అమరావతిలో రాజ్ భవన్, హైకోర్టు భవనాల నిర్మాణం జరిగిపోతున్నాయా?

కేంద్రప్రభుత్వం ఆంధ్రప్రదేశ్ రాష్ట్రానికి వివిధ పనుల కోసం మంజూరు చేసిన నిధులకు రాష్ట్ర ప్రభుత్వం సరిగ్గా లెక్కలు చూపడం లేదని పురందేశ్వరి వంటి భాజపా నేతలు బహిరంగంగానే విమర్శిస్తున్నారు. పోలవరం ప్రాజెక్టు కోసం కేంద్రం మంజూరు చేసిన నిధులకు రాష్ట్ర ప్రభుత్వం ఇంతవరకు లెక్కలు చూపలేదని ఆమె నిర్దిష్టంగా విమర్శలు చేసారు. అంతే కాదు పోలవరం ప్రాజెక్టుతో పట్టిసీమకు ఎటువంటి సంబంధమూ లేదని చెపుతూనే దాని ఖర్చులను కూడా పోలవరం పద్దులో చూపిస్తున్నారని ఆమె ఆరోపించారు. ఆమె నిర్దిష్టంగా చేసిన ఈ విమర్శలకు తెదేపా నేతలు జవాబు చెప్పలేదు ఆమెపై ఎదురుదాడి చేసారు.

ఇప్పుడు తాజాగా నీతి ఆయోగ్ కూడా రాజధాని కోసం కేంద్రం మంజూరు చేసిన నిధులకి లెక్క చెప్పమని రాష్ట్ర ప్రభుత్వాన్ని అడిగినట్లు తెలుస్తోంది. ఆ నిధులలో హైకోర్టు, రాజ్ భవన్ తదితర నిర్మాణాల కోసం రూ.850 కోట్లు ఖర్చు చేసినట్లు రాష్ట్ర ప్రభుత్వం చూపిన లెక్కల గురించి నీతి ఆయోగ్ ప్రశ్నించినట్లు తెలుస్తోంది. ఈ విషయం ఒక ప్రముఖ పత్రిక బయటపెట్టింది. అదే నిజమయితే పురందేశ్వరి వంటి నేతలు చేస్తున్న ఆరోపణలు నిజమనే నమ్మవలసి ఉంటుంది. ముఖ్యమంత్రి చంద్రబాబు నాయుడుతో సహా తెదేపా నేతలు, మంత్రులు అందరూ ‘అమరావతి డ్రీం సాంగ్’ కోరస్ గా పాడుతూ రోజులు దొర్లించేస్తున్నారు.

రాజధాని ప్రాంతంలో తాత్కాలిక సచివాలయ భవన నిర్మాణం తప్ప మరే పని మొదలవలేదు. ఇంకా ఎప్పుడు మొదలవుతాయో కూడా ఎవరికీ తెలియదు. అంతవరకు సింగపూర్ సంస్థలు గీసిచ్చిన అందమయిన అమరావతి ఫోటోలను చూస్తూ ప్రజలు కూడా కాలక్షేపం చేసేస్తుంటే మధ్యలో ఈ రాజ్ భవన్, హైకోర్టు నిర్మాణం ఎప్పుడు, ఎక్కడ మొదలుపెట్టారో తెలియడం లేదు. కోరస్ సాంగ్ లో తాత్కాలిక సచివాలయం గురించి మెన్షన్ చేస్తున్నారు తప్ప వీటి గురించి ఎప్పుడూ మెన్షన్ చేయలేదు కనుక ఈ సంగతి మీడియాకి, ప్రజలకి కూడా ఇంతవరకు తెలియలేదు. కనుక రాష్ట్ర ప్రభుత్వం వాటి కోసం నిధులు వినియోగ పత్రాలు పంపించడం నిజమయితే మిగిలిన భవనాలని కూడా కాగితాల మీదనే నిర్మించేస్తారేమో?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

ఇంకా “బలమైన” భ్రమల్లోనే కేటీఆర్ !

కేటీఆర్ నియోజకవర్గాల వారీ సమీక్ష సమావేశాల్లో రేవంత్ రెడ్డిని తిట్టి... ఎన్నికల్లో దున్నిపారేస్తామని ప్రసంగించి వెళ్లిపోతున్నారు. గ్రౌండ్ లెవల్లో పరిస్థితిని అర్థం చేసుకునేందుకు ప్రయత్నించడం లేదు. కనీసం ...
video

ట్రైల‌ర్ టాక్‌: ఫ్యామిలీమెన్ టూ మెంట‌ల్ మెన్‌

https://www.youtube.com/watch?v=xB7b3RzicUU విజ‌య్ దేవ‌ర‌కొండ అంటే ఎగ్రెసివ్‌నెస్ గుర్తొస్తుంది. అర్జున్ రెడ్డి నుంచి అది అల‌వాటైపోయింది. అయితే... త‌న‌లో కూల్ & కామ్ పెర్‌ఫార్మ‌ర్ ఉన్నాడు. దాన్ని బ‌య‌ట‌కు లాగే ప్ర‌య‌త్నం చేస్తున్నాడు ప‌ర‌శురామ్. 'ఫ్యామిలీస్టార్‌'...

HOT NEWS

css.php
[X] Close
[X] Close