మహానటి సినిమా పై ప్రశంసల వర్షం కురుస్తూనే ఉంది. ఇటు విమర్శకుల ప్రశంసలు, అటు బాక్సాఫీస్ కలెక్షన్లు కొల్లగొట్టే సినిమాలు తెలుగులో అరుదుగానే వస్తుంటాయి. ఇప్పుడు మహా నటి సినిమా విమర్శకులను, సామాన్య ప్రేక్షకుల నే కాకుండా, సినీ పరిశ్రమ నుంచి కూడా ప్రశంసల జల్లు అందుకుంటోంది. తాజాగా యంగ్ టైగర్ ఎన్టీఆర్ ఈ సినిమాపై తన అభిప్రాయాలను , ప్రశంసలను ట్విట్టర్ వేదికగా పంచుకున్నాడు. యంగ్ టైగర్ ఎన్టీఆర్ ట్వీట్ చేస్తూ, బహుశా సావిత్రి గారే ఆమెతో అలా చేయించారేమో అంటూ కీర్తి సురేశ్ నటనను ప్రశంసించాడు.
ఎన్టీఆర్ ట్వీట్ చేస్తూ – “మహానటి ఓ అనుభవం. సావిత్రి పాత్రలో కీర్తి సురేశ్ నటనను వర్ణించడానికి మాటలు సరిపోవు. బహుశా సావిత్రి గారే ఆమెతో అలా చేయించారేమో. అలనాటి నటి సావిత్రి గారికి ఈ చిత్రం రూపంలో ఘన నివాళి ఇచ్చినందుకు డైరెక్టర్ నాగ్ అశ్విన్ కి అభినందనలు. ఈ చిత్రానికి జీవం పోసినందుకు ప్రియాంక, స్వప్న, దత్ గారికి ధన్యవాదాలు. అద్భుతంగా నటించిన సమంత, విజయ్ దేవరకొండ, దుల్కర్ సల్మాన్ కి, అద్భుత సంగీతమందించిన మిక్కీ జే మేయర్ కి, చిత్ర యూనిట్ కి శుభాకాంక్షలు” అంటూ ట్వీట్ చేసారు.
మొత్తానికి “కీర్తి” సురేష్, పేరుకు తగ్గట్టు ఈ ఒక్క సినిమాతో, విపరీతమైన కీర్తి సంపాదించింది.