అయితే.. బ్ర‌హ్మోత్స‌వం ఫీవ‌ర్ మాత్రం అలా ఇలా లేదు. ఈ సినిమాపై రోజుకో వార్త ఇండ్ర‌స్ట్రీలో చ‌క్క‌ర్లు కొడుతోంది. మే 1న బ్ర‌హ్మోత్స‌వం ఆడియో విడుద‌ల కానుంది. ఈ ఆడియో ఫంక్ష‌న్‌పై ఇప్పుడో హాట్ వార్త పుట్టుకొచ్చింది.
ఈ ఆడియో ఫంక్ష‌న్‌కి.. నాగార్జున అతిథిగా వ‌స్తార‌ని టాక్. సాధార‌ణంగా మ‌హేష్‌బాబు ఆడియోకి గెస్టంట్లూ పెద్ద‌గా ఉండ‌రు. కృష్ణ చేతుల మీదుగా పాట‌లు విడుద‌ల కావ‌డం రివాజు. ఈసారి మాత్రం నాగార్జున‌ని ఆహ్వానించాల‌ని మహేష్ భావిస్తున్నాడ‌ట. మ‌హేష్‌కీ నాగ్‌కీ మధ్య మంచి రిలేష‌న్ ఉంది. మహేష్ స్టామినా గురించి నాగార్జున చాలాసార్లు ప్ర‌స్తావించాడు కూడా. అఖిల్ సినిమా ఆడియో ఫంక్ష‌న్‌కి మహేష్ ని చీప్ గెస్ట్‌గా పిలిచింది నాగార్జునే. అందుకే ఈసారి మహేష్ త‌ర‌పునుంచి నాగ్‌కి ఆహ్వానం అంద‌బోతోంద‌ట. నాగ్‌తోపాటువెంక‌టేష్ కూడా ఈ కార్య‌క్ర‌మంలో పాల్గొనే అవ‌కాశాలున్నాయ‌ని టాక్.
