ఈ గాలి ఎంత హాయి …ఈ గాలి ఎంత స్వచ్ఛం

నెగేటిప్ పక్కనే పాజిటివ్ ఉంటుంది. చేదు పక్కనే మంచి ఉంటుంది. కష్టం పక్కనే సుఖం ఉంటుందని పెద్దలు అంటారు కదా. కరోనా వైరస్ వ్యాప్తి చెందాక ప్రపంచంలోని 95 దేశాలు లాక్ డౌన్ ప్రకటించాయి. ఎందుకంటే కరోనా వైరస్ వ్యాప్తి చెందకుండా ఉండటానికి అదొక్కటే మార్గం కాబట్టి. కరోనా వైరస్ మహా ప్రమాదకారి. ప్రపంచాన్ని మట్టుపెడుతోంది. వెయ్యికాళ్ల జెర్రిలా పాకిపోతోంది. కాబట్టి ప్రపంచం సమస్తం బందైపోయింది. మనుషులు ఇళ్లల్లో, క్వారంటైన్ కేంద్రాల్లో బందీలైపోయారు. బితుకు బితుకుమంటూ ఇళ్లల్లో పడివుంటున్నారు. అన్ని రకాల వాహనాలు, పరిశ్రమలు, కర్మాగారాలు మూతబడిపోవడంతో మానవాళికి ఓ మేలు జరిగింది. ఏమిటది? వాతావరణ కాలుష్యం లేకుండాపోయింది. గాలిలో స్వచ్ఛత ఏర్పడింది. ఈ గాలి ఎంత హాయిగా ఉంది అనుకునే పరిస్థితి ఏర్పడింది. లాక్ డౌన్ కారణంగా ప్రజలు ఇబ్బందులు పడుతున్న మాట నిజమే అయినా వాతావరణం మెరుగుపడిందనేది సంతోషకరమైన వార్త. కరోనా అనేది ఊహకు కూడా అందకముందు వాతావరణ కాలుష్యంపై ప్రతి రోజూ ఆందోళనే. వాతావరణ కాలుష్య నివారణ ఎలా చేయాలనే దానిపై ప్రపంచదేశాలు అనేకసార్లు సమావేశాలు కావడం మనం చూసాం. ఐక్యరాజ్య సమితి అనేకసార్లు ఆందోళన వ్యక్తం చేసింది. కరోనా రావడానికి కొద్దీ రోజుల ముందు కూడా ఇండియాలో అత్యధిక కాలుష్యం ఉన్న నగరాల జాబితా తయారుచేస్తే వాటిల్లో హైదరాబాదు కూడా ఉంది. ఇక ఢిల్లీ సంగతి చెప్పక్కరలేదు. అక్కడ సరి సంఖ్య-బేసి సంఖ్య విధానం పాటించినా కాలుష్యం తగ్గలేదు. దేశంలో అత్యధిక కాలుష్యకారక నగరాల్లో ఢిల్లీ మొదటి స్థానంలో ఉంది. ఢిల్లీ హైకోర్టు, సుప్రీం కోర్టు ఎప్పుడూ ఢిల్లీ ప్రభుత్వానికి, కేంద్ర, రాష్ట్ర ప్రభుత్వాలకు అక్షింతలు వేస్తూనే ఉండేవి. తెలంగాణా ప్రభుత్వం భారీఎత్తున హరితహారం పేరుతో మొక్కలు నాటే కార్యక్రమం చేపట్టడానికి ప్రధాన కారణం కాలుష్య నివారణే. వాతావరణ కాలుష్యంపై కొన్నేళ్లుగా ప్రపంచదేశాలు ఆందోళన చెందుతూనే ఉన్నాయి. ఇదిలా కొనసాగుతుండగానే కరోనా మహమ్మారి వచ్చిపడింది. చివరకు లాక్ డౌన్ కారణంగా స్వచ్ఛమైన గాలి అందుబాటులోకి వచ్చింది. కానీ దీన్ని ఆస్వాదించే యోగం మనకు లేదు. ఇంట్లో బందీలం అయ్యాం కదా. కాలుష్యపు పొగమంచుకు ఢిల్లీ పెట్టింది పేరు. కానీ కొన్ని రోజులుగా ఆ బాధ లేదు. దేశంలోని 103 నగరాలు, పట్టణాల్లో పరీక్షలు చేస్తే 88 నగరాల్లో వాయు కాలుష్యం లేదని తేలింది. లాక్ డౌన్ ప్రారంభంలోనే ఎయిర్ క్వాలిటీ పెరిగిందని వార్తలు వచ్చాయి. లాక్ డౌన్ కొనసాగుతున్నకొద్దీ నాణ్యత మరింత మెరుగుపడుతూ వస్తోంది. ప్రస్తుతం దేశంలోని 23 నగరాల్లో అత్యంత స్వచ్ఛమైన గాలి లభిస్తోందని పరీక్షలు తెలియచేస్తున్నాయి. గాలిని కలుషితం చేసే నైట్రోజన్ ఆక్సయిడ్ పూర్తిగా అదుపులోకి వచ్చిందని సమాచారం. అయితే ఇలా లాక్ డౌన్ కారణంగా గాలి స్వచ్చంగా ఉండటం తాత్కాలికమే. కరోనా మహమ్మారి అంతమైతే లాక్ డౌన్ ఎత్తేస్తారు కదా. మళ్ళీ పరిస్థితి యథాప్రకారమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలోకి పర్చూరు, రేపల్లె ఎమ్మెల్యేలు..!?

తెలుగుదేశం పార్టీకి చెందిన మరో ఇరువురు ఎమ్మెల్యేలు గుడ్ బై చెప్పడం దాదాపు ఖాయమైపోయింది. పర్చూరు ఎమ్మెల్యే సాంబశివరావు, రేపల్లె ఎమ్మెల్యే అనగాని సత్యప్రసాద్ వైసీపీలో చేరాలని నిర్ణయించుకున్నట్లుగా తెలుస్తోంది. ఏ క్షణమైనా...

అలాంటిదేం లేదంటున్న సుమ‌

రంగ‌స్థ‌లంలో యాంక‌ర్ భామ అన‌సూయ‌కు ఓ మంచి అవ‌కాశం ఇచ్చాడు సుకుమార్‌. రంగ‌మ్మ‌త్త‌గా అన‌సూయ విజృంభించేసింది. ఆసినిమాతో అన‌సూయ‌కు కొత్త ఫ్యాన్ ఫాలోయింగ్ ఏర్ప‌డింది. ఇప్పుడు అదే పంథాలో త‌న కొత్త సినిమా...

బాలీవుడ్‌లో పాగా.. ఇదే క‌రెక్ట్ టైమ్‌!

తెలుగులో అగ్ర శ్రేణి నిర్మాత‌గా చ‌లామ‌ణీ అవుతున్నారు దిల్‌రాజు. పంపిణీరంగంలో ఇది వ‌ర‌కే త‌న‌దైన ముద్ర వేశారాయ‌న‌. చిన్న‌, పెద్ద‌, స్టార్‌, కొత్త‌.. ఇలా ఎలాంటి సినిమా అయినా తీయ‌గ‌ల స‌మ‌ర్థుడు. నిర్మాణ...

థియేట‌ర్ వ్య‌వ‌స్థ‌లో మార్పులు వ‌స్తాయా?

క‌రోనా ముందు.. క‌రోనా త‌ర‌వాత‌..? - ప్ర‌స్తుతం ప్ర‌పంచం న‌డ‌వ‌డిక‌, మ‌నుషులు ఆలోచించే విధానం, బ‌తుకులు రెండు ర‌కాలుగా విడిపోయాయి. ఇప్పుడు అన్ని రంగాల్లోనూ మార్పులు అనివార్యం. సినిమా కూడా మారాల్సిన అవ‌స‌రం ఉంది. అన్నింటికంటే...

HOT NEWS

[X] Close
[X] Close